Yeremiya 41:10 - BIBLIYA NTAGATIFU OMU MASHI

¹⁰ Okubundi Ismaeli agukumba olubaga lwoshi lwàli lusigîre e Mispa, n’abaluzinyere Nebuzardani, murhambo w’abalâlîzi, àli alangîsize Gedalyahu, mugala wa Ahikamu: sêzi mucêra-cêra, Ismaeli mugala wa Netanya, ajà omu njira abahêka emwa Abamoniti.

Yeremiya 41:10 ပူးပေါင်းရင်းမြစ်များ

Nehemiya 2:10

Erhi Sanbalati w’e Horoni, na Tobiya murhumisi munya-Amoni, bayumva ogwo mwanzi, bagaya bwenêne mpu kurhi oyu muntu ankayîsh’ikombêra ebirugu bya bene Israheli.

Nehemiya 2:19

Amango Sanbalati w’e Horoni na Tobiya, murhumisi munya-Amoni na Geshemu w’omuharâbu erhi bayumva okwo, barhushekera n’okurhugayaguza. Banaciderha, mpu: «Cici mwajira aha? Ka mukola mwagomera mwâmi?»

Yeremiya 22:30

Kw’adesire ntya Nyakasane, erhi: «Yandika oyu muntu arhagwêrhi bâna, muntu orhahambûlaga omu mango gâge kulya kubà ntà muntu w’omu bûko bwâge wayishitamala oku ntebe ya Daudi anarhegeke omu ca Yûda».

Yeremiya 38:23

“Nêci, bakâwe n’abâna bâwe bâhêkwa emwa Abasîriya nâwe wêne orhafulumuke omu nfune zâbo, ci wayôrha oli mushwêke, omu nfune za mwâmi w’e Babiloni. Olugo nalo, kuhya lwanahya”».

Yeremiya 39:6

Eyo Ribla, mwâmi w’e Babiloni ànigiraga bagala ba Sedekyahu omu masù gâge. Mwâmi w’e Babiloni aniga n’abarhambo ba Yûda boshi.

Yeremiya 40:14

Bamubwîre, mpu: «K’omanyire oku Balisi, mwâmi w’Abamoniti arhumire Yismaeli, mugala wa Netanya, mpu akukûlemwo omûka?» Ci Gedalyahu mugala wa Ahikamu arhabayêmêreraga.

Yeremiya 40:7

Abarhambo b’engabo z’abalwî, bo n’engabo zâbo, bâli baciri omu matabâro, bayumva oku mwâmi w’e Babiloni anajizire Gedalyahu, mugala wa Ahikamu, murhegesi w’ecihugo, n’oku anamuhîre okurhegeka abalume, abakazi n’abâna n’engabo y’abantu b’omu cihugo, balya barhahêkagwa e Babiloni.