Yeremiya 36:5 - BIBLIYA NTAGATIFU OMU MASHI

⁵ Okubundi Yeremiyahu arhegeka Baruki, erhi: «Mpanzîbwe ntanacihashiri okujà omu ka-Nyamuzinda.

Yeremiya 36:5 ပူးပေါင်းရင်းမြစ်များ

Nehemiya 6:10

Nanacijà emunda Shemaya, mugala wa Delaya, mugala wa Mehatabeli ali. Ali acîyigalîre anacimbwîra, erhi: «Rhujè rhwembi oku ka-Nyamuzinda, omu ndalâlà yako, rhunakayigale, bulya bal’ikuyîrha; na budufu bayish’ikuyîrha».

Ennanga 88:8

Omutula gukugwêrhe gunzidohire nka muzigo, n’omuhûsi gw’enyîshi zâwe gwanshangwîre.

Yeremiya 20:2

Pashehuru ashûrha omulêbi Yeremiyahu, okubundi amuhira omu mpamikwa aha muhango mulî gwa Benyamini, gulya guyirukîre omu ka-Nyamuzinda.

Yeremiya 32:12

nagayanka nagahêreza Baruki mwene Neriya mwinjikulu Maseya (nk’oku binayandisirwe omu marhegeko), hali muzâla wâni Hanameli n’abalume bàrhuhiriragakwo ecunkumwe n’abandi bashamuka bâli omu côgo aha bwâmi olwo lusiku.

Yeremiya 32:2

Abasirika ba mwâmi w’e Babiloni banacirhabâlira e Yeruzalemu, omulêbi Yeremiyahu naye, erhi ali mushwêkere omu côgo c’abasirika, ajà ebwâmi e Yûda.

Yeremiya 33:1

Amango Yeremiyahu ali mushwêkere omu côgo c’abasirika aha bwâmi, Nyakasane ashubimuganîza amubwîra erhi:

Yeremiya 37:15

Nabo bakalihira Yeremiyahu bwenêne bamushûrha banamuhira omu mpamikwa omu mw’omwandisi Yehonatani, banamuyîgaliramwo.

Yeremiya 38:28

Yeremiyahu abêra omu ngo y’abalâlîzi, kuhika olusiku Yeruzalemu agwârhagwa.

Yeremiya 38:6

Bagwârha Yeremiyahu obwo, bamukwêba omu cîna ca Malkiyahu, cabâga omu ngo y’abalâlîzi. Bamuyandagaza n’emigozi. Eco cîna cirhalimwo mîshi ci bijondo byône. Yeremiyahu abishâyamwo.

Yeremiya 40:4

Lâbaga oku namakulikûza ene lyo na nnene, kw’ezi nkoba zikuli emaboko. Okalonza okundusa e Babiloni oyîshe: nakulanga. Lolà: ecihugo coshi cilambûsire embere zâwe: wânaja aha osîmire n’ahakukwânîne.

2 Bakorinti 11:23

Bali Baganda ba Kristu, -lêro nkola naderha nka musirhe, ­ -nie ono mbalushire! Mbalushire omu kuluza emikolo, omu kushwêkwa kanji-kanji omu kushûrhwa okurhalusize olugero. Kanga nalinzir’ifà?

Befezi 3:1

Co irhumire, nie ono Paolo, ndi mushwêke wa Kristu Yezu mwe bapagani murhumire.

Befezi 6:20

yo ndi mujà-bugo wayo muno nkoba. Mâshi mbone oburhwâli bw’okuyiderha nk’oku ekwânîne!

2 Timoteyo 2:9

Eyo Myanzi y’Akalembe yo erhuma nalibuzibwa, kuhika okushwêkwa nka nyankolamaligo. Ci oluderho lwa Nyamuzinda lurhali lubohe.

Bahabraniya 11:36

abandi bàlembîre amasheka n’eminyuli, ciru n’omugozi n’empamikwa.