Yeremiya 44:7 - BIBLIYA NTAGATIFU OMU MASHI

⁷ Na bunôla, yekudesire Nyakasane, Nyamuzinda w’Emirhwe, Nyamuzinda w’Israheli: cârhuma mwacîlerhera mwene amabî mangana aha? Ka mpu murhume baherêrekeza omu cihugo ca Yûda, abalume, abakazi, abâna n’orhubonjo, harhaciyôrhaga ciru omusigala,

Yeremiya 44:7 ပူးပေါင်းရင်းမြစ်များ

Migani 1:18

Abôla bônene bacîrhega, buhanya bwâbo bayunja-yunja.

Migani 15:32

Owâleka ihano erhi kugaya acîgayire, oyumva owamukalihira anarhôle obwenge.

Migani 5:22

Omumînya anagwarhwe omu mirhego y’amabî gâge, anashwêkerwe n’omu migozi y’ecâha câge yênene.

Migani 8:36

Ci ongayisize erhi iroho lyâge akolîre buligo: ngasi yêshi onshômba erhi lufù arhonyize.

Yeremiya 25:6

Murhahîraga mukalulikira abandi banyamuzinda mpu mubakolere munabaharâmye; murhanahîraga mukanjira burhè n’ebijiro by’enfune zinyu, n’ago mango ntamuhumekwo.

Yeremiya 25:7

Ci mwêhe murhayumvagya, Kanwa ka Nyakasane, na ntyo, mwanjira burhè n’emikolo y’amaboko ginyu, n’obuhanya bunali bwinyu.

Yeremiya 26:19

“Ka Hizikyahu, mwâmi w’e Yûda, na Yûda yêshi, kuyîrha bamuyîrhîre okwo? K’arhali kurhînya barhînyire Nyamubâho, banamuharâmya, Nyamubâho alinda aciyûnjuliza obuhanya àli abahigîrize? Nîrhu rhwe? Ka mpu rhucibarhuze ecâha cingan’aho?”»

Yeremiya 3:24

Bya-nshonyi byalire omukolo gwa ba larha kurhenga eburhò bwîrhu, ebintu byâbo binyinyi n’ebinênênè bagala bâbo na bâli bâbo.

Yeremiya 38:17

Yeremiyahu abwîra Sedekyahu obwo, erhi: «Kw’adesire ntya Nyakasane, Nyamuzinda w’Emirhwe, Nyamuzinda w’Israheli. Erhi wakahuluka ocishegula abarhambo ba mwâmi w’e Babiloni wanagalukira obuzîne bwâwe, n’olu lugo lurhacidûlikwe muliro. Wanalama, we n’omulala gwâwe.

Yeremiya 42:20

Kucîgasha mwacîgashire erhi muntuma emunda Nyakasane Nyamuzinda winyu ali, erhi muderha, erhi: «orhusengerere emunda Nyakasane Nyamuzinda wîrhu ali, na ngasi kantu Nyakasane Nyamuzinda wîrhu akarhegeka, orhumanyîseko rhukakole».

Yeremiya 44:14

Muli ogu musigala gwa Yûda gwayishigibêra omu cihugo ca Mîsiri, barhâfulumuke­ mwo ciru n’omuguma, mpu ashubire omu cihugo ca Yûda, n’obwo badwîrhe bacîfinja okuyishubira n’okuyibêra».

Yeremiya 44:8

kulya kubà mwamanjira burhè n’ebijiro by’enfune zinyu, omu kugashâniza banyamuzinda b’obwîhambi b’emwa bene mw’eci cihugo c’e Mîsiri muyishiribêramwo; omu kujira ntyo mwamâcîherêrekeza, n’oku gandi mashanja muhindusire ba kuhehêrerwa n’okujâcira.

Yeremiya 51:22

We nakolesize oku kuvungunyula abalume n’abakazi, emisole n’abashosi, abarhabana n’abanyere.

Yeremiya 7:19

Ka nie bababazize, Yekudesire Nyakasane; kali bône bacibabazize, bône bacîbonesize nshonyi?

Yeremiya 9:21

Emirhumba y’abantu yashandire nka mashî omu ishwa nka kulya emîha erhibuka enyuma z’omurhemi, ebule n’omuntu wayishwêka.

Ndûlù 2:11

Amasù gâni garhûnzire n’okulaka emirenge, omurhima gundimwo gwarhozire, ntankabula bwaziguluka kw’obu buhanya bwamarhinda oku lubaga lwâni, bulya abâna b’ebirhaba n’abaciri oku ibêre badwîrhe bafîra omu ngo z’ebishagala n’enyôrha.

Ndûlù 2:22

Abashombanyi bâni badârhi wabalalisire nk’oku lusiku lukulu. Yâgirwa Nyakasane, olusiku omutula gwâwe gwabashaga, harhajiraga omuntu wasigala erhi ashugunuke. Omushombanyi àhungumwîre abâna naleraga nanakazagihêka emugongo.

Ezekiyeli 33:11

Ogend’ibà­bwîra oku: Ndahîre obuzîne bwâni! Kwo adesire Nyakasane Nyamubâho, erhi: Ntalonza nti omunyabyâha aherêrekere, ci nti omunyabyâha aleke enjira yâge mbî analame. Mugomôke, mugomôke, muleke enjira mbî! Cici carhuma walekifà, wâni mulala gwa bene Israheli?

Ezekiyeli 9:6

abashosi, abâna b’emisole, abânanyere, abâna barhò, abakazi, muyîrhe munigûze boshi. Ci ngasi yêshi ogwêrhe ecimanyîso c’omusalaba aha malanga murhamuhumagakwo. Murhangirire omu ka-Nyamuzinda kâni». Banacirhangirira oku bashosi bâli embere z’aka-Nyamuzinda.

Habakuki 2:10

“Emihigo yinyu ebà ya kubonêsa balungu binyu nshonyi: muli okwo kuhungumula mbaga nyinji, kali kalamo kâwe ako wahizire omu mbaka”.

Lushika 32:25

E muhanda, engôrho yamalîra abânarhabana, omu nyumpa ebihamba. Ebyo byaheza omwânarhabana n’omwânanyere, omwâna ociri oku ibêre n’omushosi w’emvi.

Yozwe 6:21

Banaciherêrekeza ngasi ebi banashimanyire omu lugo byoshi, abalume, abakazi, abashosi, enkafu, ebibuzi, endogomi, byoshi babigeza oku boji bw’engôrho.

Bacîranuzi 21:11

Alagi oku mwayishijira: Mwaherêrekeza ngasi wa bûko mulume, ngasi mukazi okola oyishi encingo y’omulume, muleke abanyere». Ntyo kwo banajizire.

1 Samweli 15:3

Okanyagye bunôla oyîrhe Amaleki, oherêrekeze na ngasi ebi ajira byoshi, orhamubabaliraga, onigûze akabà mulume, mukazi, ebirhaba ciru n’enkafu, ebibuzi, engamiya n’endogomi, byoshi ohire okw’idaho.»

1 Samweli 22:19

Mwâmi ahehêrera olwo lugo lwa Nobi, lwabaga lugo lwa badâhwa: abalume, abakazi, abâna bakola bayûshûka, ciru n’orhubonjo, kuguma n’enkafu, endogomi n’ebibuzi byâbo abimalîra oku bwôji bw’engôrho.