Yeremiya 48:2 - BIBLIYA NTAGATIFU OMU MASHI

² “Yahwerîrwe, erhaciri irenge lya Mowabu! E Heshiboni bajire irhigi ly’obuhanya bwâge: Bangaduki: Rhumukûle omu mashanja! Na­we, Madmeni, orhacibumbûle akanwa, engôrho ekugosire bwinjà­ bwinjà”.

Yeremiya 48:2 ပူးပေါင်းရင်းမြစ်များ

Izaya 15:1

Obulêbi buyêrekîre Mowabu. «Nêci, obudufu anyagagwamwo. Ar-Mowabu aherêrekera. Nêci, obudufu anyagagwamwo, Kir-Mowabu aherêrekera.

Izaya 15:5

Omurhima gwâni gudwîrhe gwalakira Mowabu: abantu bâge bâbo bajà bayâka kuhika e Sowari n’Egalati-Shelishiya! Omurhezi gwa Luhiti badwîrhe bagusôka erhi banajà balaka; omu njira y’e Horo­-Nayimi bayisha babanda endûlù!

Izaya 16:14

Ci na bunôla Nyakasane adesire, erhi: «Enyuma lya myâka isharhu, nka kula baganja emyâka y’omulimya, irenge lya Mowabu lyalaba­rhwa, ciru akabà abantu bâge bali mwandu. Asigalana amahunga garhankagerwa bici.»

Izaya 25:10

«“Okuboko kwa Nyakasane kwâdêkerera kw’eyi ntondo. Mowabu yêhe alabarhirwa ahanali, nka kula banalabarhira ebyâsi omu mwîna gw’ecamvu”.

Yeremiya 25:15

Nyakasane, Nyamuzinda w’Israheli kw’ambwîzire ntya: Erhi kayanke omu nfune zâni, aka kabehe k’idivayi ly’omutula, onakanywêse amashanja goshi nakurhuma emunda gali,

Yeremiya 25:17

Narhôla akabehe omu nfune za Nyakasane, nakanywêsa amashanja Nyakasane ali antumirekwo:

Yeremiya 31:36

Amango nâderhe nti ebyo birhegeka en’igulu, bukola busha, kwo Nyakasane adesire, nanderhage nti bene Israheli lurhaciri lubaga!

Yeremiya 33:24

K’orhashubigibona oku abantu banakaziyisha mpu: «lêro erya milala ibirhi Nyakasane àzigiraga anayijanzire!» Bakola bakazishekera olubaga lwâni, barhanacilubona nka lwîshogwa.

Yeremiya 46:28

“W’oyo murhumisi wâni Yakôbo, orhayôbohaga, Kanwa ka Nyakasane, bulya ndi haguma nâwe. Nkola nakabya galya mashanja goshi nakushandâzagyamwo, ci wêhe ntakuherêrekeze, cikwône nakuhana omu kushimba olushika, orhakalekwa buzira buhane”».

Yeremiya 48:17

Lakiri ye mwe balungu bâge mweshi, mwe muyishi mweshi izîno lyâge. Muderhe mpu: «kurhi kuno! Bwavunisire buhiri budârhi, lulya lubuzi lw’irenge».

Yeremiya 48:42

Mowabu aherêrekîre lwoshi arhaciri ishanja lya lubaga, bulya acîbwîne mukulu kulusha Nyakasane.

Yeremiya 48:45

Emirhamà y’abajâga bayâka balibirhira omu lwâkiro lwa Hesboni, ci omuliro gwarhenga omu Hesboni, ngulumira yarhenga omu lurhambà lwa Sihoni yafômera amarhama ga Mowabu n’empanga y’iburha ly’olubî.

Yeremiya 49:3

Banda endûlù, Hesboni, bulya Ayi ànashâbirwe. Bandi orhuhababo bananyere b’e Raba! Yambali ba sunzu, mubande endûlù mutulutumbe omu byôgo! Bulya Milkomu akola ahêkwa bujà haguma n’abadâhwa bâge n’abalanzi bâge boshi.

Yeremiya 49:37

“Abaelamiti nâbadirhimanya embere z’abashombanyi bâbo, embere za balya babalongeza olufù. Nâbarhumira obuhanya omu bukunizi bwâni bunene. Nâbashimbulula n’ebîrha kuhika mbamalîre”.

Mibalè 32:37

Bene Rubeni bayûbaka Heseboni, Eleale, Kiriyatayimi.