Yeremiya 44:30 - BIBLIYA NTAGATIFU OMU MASHI

³⁰ “Ntya kwo Nyakasane adesire: Loli oku nâhana Faraoni mwâmi w’e Mîsiri Hofra, mwâmi w’e Mîsiri, nâmuheba omu nfune z’abashombanyi bâge n’eza halya barhamumirira marhî, nka kulya nahânaga Sedekyahu, mwâmi w’e Yûda, omu nfune za Nabukondonozori. mwâmi w’e Babiloni, mushombanyi wâge, arhàmulongezagya kalamo”».

Yeremiya 44:30 ပူးပေါင်းရင်းမြစ်များ

Yeremiya 27:7

“Amashanja goshi gâmukolera, ye n’omugala n’omwinjikulu, kuhika nago amango gayandikîrwe ecihugo câge gahike, lyo amashanja mazibu-zibu n’amâmi makomokomo bamuya­ndagaza”.

Yeremiya 34:21

“Sedekyahu mwâmi wa Yûda naye, n’abaluzi boshi, nabo nâbahana omu maboko g’abalenzi, omu maboko g’ababakulikire, n’omu maboko g’abasirika ba mwâmi w’e Babiloni n’obwo anali amârhangiyêgûla engabo zâge”.

Yeremiya 44:29

“Lôlagi ninyu, kanwa ka Nyakasane, obuhamîrizi bw’oku nayishimurhandûla eno munda: ago mango lyo mwâmanyîrira oku ebinwa mmuhigiremwo byayunjula”.

Ezekiyeli 30:21

«Mwene omuntu, navunyire okuboko kwa Faraoni mwâmi w’e Mîsiri, mwâmi w’e Mîsiri, na lolà oku ntâye wadesire mpu arhuba ecibande câge ahîre kwo obufumu, mpu ahîre kwo ecitambara anakushwêke, lyo ashubibona emisî y’okufumbarha engôrho.

Ezekiyeli 31:18

Guhi mwâli muyumânîne mweshi nago oku kujà irenge n’oku bulî, omu mirhi yoshi y’omu Edeni? Okwôla wâjikwêbwa, mweshi n’emirhi y’omu Edeni, omu ndalâlà y’idaho, wâgendigwishira ekarhî k’entakembulwa, haguma n’abayisirwe n’engôrho. Lâba Faraoni mwâmi w’e Mîsiri n’omwandu gw’engabo yâge, kwo adesire Nyakasane Nyamubâho.