Yeremiya 36:21 - BIBLIYA NTAGATIFU OMU MASHI

²¹ Mwâmi anacirhuma Yehudi mpu ajilonza cirya cizingo; ayisha acidwîrhe anacisoma n’izù linene embere za mwâmi n’abarhambo bâge boshi oku bànali bayîmanzire eburhambi bwâge.

Yeremiya 36:21 ပူးပေါင်းရင်းမြစ်များ

2 Bâm 22:10

Kandi omwandisi Shafani anacibwîra mwâmi ogu mwanzi erhi: «Omudâhwa mukulu anampîre ecitabu». Shafani acirhôla arhondêra okucisomera mwâmi.

2 Nganîro 34:18

Omwandisi Shafani ashubi bwîra mwâmi ogûla mwanzi erhi: «Omudâhwa Hilikiyahu anampîre ecitabu.» Shafani anacisoma muli ecôla citabu anali embere za mwâmi.

Yeremiya 23:28

Omulêbi ogwêrhe ecilôrho, aganîre! Owayumvîrhe akanwa kâni, aderhe bwinjà akanwa kâni. Bici omusîsi gugânwa n’ihemba? Kanwa ka Nyakasane.

Yeremiya 26:2

Kwo adesire ntya Nyakasane: mpu ojiyimanga omu ngo y’aha ka-Nyamuzinda. Abantu b’omu bishagala by’e Yûda boshi, abakayîsha baliharâmya omu ka-Nyamuzinda onababwîre ebinwa byoshi nkurhegesire nti obabwîre, orhabinyîhagyamwo ciru n’akanwa kaguma.

Yeremiya 36:14

Okubundi, abarhambo boshi banacirhuma Yehudi, mugala wa Netanyahu na Shelemiyahu mwâna wa Kushi mpu agendibwîra Baruki, erhi: «Oyîshe odwîrhe eco cizingo c’ecitabu wasomeragamwo olubaga». Baruki mugala za Neriyahu, arhôla cirya citabu ayisha ababugâna.

Yeremiya 36:15

Bamubwîra, erhi: «Burhamala orhusomere nîrhu». Baruki anaciburhamala obwo abasomeraco.