Yeremiya 47:7 - BIBLIYA NTAGATIFU OMU MASHI

⁷ Cikwône kurhigi yarhûlirira obwo amango ehîrwe amarhegeko na Nyakasane? Askaloni n’e ntambi z’e mashinji, yo mihigo yayûkirizibwa.

Yeremiya 47:7 ပူးပေါင်းရင်းမြစ်များ

Izaya 10:6

Ye ntumire nti agend’ihana olubaga lw’endyâlya, ye ntegesire nti aj’ilwîsa olubaga ludwîrhe lwasholoshonza obukunizi bwâni, lyo alunyaga analunyagûse, alulabarhe nka bijondo by’omu njira.

Izaya 13:3

Niene ntegesire balya banterekîrwe; nie nnampamagîre entwâli zâni omu bukunizi bwâni, bo balwî bâni b’enkwîra.

Izaya 37:26

“K’orhamanyiri oku kurhenga emyâka erhi byoshi kurheganya mbirheganya, n’oku kurhenga mîra erhi kuhiga mpiga eyo mihigo? Bunôla nkola nayiyunjuliza. Omukolo gwâwe kwàli kuhindula ebishagala bizibuzibu bishube bigûkà”.

Yeremiya 48:10

“(Ali muhehêrere oyûkiriza omukolo gwa Nyakasane n’emirhâlûka! Muhehêrere orhuma engôrho yâge erhabulaga omukò!)”

Ezekiyeli 14:17

Erhi na­ nkaheka engôrho muli ecôla cihugo, nkaderha nti: «Engôrho egere muli ecîra cihugo, nânanigûzamwo abantu n’ebintu».

Ezekiyeli 21:14

Wâni mwene omuntu, oderhe ebinwa by’obulêbi. Oyîsh’iderha, erhi: Ntyâla kwo adesire Nyakasane Nyamuzinda, erhi: Engôrho, engôrho yamârhyazibwa yamânacêsibwa.

Ezekiyeli 21:30

Kuli we wâni muluzi w’Israheli, nyankola-maligo wacîhemwire, oyu ensiku nzinda z’amabî ziri hôfi.

Ezekiyeli 21:9

“Oku kumalîra omushinganyanya n’omunya-byâha kwo kwarhuma engôrho yâni yarhenga omu lûba, yanigûza ngasi muntu kurhenga e Negêbu kujà olunda lw’emwênè”.

Ezekiyeli 25:16

ko kurhumire ntya kwo adesire Nyakasane Nyamubâho. Alà oku nkola nâla­mbûla okuboko kwâni oku Bafilistini, nkola nâmalîra Abanya-Kereti, mpereêrekeze ngasi balya boshi bàyûbakaga oku burhambi bw’enyanja.

Amosi 3:6

K’omushekera gunabûhirwe omu lugo n’olubaga lubule kwayôboha? K’obuhanya bunajè omu cishagala arhanali Nyakasane obudwîrhe?

Mikeyo 6:9

Izù lya Nyakasane lidwîrhe lyayâkûza omu cishagala: Yumvagi mwe bûko bwa Yûda, ninyu mwe ndêko y’abagula b’ecishagala!

1 Samweli 15:3

Okanyagye bunôla oyîrhe Amaleki, oherêrekeze na ngasi ebi ajira byoshi, orhamubabaliraga, onigûze akabà mulume, mukazi, ebirhaba ciru n’enkafu, ebibuzi, engamiya n’endogomi, byoshi ohire okw’idaho.»