Yeremiya 40:1 - BIBLIYA NTAGATIFU OMU MASHI

¹ Akanwa Yeremiyahu abwîragwa na Nyakasane, amango Nebuzardani, murhambo w’abalâlîzi amuhulusagya mpu arhenge e Rama, eyo munda, ali amukûzire omu bandi, erhi ali mushwêkere omu karhî k’empira z’e Yeruzalemu zoshi n’eza Yûda zahekagwa e Babiloni.

Yeremiya 40:1 ပူးပေါင်းရင်းမြစ်များ

2 Nganîro 16:1

Omu mwâka gwa kali makumi asharhu na ndarhu kurhenga Asa ali mwâmi, Basha, mwâmi w’Israheli arhabâla ajilwîsa Yûda, Anaciyûbaka Rama, Ilyo ahanza okujà emwa Asa, mwâmi w’e Yûda na kandi lyo ahanza okurhenga eyôla munda.

Ennanga 107:16

Kulya kubà àvungunywîre enyumvi z’amarhale, ashangula orhuhamikizo rhw’ecûma.

Ennanga 68:6

Yêne ye îshe w’enfûzi, ye mufungizi w’abakana, Nyamuzinda mwo abêra omw’idubiro lyâge.

Yeremiya 31:15

Nyakasane ashubiriderha erhi: «Kurhenga e Rama, izù lyâyumvikana, mirenge ya burhè. Rasheli oyo walakira abâna bâge; arhalonza ciru arhûlirizibwe bulya abâna bâge bafîre.

Yeremiya 39:9

Nebuzardani, murhambo w’engabo y’abalâlîzi, ahêka e Babiloni olubaga lwasigalaga omu lugo, n’abàli bamâcîshegulaye bône, n’abalenga bali bacisigîre.

Yeremiya 42:7

Enyuma lya nsiku ikumi, akanwa ka Nyakasane karhindakwo Yeremiyahu.

Ezekiyeli 33:21

Omu mwâka gwa kal’ikumi na kabirhi kurhenga rhuli rhuhêsirwe bujà, omu mwêzi gwa kal’ikumi na kabirhi, omu nskiku irhanu z’omwêzi, omuntu wayishaga ayâka kurhenga e Yeruzalemu ayisha ambwîra, erhi: «Olugo lwa­nyazirwe!»

Ebijiro 21:13

Lêro Paolo anacishuza erhi: «Kurhi okwo mudwîrhe mwalaka mwanantwa omurhima?. “Niehe arhali kubohwa kwône ncîrheganyizekwo, ci n’okufîra e Yeruzalemu izîno lya Nyakasane lirhumire”».

Ebijiro 28:20

Okwo kwo kwarhumaga nahûna nti mmulolekwo nnammushambâze, bulya bulangâlire bw’Israheli burhumire ndi mw’ezi nkoba».

Befezi 6:20

yo ndi mujà-bugo wayo muno nkoba. Mâshi mbone oburhwâli bw’okuyiderha nk’oku ekwânîne!

Yozwe 18:25

Gabaoni, Rama, Beeroti,

1 Samweli 7:17

Buzinda bwaho anashubira e Rama, ho enyumpa yâge yabaga, erhi n’aho anakagirhegekera Israheli, aliyûbasireho oluhêro lwa Nyamubâho.