Yeremiya 46:5 - BIBLIYA NTAGATIFU OMU MASHI

⁵ Ewe, kurhi oku mbabwîne? Kuziga barhunzirwe n’obwôba, bàrhenzire erugamba; entwâli zâbo zàhimirwe. Akola maguluagabe barhâcikabagana. Cikola côbà cône empande zoshi. Kanwa ka Nyakasane.

Yeremiya 46:5 ပူးပေါင်းရင်းမြစ်များ

Murhondêro 19:17

Oku bamuhêka e muhanda, muguma muli balya bamalahika amubwîra, erhi: «Kanya oyâke duba duba, ocize omûka gwâwe, orhakabaganaga enyuma orhanayimangaga ngahi omu kabanda ci oyâkire oku ntondo lyo olek’ihêkwa omu nsanyâ».

Izaya 13:8

Barhunzirwe n’obwôba, badwîrhe bageramwo ogwa nyugunyu banalîbwa n’amalumwa; badwîrhe bacîluma olulimi n’okuyumva emikero ak’omukazi oli buburha; badwîrhe balolanakwo banarhangire; amalanga gâbo gadukulîze nka muliro.

Izaya 19:16

Mw’olwôla lusiku, abanya-Mîsiri babà nka kula abakazi bayôrha: bâjuguma banarhemuke n’obwôba babona Nyakasane Nyamuzinda w’Emirhwe abadundira okuboko.

Izaya 42:17

Bakola baja bacîtunda cinyumanyumà banagwerhwe n’enshonyi balya bacîkubagira enshushano, balya bakabwîra ensanamu z’ecûma, mpu: «Mwe banyamuzinda bîrhu!»

Izaya 5:25

Okwo kwarhuma oburhè bwa Nyakasane buyâkira olubaga lwâge, âlulengereza okuboko ânaluhimbaguliza; entondo zâgeramwo omusisi n’emirhumba y’abantu yalambama omu njira nka camvu. Ci okola kurharhuma oburhè bwâge bwarhûla n’okuboko kwâge kurhayôrha kula­mbûle.

Yeremiya 20:10

Nayumva bambêshera bwenêne: «Cikango eyi n’eyi! Shobeki, shobekiye!» Ngasi abayumvagya nâni, bakaziringa oku nahirima mpu «nkabaga aleka bamurhize? Rhwamulusha misî rhunacîhôle kuli ye.»

Yeremiya 46:15

Kurhigi Apisi ànayâsire burhakabagana? Kurhigi Entwâli yâwe erhalinziri kahuku? Nêci, Nyakasane ànamucinaguzize.

Yeremiya 46:21

Emirenge y’abalwî b’enkonola masù balishushire amanina gashushagîre: nabo bamâniôla enshando, bahwêrîre boshi oku mashaka, barhalinziri kahuku. Bulya olusiku lwâbo lwahisire, lusiku lwa kuherêrekera, mango ga kuhanwa.

Yeremiya 49:29

Babanyâge amahêma gâbo n’amasò gâbo g’ebintu, amashîro gâbo n’ebirugu byâbo byoshi binyagwe. Banyagwe engamiya zâbo banabalumizekwo ecôbà, empande zoshi.

Yeremiya 49:5

Alaga oku nkolaga nakuhondakwo côbohya, kanwa ka Nyakasane Nyamuzinda w’Emirhwe, akugorhe empande zoshi, mwâlibirhwa­ kwo mweshi, mugende mihanda erhashimânana na ntâye wâshûbûze abajayâka.

Yeremiya 6:25

murhajâga ebwa mashwa, murhageraga omu mirimbwa bulyâla eyo munda ngôrho za babisha, bihamba enyunda zoshi.

Ezekiyeli 32:10

Nâhira embaga nyinji omu mirhanyo erhi we orhuma, n’emviri z’abâmi bâbo zibangalale oku irhwe erhi we orhuma, amango babona nâgeza engôrho yâni embere zâbo. Ntâye orhâgeremwo omusisi yêshi muli olwôla lusiku wa­nâhirime.

Ezekiyeli 39:18

Enyama z’entwâli zo mwâlya, n’omukò gw’abâmi b’omu cihugo gwo mwânywa, ogw’engandabuzi, ebibuzi, ebihebe, empanzi ntôrhò zinadwîrhe zayenjera, zakazâg’ishwêkerwa e Bashani.

Nahumu 2:8

Bamarhuluba omugoli, bamamugendana, abajà-nyere bâge bali bàbanda endûlù nka kulya engûkù ziyâhiza; bali bacidirhibula.

Nahumu 2:9

Ninive kwo ali nka luganizo lwa cidêka. Badwîrhe bayakuza, mpu: «Kafè, kafè, kafè!» Ci ntâye wakabagana kwo kunyi.

Sofoniya 1:14

Olusiku ludârhi lw’obukunizi bwa Nyakasane luli hôfi, luyishire luli buhena; okuyisha kwâlwo kwâzûsa ecihôgêro c’amalumwa manene, ciru n’entwâli yâbanda endûlù erhi bihamba bya bîrha birhuma!