Yeremiya 44:27 - BIBLIYA NTAGATIFU OMU MASHI

²⁷ “Loli oku nkola nabamalîra obushiru bahanyagale, barhâlobôke: abantu b’omu ca Yûda bali omu cihugo c’e Mîsiri bâhungumuka n’engôrho n’ecizombo, kuhika bahwe boshi”.

Yeremiya 44:27 ပူးပေါင်းရင်းမြစ်များ

Yeremiya 31:28

Nka kulya niene nabahanaga, nakundula, nanashereza, nabamalîra; kwo n’okwo, niene nâshubibayîmanza, mbahebemwo omûka, kanwa ka Nyakasane.

Yeremiya 1:10

Lâba oku ene eri namâkulengereza enyanya z’amashanja n’amâmi, nti omânyule wanalambika, ohungumule onashâbe, oyûbake onarhwêre.

2 Bâm 21:14

Najandika ab’emisigala y’aha mwâni, nanabaleka omu maboko g’abashombanyi bâbo.

Ezekiyeli 7:6

Obuzindazinda bunôla buyiruka, obuzindazinda bunôla bukuyishire, lolà oku bukuyishire, lolà okubuyiruka.

Yeremiya 44:18

“Cikwône kurhenga rhulesire okurherekêra Omwâmikazi w’e Malunga enshangi n’okumudubulira ebinyôbwa, rhwabula byoshi, gona mango rhwahwîre n’engôrho n’ecizombo”».

Yeremiya 44:12

Narhenza omusigala gwa Yûda, gulya gwahigaga okuyisha omu cihugo ca Mîsiri mpu gubêremwo: bahungumukira boshi omu cihugo ca Mîsiri, baholoka n’engôrho, bagukumuka n’ecizombo, abarho n’abà­kulu, bafà n’engôrho bafè n’ecizombo, bâshombwa banakange abagera, bâhehêrerwa banashekerwe.

Yeremiya 21:10

Bulyâla ogu murhundu nkola naguhindamukira kuderha mpu guhanyagale, c’arhali mpu gucîre, kanwa ka Nyakasane, gwâhirwa omu nfune z’omwâmi w’e Babiloni, ye waguyôca n’omuliro.»

Yeremiya 9:16

Ee wee! Muhamagale abalasi baj’eno. Mulêrhe abalenga bayishe.

Yeremiya 39:16

«Ogende obwîre Êbed-Mêleki, munya-Kushi, erhi: kwo adesire ntya Nyakasane w’Emirhwe, Nyamuzinda w’Israheli: Lâba oku nkola nakolera olu lugo ebi nalulaganyagya omu binwa byâni. bya buhanya ci birhali bya mugisho. Amango byâjirika omu masù gâwe, lusiku lulebe.

Yeremiya 42:16

engôrho muyôbohire yamushanga eyo munda, omu cihugo ca Mîsiri; n’ecizombo murhînyire, camushimba lumino-mîno, eyo mu­nda e Mîsiri, yo mwanasigala!

Yeremiya 44:13

Kwo nayishirhandûla abayûbasire e Mîsiri nka kulya barhandûlaga Yeruzalemu: n’engôrho, n’ecizombo, n’ecihûsi.

Yeremiya 44:14

Muli ogu musigala gwa Yûda gwayishigibêra omu cihugo ca Mîsiri, barhâfulumuke­ mwo ciru n’omuguma, mpu ashubire omu cihugo ca Yûda, n’obwo badwîrhe bacîfinja okuyishubira n’okuyibêra».

Ezekiyeli 5:12

Cihimbi ciguma ca kasharhu c’abantu bâwe bafà n’ecihûsi, ishali lyâbamalirira ekarhî kâwe, ecindi cihimbi ca kasharhu engôrho yâci­malirira eburhambi bwâwe n’ecindi cihimbi ca kasharhu cicisigîre nâcishandabaganya balibirhe erhi n’engôrho ebali omu nyuma.

Daniyeli 9:14

Nyamuzinda akaz’ilolalola kuli obwôla bubî mpu arhubabazemwo; ebwa kubà Nyamubâho, Nyakasane wîrhu abà Mushinganyanya muli ebi anajira byoshi, ci rhurhayumvagya izîno lyâge.

Amosi 9:8

Loli oku amasù gâni gayêrekîre obwâmi bw’ebyâha, nti mbahyajire hano igulu. Ci kwônene ntahyajire lwoshi enyumpa ya Yakôbo», kwo Nyakasane adesire.

Yeremiya 9:15

Nnambashandâze omu karhî k’amashanja barhishi, mashanja bashakulûza bâbo barhamanyaga nârhuma n’engôrho yabakwâma, kuhika mbalambike boshi.