Yeremiya 46:18 - BIBLIYA NTAGATIFU OMU MASHI

¹⁸ Ndahîre oku ncihaba kanwa ka Mwâmi, olya oderhwa lya Nyakasane, Nayamuzinda w’Emirhwe; ayishiyisha, nka kula Tabora anabà omu ntondo, kula Karmeli alengerera oku nyanja.

Yeremiya 46:18 ပူးပေါင်းရင်းမြစ်များ

Ennanga 89:12

Amalunga gabà gâwe, n’igulu kwo na kwo, wêne walemaga igulu n’ebiribâmwo.

Izaya 47:4

Côkola wîrhu ye Nyakasane Nyamuzinda w’Emirhwe, ye Mutagatîfu w’Israheli!

Izaya 48:2

Nêci, balimbira izîno ly’ecishagala citagatîfu banayêmêra Nyamuzinda w’Israheli, oderhwa Nyakasane Nyamuzinda w’Emirhwe!

Yeremiya 10:10

Nyakasane yêhe ye Nyamuzinda w’okuli, ye Nyamuzinda ozîne ye na Mwâmi w’ensiku n’amango. Akabà burhè, igulu linageremwo omusisi, amashanja garhankalinda omutula gwâge.

Yeremiya 10:16

«Mwanya gwa Yakôbo» yêhe arhali ntyo: bulya ye kabumba kabumbaga byoshi Israheli lyo ishanja mwîmo gwâge. Izîno lyâge ye Nyakasane w’Emirhwe.

Yeremiya 4:13

Lâba oku kashâba asôka nka citù, engâlè yâge kwo eri nka mpûsi, endogomi zâge zo zâkanya kulusha amakozi, rhwamahera! rhwamahwa!

Yeremiya 4:7

Engoromora yarhenzire omu mashaka, Cishâba mashanja arhabîre, arhenzire omu mwâge mpu ecihugo coshi acîjire irungu: emirhundu yoshi âyishâba erhasigalemwo omuntu.

Yeremiya 44:26

“Cikwône, muyumve akanwa ka Nyakasane, mweshi mwe Bayudeya muli omu cihugo ca Mîsiri. Lâbi, lyo ndahîre izîno linene, Nyakasane okudesire. Omu cihugo ca Mîsiri coshi, izîno lyâni lirhakaciderhwa n’omuntu w’omu ca Yûda! Ntâye waderhe, erhi: bwo ndahîre obuzîne bwa Nyakasane Nyamuzinda”.

Yeremiya 48:15

Mowabu anashandirwe, bagosire ebishagala byâge, omurhwe gw’e­ ntwâli y’emisole yâge yarhogire ah’ibâgiro, Kanwa ka Mwâmi oderhwa Nyakasane w’Emirhwe.

Yeremiya 51:17

Abantu boshi banayôrhe bagungumire, buzira kuyumva akantu. Ngasi bàbumbire enshusho zâbo banagwârhwe n’enshonyi zàrhumaga bazibumba, bulya enshusho zâbo zibà za kurhebana, zirhimbwa­ mwo mûka.

Yeremiya 51:57

“Nâbalalusa, abaluzi n’abashinganyanya bâge, abarhambo bâge, abajinji n’emirhwe-entwâli z’abalwî bâge, bayishigwîshira n’okujà îrò ly’ensiku n’amango, barhankacizûka bundi, kwo Mwâmi Mukulu oderhwa Nyakasane w’Emirhwe adesire”».

Amosi 4:13

Bulya ye wajiraga entondo àlema n’empûsi, ye manyîsa omuntu emihigo yâge, ye jira omuceracera n’omwizimya, ye gera enyanya ly’igulu, Nyakasane Nyamuzinda w’Emirhwe, lyo izîno lyâge.

Malakiya 1:14

Buhanya bwâge omurhebanyi, ojira ebintu bigumagumà omu busô bwâge, abulihira ecintu cisherîre eburhambi mpu co antûla nterekêro. Buhanya bwâge, bulya nie mwâmi mukulu, oyu amashanja goshi gayôboha obuhashe bwâge, kwo ndesire niono Nyakasane w’Emirhwe!

Mateyo 5:35

arhanali oku igulu, bulya kw’aheba amagulu gâge; arhanali kuli Yeruzalemu, bulya ciri Cishagala ca Mwâmi Mukulu.

1 Timoteyo 1:17

Kuli Mwâmi w’ensiku n’amango, Mwâmi orhankafà, orhanabonekana, Nyamuzinda muguma dolodolo, obukuze n’irenge emyâka n’emyâka! Nêci ntyo!

Yozwe 12:22

omwâmi w’e Yokeneyami, omu Karmeli, muguma;

Yozwe 19:22

Olwo lubibi lwahika kuli Tabora, aha Sahazima, n’aha Beti-Shemeshi, lwagendija oku Yordani: engo zâbo zàli ikumi na ndarhu n’ebishagala byâzo.

Bacîranuzi 4:12

Banacimanyîsa Sisera oku Baraki mugala wa Abinoami amasôkera oku ntondo ya Tabora.

Bacîranuzi 4:6

Arhumiza mpu bagendihamagala Baraki, mugala w’Abinoami w’e Kedesi omu Nefutali; anacimubwîra erhi: «K’arharhegekaga ntya Nyakasane, Nyamuzinda w’Israheli? Okanye ojibêra oku ntondo Tabora, ogende na bantu bihumbi ikumi omu bene Nefutali na muli bene Zabuloni.