Yeremiya 44:3 - BIBLIYA NTAGATIFU OMU MASHI

³ Amabî bàjizire g’okungayîsa go gàrhumire, kulya kugendigashâniza n’okukolera banyamuzinda b’obwîhambi b’emwa bene, balyâla bône barhayishi n’ôli mwe n’ôli basho.

Yeremiya 44:3 ပူးပေါင်းရင်းမြစ်များ

Nehemiya 9:33

Wabîre mushinganyanya omu ngasi byoshi byarhuyishire bulya wanarhujirire okushingânîne, cikwône rhwono rhubà bantu babî.

Izaya 3:8

Nêci, Yeruzalemu adwîrhe adungubêja na Yûda ahindagîre, bulya ebinwa byâbo n’ebijiro byâbo birhayêrekiri Nyakasane, kuhika bagomera obusù bw’irenge lyâge.

Yeremiya 11:17

Na Nyakasane w’Emirhwe wakugwîkaga, akutwîrîre olufù n’ecarhumire, ganali amaligo enyumpa y’Israheli n’eya Yûda zakozire mpu banjire burhè omu kududûkiza Baali omugî gw’enshangi.

Yeremiya 16:10

Hano ôbà wamâbwîra olu lubaga ebi binwa byoshi, bamânakudôsa mpu: «Cici cirhumire Nyakasane arhuderherakwo obuhanya bungana âha; cici rhutumwîre, câha cici rhwajirîre Nyakasane, Nyamuzinda wîrhu»?

Yeremiya 22:9

Bashuze mpu: «kulya kubà balesire endagâno ya Nyakasane, Nyamuzinda wâbo, baharâmya bandi banyamuzinda b’obwîhambi bâna­bakolera».

Yeremiya 29:19

“Kwo kuderha oku barhayumvîrhizagya ebinwa byâni, kanwa ka Nyakasane, n’obwo nakazîribarhumira buzira kurhama, abambali bâni b’abalêbi, cikwône barhabayumvîrhizagya, kanwa ka Nyakasane”.

Yeremiya 32:30

“Bulya, kwo Nnâmahanga adesire, nabwîne oku kurhenga mîra bwenêne, bene Israheli na bene Yûda barhahwa barhakola ebigalugalu, (bene Israheli banshologosire n’ebijiro byâbo)”.

Yeremiya 44:23

Kunali kulya kubà mwarhûzire enshangi mwanagomera Nyakasane mwabula bwayumva izù lya Nyakasane, mwabula bwakulikira olushika lwâge, amarhegeko gâge, n’amahano gâge: co carhumire obu buhanya bumurhibukira nk’okola biri ene.

Yeremiya 44:8

kulya kubà mwamanjira burhè n’ebijiro by’enfune zinyu, omu kugashâniza banyamuzinda b’obwîhambi b’emwa bene mw’eci cihugo c’e Mîsiri muyishiribêramwo; omu kujira ntyo mwamâcîherêrekeza, n’oku gandi mashanja muhindusire ba kuhehêrerwa n’okujâcira.

Yeremiya 5:19

Na hano badôsa mpu: Cici carhumaga Nyakasane, Nyamuzinda wîrhu, arhukolera ebiri nk’ebi? Woyôla wayishibashuza erhi: «Nka kulya mwoyo mwalekaga Nyamubâho mwagashâniza banyamuzinda b’obwîhambi omu cihugo cinyu, kwo n’okwo mwanashigira ab’ihanga omu cihugo cirhali cinyu».

Yeremiya 5:29

Ka mpu mbule bwahana ebijiro biri ntyo, Yekudesire Nyamuzinda, nîsi erhi mpu olubaga luli ntyo omurhima gwâni gubule bwaluhekakwo omungo!

Yeremiya 7:19

Ka nie bababazize, Yekudesire Nyakasane; kali bône bacibabazize, bône bacîbonesize nshonyi?

Ndûlù 1:8

Yeruzalemu akozire amaligo manene bwenêne, co cirhumire akola ali wa kushologorhana. Abamukengaga lêro badwîrhe bamugayaguza, ene babona akola ali bushungunu. Asigalirage okukaziyâma kwône n’okuhinduka ashubira nyuma.

Ndûlù 4:13

Obwo buhanya budwîrhwe n’ebyâha by’abalêbi bâge, haguma n’amabî g’abadâhwa bâge, bo babulagaga omukò gw’abantu bimâna.

Ezekiyeli 9:9

Anacimbwîra erhi: «Obubî bw’omulala gw’Israheli n’ogwa Yûda buli bunji okurhalusire, ecihugo cayunjulîre mukò, olugo ludwîrhe lwalerengana, bulya badwîrhe baderha, mpu: Nyamubâho àrhenzire omu cihugo, Nyamubâho arhankabona.

Daniyeli 9:5

Rhwajizire ebyâha rhwanahabuka, rhwakozire amabî rhwanahinduka bagoma, rhwajandika amarhegeko n’engeso zâwe.

Lushika 13:6

Oyo mulêbi erhi oyo mulôsi ali wa kufà, bulyâla amayigîriza abantu okugomera Nyamubâho, Nyamuzinda wâwe wakukûlaga omu cihugo ca Mîsiri, akucungula omu nyumpa y’obujà, na kandi amakuhabula àkurhenza omu njira Nyamubâho, Nyamuzinda akurhegekaga mpu okazishimba.

Lushika 29:25

“kunali kulya kubà bajirigashâniza abandi banyamuzinda banabaharâmya n’obwo barhayishi abo banyamuzinda naye yêne arhabahâgabo mpu gubè mwanya gwâbo”;

Lushika 29:26

“Nyamuzinda burhè abîre erhi eci cihugo cirhuma, kwo kucirhumira obuhanya buyandisirwe mw’eci citabu oku bunali”.

Lushika 32:17

Bakazâgirherekêra bashetani n’obwo barhali Nyamuzinda, bakazirherekêra banyamuzinda barhayishi, bahyâhya mâshi, ba lishinjo-lishinjo, balya basho barhagashanizagya.

Bahabraniya 3:16

Bahi balya bàgomaga, bamâyumva izù lyâge? K’arhali balya boshi bàrhengaga e Mîsiri, balongôlirwe na Mûsa?