Yeremiya 46:10 - BIBLIYA NTAGATIFU OMU MASHI

¹⁰ Olu lwo lusiku, kuli Nyakasane, Nyamuzinda w’Emirhwe lw’olwihôlo, okucîhôla oku bashombanyi bâge. Engôrho ekola yatula yanabinja, eyône, eshembuke mukò. Bulya kuli kushirama kwa Nyakasane Nyamuzinda w’Emirhwe. Omu bihugo by’e lugulu, eburhambi bwa Efrata.

Yeremiya 46:10 ပူးပေါင်းရင်းမြစ်များ

2 Bâm 24:7

Oyo mwâmi w’e Mîsiri arhacirhengaga bundi omu cihugo câge mpu ayisha arhabîre; ali okubà omwâmi w’e Sîriya amamunyaga ngasi ebi oyo mwâmi w’e Mîsiri ali agwêrhe kurhenga oku mugezi gw’e Mîsiri kujà oku lwîshi lwa Efrata.

Ayubu 24:1

Cirhumire emw’Ogala-byoshi ntà mango gabà gahanzîbwe, lyo abamuyishi barhagibona ensiku zâge?

Izaya 13:6

Muband’endûlù, bulya olusiku lwa Nyakasane luli hôfi, luyîshire nka kaheza k’Ogala-byoshi.

Izaya 2:12

Nêci, lwâyisha olusiku Nyakasane Nyamuzinda w’Emirhwe agombya ngasi yêshi ocîbona n’ocîhira enyanya, amufunyâze;

Izaya 31:8

“Asîriya ayîrhwa n’engôrho, ci erhali ya muntu; agera omu bôji bw’engôrho, ci arhali ya muntu; Asîriya âkûla idârhi abona eyo ngôrho, n’abâna bâge b’emisole bâgwârhwa mpira”.

Izaya 61:2

ndâlike omwâka gw’obwonjo bwa Nyakasane n’olusiku lw’olwihôlo lwa Nyamuzinda wîrhu, ntûlirize abâli omu mishîbo boshi;

Izaya 63:4

Nêci, omu murhima gwâni muli olusiku lw’olwihôlo, n’omwâka gw’obucunguzi bwâni gwamâhika.

Yeremiya 12:12

Entondo zirengerîre omu irungu zoshi zahisirwekwo n’abashâbi (bulya Nyamubâho afumbasire engôrho ye Ntakanjirwa) kurhenga oku cikwi c’ecihugo kuhika oku cindi ntà muntu ogwêrhe omurhûla!

Yeremiya 46:14

Mukayâlize e Mîsiri, mukamanyîse e Migdoli, mukahise e Nofu n’e Tahipanesi. Mubabwîre mpu: Mucîhire eruhya, mucibambize, bulya engôrho ekola yatula yanabinja ebulungu bwâwe.

Yeremiya 46:2

Kanwa kayêrekîre Mîsiri, kanwa karhumirwe oku cigamba c’omurhwe gw’abalwî ba Faraoni mwâmi w’e Mîsiri Neko, mwâmi w’e Mîsiri, càlikerekîre eburhambi bwa Efrata kuyêrekera e Karkemishi, amango Nabukondonozori, mwâmi w’e Babî­loni àbahimaga. Gwàli mwâka gwa kani oku ngoma ya Yehoyakimu, mugala wa Yoshiyahu, mwâmi w’e Yûda.

Yeremiya 46:6

Omwangu kulusha arhâcihashe ayâka, omurhwe gw’entwâli gurhaciîrhamye mpu gwâfulumuka. Era lugulu, oku bikombo bya Efrata, bàfîre bàrhibuka n’okukulumba.

Yeremiya 50:15

“Mumubandire orhuhababo rhwinyu rhw’ebîrha empande zoshi. Y’oyo wacilêrha alengezize amaboko. Emitungo yâge yashâbirwe, ebyôgo byâge byahondôsire. Lwihôlo lwa Nyakasane olwo, mucihôlage kuli Babiloni, mumukolere biri nka birya akolîre abandi”.

Yeremiya 50:18

“Ntya kwo Nyakasane w’Emirhwe adesire, erhi: Nkolaga nahana omwâmi w’e Babiloni haguma n’ecihugo câge, nka kulya, mîra nahânaga omwâmi w’e Asûru”.

Yeremiya 51:6

Yâki! murhenge omu Babiloni, (ngasi muguma alwîre oku gâge); murhacîkululire omu buhane bwâge. Bulya go mango g’olwihôlo lwa Nyakasane gano, akola amugalulira nk’oku anakwânîne.

Ezekiyeli 21:28

Omu masù gâbo byàli nka bya busha endahiro bàjiraga. Babalaganya oku bakengêza amabî bajizire, agârhuma bayishigwârhwa bujà.

Yoweli 1:15

Loli oku olusiku lwa Nnâmahanga luyîruka, luyishire nka cizombo, nka câhirà carhenga emwa Nyamuzinda-Ogala-byoshi.

Yoweli 2:1

Mubûhe emishekera omu Siyoni, mubande orhuhabâbo oku ntondo ntà­gatifu. Mugeremwo omusisi mwe bantu mweshi, bulya olwa-Nnâmahanga lwayishire, bulya luli hôfi.

Zakariya 6:6

E­ngâlè yàlikulwîrwe n’ebiterusi by’ecibogo yâjà ebwa cihugo c’obulembe, ebiterusi by’ecirhale byàja ebuzikira-zûba, n’ebiterusi by’emisengu byàja e­ bwa cihugo c’ebulyo.

Luka 21:22

“Bulya ezo nsiku zâbe nsiku za buhane, lyo ngasi kwoshi kwayandikagwa kuyunjula.”

Lushika 32:42

Emyampi yâni nayilalusa n’omukò, n’engôrho yâni yavûgusa enyama: mukò gwababanzirwe n’abagwêrhe mpira, mpanga z’abarhambo b’omushombanyi!