Yeremiya 42:10 - BIBLIYA NTAGATIFU OMU MASHI

¹⁰ Mukalonza okudêkerera mw’eci cihugo, namuyûbaka ntakanacimushâba, mmurhwêre ntakanacimushugula, bulya nâni ncîganyize okubî namujirire.

Yeremiya 42:10 ပူးပေါင်းရင်းမြစ်များ

2 Samweli 24:16

Malahika anacilambûlira okuboko kuli Yeruzalemu mpu naye amusherezagye. Ci Nyamubâho ayumva obwonjo, anacibwîra olya malahika wajàga aheza olubaga erhi: «Kurhali kunyi okwo, ogalulage okuboko kwâwe.» Oyôla malahika wa Nyamubâho ali ayîmanzire hôfi n’ecanikiro ca Aravna (Arauna) munya-Yebusi.

Ennanga 102:16

Wàbona oku amashanja gakuza izîno lyâwe obwo Nyakasane, n’abâmi b’igulu boshi bakenge irenge lyâwe.

Ennanga 106:45

Akengêra omulagi àbalaganyagya, ayumva omutula bulyâla olukogo lwâge lubà lunji.

Ennanga 37:3

Wêhe okaz’icîkubagira Nyakasane onakaz’ijira aminjà, lyo odêkerera hano igulu onayumve omurhûla

Ennanga 69:35

Amalunga n’igulu bicîzigirize, enyanja nazo, haguma n’eby’omu nyanja, bicîshinge.

Lubungo 32:14

Nyakasane arhûlirira obwo, arhacikolaga akal’ibala àli amalâlira okukolera olubaga lwâge.

Yeremiya 24:6

“Nnonzize okubalambûlirakwo amasù bayôloloke, okubagalulamwo eci cihugo, okushubibayûbakira ahâli h’okubashâbira okubarhwêra ahâli h’okubashugula”.

Yeremiya 26:19

“Ka Hizikyahu, mwâmi w’e Yûda, na Yûda yêshi, kuyîrha bamuyîrhîre okwo? K’arhali kurhînya barhînyire Nyamubâho, banamuharâmya, Nyamubâho alinda aciyûnjuliza obuhanya àli abahigîrize? Nîrhu rhwe? Ka mpu rhucibarhuze ecâha cingan’aho?”»

Yeremiya 27:11

“Cikwône ishanja lyarhege omucîmba gw’omwâmi w’e Babiloni ecikanyi likanamushiga, nalihà okurhamûkira omu ishwa lyâlyo, kanwa ka Nyakasane, lyâlihinga linaliyûbake”.

Yeremiya 31:28

Nka kulya niene nabahanaga, nakundula, nanashereza, nabamalîra; kwo n’okwo, niene nâshubibayîmanza, mbahebemwo omûka, kanwa ka Nyakasane.

Yeremiya 33:7

Nâgalula bene Yûda na bene Israheli n’okubakûla omu bujà, nâshubibayûbakira nka kulyâla byanali burhanzi.

Yeremiya 43:4

Cikwône Yohanâni, mugala wa Karea abarhambo b’ebigamba by’abalwî n’olubaga lwoshi barhayumvagya izù lya Nyakasane mpu babêre omu cihugo ca Yûda.

Ezekiyeli 36:36

Ntyo amashanja gasigîre eburhambi bwinyu gâmanya oku niene nie Nyamubâho nie nshubiyûbaka ebyahongosire, nie nshubirhwêra ahâli hamâhagulwa. Niene Nyamubâho nie nkudesire, nie nanakujira!

Hozeya 11:8

Efrayimu, kurhi nankakulcka, kurhi nakuhana, Israheli? Kurhi na­ nkakujira aka Adma, nkujire nka Seboyimu? Omurhima gwamampindamuka omu cifuba, obulà bwamànjuguma.

Yoweli 2:13

Arhali myambalo yinyu yo musharhulage, ci murhima gwinyu gwo mu­kwânîne okuhindula. Nêci, galuki emwa Nyakasane bulya ali mwonjo na mwinjà, analegame omu kukaliha, ci mubidu omu kuhâna obwonjo, arhanakwirirwa mabî.

Amosi 7:3

Nyakasane ashukira, aderha, erhi: «Okwo kurhacibe».

Amosi 7:6

Nyakasane Nyamuzinda àshukira, aderha, erhi: «Okwo nakwo kurhâcibe.»

Yônà 3:10

Nnâmahanga abona oku badwîrhe batabataba mpu lyo bahindula engeso zâbo. Lêro ashukira, arhacibarhumiraga obuhanya àli amâhiga oku âbarhumira.

Yônà 3:4

Yônà anacihira njira, alambagira omulegerege gwoshi. Akajahamagaza n’okuderha, erhi: «Hacisigîre nsiku makumi anni, Ninive ahongoke.»

Yônà 4:2

Anaciyâkûza, erhi: «Ntarhenga omu iderhero, waliha! K’arhali birya naderhaga erhi nciri omu cihugo cîrhu ebi! Co cànarhumaga ncîlibirhira kuhika e Tarsisi, bulya nalinyôsire mmanyire oku we Nyamuzinda w’obwonjo n’ow’olukogo, orharukûza, we mugale mwimâna, Orhakwîrirwa bubî.

Ebijiro 15:16

“Enyuma ly’aho, nacigaluka, nsbubiyûbaka ecihando ca Daudi càhongosire; ahashabûsire, nâshubihayûba­ka, nnanciyimanze”,

Lushika 32:36

(Bulya Nyamubâho ayishihôla olubaga lwâge. Ci kwône abambali bôhe lukogo ababêra), hano abona bârhà enjingo hano abona harhaciri ntagengwa harhanaciri mujà.

Bacîranuzi 2:18

Erhi Nyakasane abazukizagya abacîranuzi, Nyakasane anabà haguma n’olya mucîranuzi na ntyo olya mucîranuzi anabalîkûza oku bashombanyi bâbo, omu mango g’akalamo kâge goshi, ebwa kubà Nyakasane akazâgibafa lukogo nka bamamulakira erhi balya bashombanyi badwîrhe babalibuza bàrhuma.