Yeremiya 44:26 - BIBLIYA NTAGATIFU OMU MASHI

²⁶ “Cikwône, muyumve akanwa ka Nyakasane, mweshi mwe Bayudeya muli omu cihugo ca Mîsiri. Lâbi, lyo ndahîre izîno linene, Nyakasane okudesire. Omu cihugo ca Mîsiri coshi, izîno lyâni lirhakaciderhwa n’omuntu w’omu ca Yûda! Ntâye waderhe, erhi: bwo ndahîre obuzîne bwa Nyakasane Nyamuzinda”.

Yeremiya 44:26 ပူးပေါင်းရင်းမြစ်များ

Murhondêro 22:16

anaciderha, erhi: «Lyo ndahîre izîno lyâni, kanwa ka Nyamubâho nkudesire, kulya kubà orharhindirîre mugala wâwe, omuguma ojira,

Ennanga 50:16

Enkola-maligo nayo kwo Nyamuzinda ayibwîzire, erhi: «cirhuma obwîra abandi amarhegeko gâni, cirhuma ebinwa by’endagâno yâni birhakurhenga ekanwa,

Ennanga 89:34

ci oburhonyi bwâni ntâmunyagebwo, n’endagâno yâni ntayitwemwo.

Izaya 62:8

Nyakasane àcîgashire okulyo kwâge n’okuboko kwâge kugala-byoshi, erhi: «Ntakaciziga nti emburho yâwe elîbwe n’abashombanyi bâwe; n’abantu b’ihanga barhakac’igorhomera amamvu waluhiraga.

Yeremiya 22:5

Ci erhi mwakabà murhayumvîrhi ebi binwa, niene ncîlahîre, kanwa ka Nyakasane, eyi nyumpa y’obwâmi yashâbwa.

Yeremiya 24:8

“Cikwône, kulya bajira amalehe mabî, galya gabozire garhankanacirîbwa, nêci kwo Nyakasane adesire, kwo najira Sedekyahu, mwâmi w’e Yûda, abarhambo bâge, n’abasigîre omu Yeruzalemu, abasigîre mw’eci cihugo kuguma n’abayûbasire omu cihugo ca Mîsiri”

Yeremiya 4:2

Erhi wakanalahira Nyamuzinda Ozîne, buzira bîrà, omu bushinganyanya n’oburhabêsha, ago mango amashanja ganacîshinga muli we, ganacikwîtakira.

Yeremiya 44:11

Co cirhumirage, yekudesire Nyakasane w’Emirhwe, Nyamuzinda w’Israheli. Lâbi nkola natulumukirwa muhanyagale, na Yûda aherêrekere yêshi.

Yeremiya 44:14

Muli ogu musigala gwa Yûda gwayishigibêra omu cihugo ca Mîsiri, barhâfulumuke­ mwo ciru n’omuguma, mpu ashubire omu cihugo ca Yûda, n’obwo badwîrhe bacîfinja okuyishubira n’okuyibêra».

Yeremiya 44:24

Cazînda, Yeremiyahu abwîra olubaga lwoshi bwenêne abakazi boshi, erhi: «Muyumve akanwa ka Nyakasane:

Yeremiya 46:18

Ndahîre oku ncihaba kanwa ka Mwâmi, olya oderhwa lya Nyakasane, Nayamuzinda w’Emirhwe; ayishiyisha, nka kula Tabora anabà omu ntondo, kula Karmeli alengerera oku nyanja.

Yeremiya 49:13

Ncîgashire ecihango câni nk’oku nnandi Nyamuzinda, ecishagala câwe cinene ca Bosra câhinduka ca kuyôbohya, cijâci, ibala, mahorhe, irungu lya mishaka oku nsiku zoshi». Ntyo kwo Nyakasane adesire.

Yeremiya 5:2

Ciru n’amango balahîre mpu: «Nyamuzinda ozîne là» erhi na bîrà banalahîre.

Yeremiya 51:14

Nyakasane w’Emirhwe acîgashire ecihango câge erhi: «Mbo fa ecihango câni nie Nyamuzinda, ntakurhulîrikwo abantu mwandu bali nka citù ca nzige, bâkubandirakwo olwôho lw’ebîrha.»

Yeremiya 7:9

Ka mpu muzimbe, munigane, muhushe, mulahire ebîrâ, mugashânize Baali, mukulikire ba nyamuzinda b’obwîhambi balya murhishi,

Ezekiyeli 20:39

Ewani w’oyu, mulala gw’Israheli! Ntya kwo adesire Nyakasane Nyamubâho: Ngasi muguma ajag’ikolera abazimu bâge, ci enyuma mbabwizire okuli oku mwâcinyumva. Murhâciyishikazihemule izîno litagatîfu lyâni n’entûlo zinyu n’abazimu binyu.

Hozeya 4:15

Akabà oli mbaraga, wâni Israheli, Yûda yêhe amanyage obubî. Mu­rhajâga e Gilgali, murhasôkeraga e Bet-Avena, murhacigashaga, mpu: «mbotumirha Nyamuzinda».

Amosi 6:10

“Hasigala basungunu bône b’okurhenza emirhumba omu nyumpa, na ba­kadôsa ociri embali omu nyumpa, mpu: Muciri banga? Ashuze, erhi: Nanga, muhulike! Izîno lya Nyamuzinda lirhankaderhwa”.

Amosi 6:8

Nyakasane Nyamuzinda acîgashire yênene, kanwa ka Nyakasane Nyamuzinda w’Emirhwe: «Ntakwîrirwa obucîbone bwa Yakôbo, nshomba enyumpa zâge, nkola nâhana ecishagala n’ebirimwo byoshi,

Amosi 8:7

Nyakasane acîgashire kw’obwo bucîbone bwa Yakôbo, erhi: «Nanga, ntakayibagira ciru n’ehitya ebyo bijiro binyu.»

Mibalè 14:28

Ogendibabwîra oku mbà nzîne! Nyamubâho okudesire: namujirira nk’okwôla mwanaderheraga omu marhwiri gâni.

Bahabraniya 3:18

Na bahi àcîgashiraga mpu barhalabarha omu muluhûko gwâge, aha nyuma ya balya bàmugomeraga?

Bahabraniya 6:13

Nêci, erhi Nyamuzinda àlagânana n’Abrahamu, bulya ntà mukulu kumulusha ànkalahîre, àcîlahira yêne, erhi:

Bahabraniya 6:18

mpu lyo ebyo bijiro bibiri birhankahinduka -na ntâkwo Nyamuzinda ankahash’inywerha muli byo- birhukomeza omurhima rhwe rhwabwîne olwâkiro omu kusêra oku bulangâlire rhwahâbirwe.