Yeremiya 46:14 - BIBLIYA NTAGATIFU OMU MASHI

¹⁴ Mukayâlize e Mîsiri, mukamanyîse e Migdoli, mukahise e Nofu n’e Tahipanesi. Mubabwîre mpu: Mucîhire eruhya, mucibambize, bulya engôrho ekola yatula yanabinja ebulungu bwâwe.

Yeremiya 46:14 ပူးပေါင်းရင်းမြစ်များ

2 Samweli 2:26

Abneri ayâkûza Yowabu amubwîra, erhi: «Kali engôrho ekolaga yakayôrha yajira enkumba muli rhwe obwo? K’orhamanyiri oku okwôla kwankahwa kubî? Mangaci wabwîra engabo yâwe baleke okuhîvulula bene wâbo?»

Lubungo 14:2

«Obwîre Israheli bagaluke, bàj’itwa icumbi embere za Pi-Habiroti, ekarhî ka Migadoli n’enyanya, ishiriza lya Bal-Sefoni: ho mwâcûmbika oku burhambi bw’enyanja.

Izaya 1:20

“Ci mukalahira, mukabà cikanyi-cirhagomba, mwâhungumuka n’engôrho, bulya kanwa ka Nyakasane kakudesire”».

Izaya 19:13

Abaluzi b’e Sowani bashubire bingolongolo; abaluzi b’e Nofu badwîrhe bacîrheba bône; nabo abarhambo b’ebishagala byâge badwîrhe bahabula Mîsiri.

Izaya 31:8

“Asîriya ayîrhwa n’engôrho, ci erhali ya muntu; agera omu bôji bw’engôrho, ci arhali ya muntu; Asîriya âkûla idârhi abona eyo ngôrho, n’abâna bâge b’emisole bâgwârhwa mpira”.

Izaya 34:6

Engôrho ya Nyakasane ekola eyunjulirîne mukò, ekola nshîge mashushi n’omukò gw’abâna-buzi n’ogw’ebihebe, n’amashushi g’ensiko z’engandabuzi. Bulya Nyakasane adwîrhe arherekêrwa enterekêro e Bosra, badwîrhe bamubâgira omu cihugo ca Edomu.

Yeremiya 12:12

Entondo zirengerîre omu irungu zoshi zahisirwekwo n’abashâbi (bulya Nyamubâho afumbasire engôrho ye Ntakanjirwa) kurhenga oku cikwi c’ecihugo kuhika oku cindi ntà muntu ogwêrhe omurhûla!

Yeremiya 2:16

Ciru bene Nofu na bene Tapenesi bamâkumôma empanga.

Yeremiya 2:30

Nashûsire bagala binyu, barhanayankiriraga ihano: engôrho yinyu yamulya abalêbi, nka ntale yahaha.

Yeremiya 44:1

Akanwa karhindakwo Yeremiyahu mpu akabwîre Abayahudi boshi oku banali omu cihugo c’e Mîsiri, àbabâga e Migidoli, e Tapenesi n’e Nofu omu cihugo ca Patrosi:

Yeremiya 46:10

Olu lwo lusiku, kuli Nyakasane, Nyamuzinda w’Emirhwe lw’olwihôlo, okucîhôla oku bashombanyi bâge. Engôrho ekola yatula yanabinja, eyône, eshembuke mukò. Bulya kuli kushirama kwa Nyakasane Nyamuzinda w’Emirhwe. Omu bihugo by’e lugulu, eburhambi bwa Efrata.

Yeremiya 46:19

Shana ebikunga byâwe, mwânanyere olama e Mîsiri, Nofu, ahinduka kabanda ka mirenge ashandwe n’abayûbakamwo balulizibwe.

Yeremiya 46:2

Kanwa kayêrekîre Mîsiri, kanwa karhumirwe oku cigamba c’omurhwe gw’abalwî ba Faraoni mwâmi w’e Mîsiri Neko, mwâmi w’e Mîsiri, càlikerekîre eburhambi bwa Efrata kuyêrekera e Karkemishi, amango Nabukondonozori, mwâmi w’e Babî­loni àbahimaga. Gwàli mwâka gwa kani oku ngoma ya Yehoyakimu, mugala wa Yoshiyahu, mwâmi w’e Yûda.

Ezekiyeli 21:28

Omu masù gâbo byàli nka bya busha endahiro bàjiraga. Babalaganya oku bakengêza amabî bajizire, agârhuma bayishigwârhwa bujà.

Ezekiyeli 30:13

Ntyâla kwo adesire Nyakasane Nyamubâho. Nâhirigisa abazimu, nârhenza Nofu bo bazimu b’engandabuzi. Murhakaciba muluzi omu Mîsiri. Nâlumîza obôba omu Mîsiri.

Hozeya 9:6

Bo abo bakola ebwa kuhêra: Mîsiri âbayankirira, Menfisi âbabishe, obuhirhi bwâbo bw’ensaranga, nshenga yabuyîmamwo, enyumpa zâbo zijamwo olûrhe. Okurhonda abadâhwa kwamâlerhera omulêbi nya­mmanja.

Nahumu 2:13

Wampangaza akâgigabira orhwâna rhwâge ebihembo, agabânye n’empangaza-kazi zâge; akâgiyunjuza enyâla zâge mishoko, n’ebirâlo byâge misimbisimbi.

Lushika 32:42

Emyampi yâni nayilalusa n’omukò, n’engôrho yâni yavûgusa enyama: mukò gwababanzirwe n’abagwêrhe mpira, mpanga z’abarhambo b’omushombanyi!