Yeremiya 44:19 - BIBLIYA NTAGATIFU OMU MASHI

¹⁹ N’abakazi nabo bayisha, erhi: «Câba mushâna amango rhwarhûla Omwâmikazi w’e Malunga entûlo y’enshangi n’amango rhwamudubulira ebinyôbwa ka kuyongoloka rhuyongoloka abalume bîrhu amango rhwaduga emigati emuyêrekîre n’amango rhwamudubulira ebinyôbwa?»

Yeremiya 44:19 ပူးပေါင်းရင်းမြစ်များ

Murhondêro 3:6

Lêro nyamukazi abona nk’omurhi guli mwinjà okulîbwa, gunali gwa kusîmîsa amasù gunali gwa kucîfinjwa n’okudômwamwo obwenge; arhôla irehe alyâko, anahà ibà wali bonaye, naye alyâkwo.

1 Bâm 21:25

Harhacîbonekanaga omuntu osirahire aka Ahabu wacîhemulaga omu kugomera Nyakasane erhi mashumi ga mukâge Yezabeli garhuma.

2 Nganîro 21:6

Agera omu njira y’abâmi b’Israheli, nk’oku omulala gwa Ahabu gwajiraga, bulya ali agwêrhe omukazi mwâli wa Ahahu, ajira ebiri bibî bwenêne omu masù ga Nyamubâho.

Migani 11:21

Okuli! Omubî arhâbule buhanwa. obûko bw’abashinganyanya bôhe kucira bwacira.

Yeremiya 44:15

Na kandi, abalume bâli bamanyire oku bakâbo bakazagigashâniza ba­ nyamuzinda b’obwîhambi b’emwa bene, n’abakazi bali aho, mbugânano erhali nyi (n’olubaga lwàli omu cihugo ca Mîsiri lwoshi n’abâli e Patrosi), bashuza Yeremiyahu, mpu:

Yeremiya 44:20

Yeremiyahu anacibwîra olubaga lwoshi, abalume n’abakazi, na ngasi boshi bamushuzagya ntya, erhi:

Yeremiya 7:18

Oku abâna bashenya enshâli, b’îshe bakoleza omuliro, n’abakazi barhanza enshâno mpu badugira Omwâmikazi w’Empingu. Cazinda barherekêre banyamuzinda b’ihanga mpu lyo bambabaza!

Mibalè 30:12

erhi îba ankamanya akanacîhulikira, arhamuhakanîre, emihigo yâge yoshi enali y’okunali, kuguma n’emilâli anacishwêkagamwo yoshi yêne.

Mibalè 30:8

“ibà erhi ankamanya kulya akanahulika ago mango amamanya, olya mukazi anayôrha ashwesirwe n’erya mihigo yâge, kuguma n’erya milâli yâge acîshwekagamwo”.