Yeremiya 34:9 - BIBLIYA NTAGATIFU OMU MASHI

⁹ oku ngasi yêshi ashwêkûle abajà n’abajà-kazi ba Banyahebraniya. Ntâye omu baluzi n’omu lubaga loshi bayankaga ogwo muhigo, ntâye wali ogwâsirwe ajire mwene wâbo w’omunya-Yudeya mpu abè mujà wâge.

Yeremiya 34:9 ပူးပေါင်းရင်းမြစ်များ

Murhondêro 14:13

Muguma omu bashugunukaga, akanya aj’ibwîra Abramu muhabraniya wali yûbasire aha murhi gwa Mambri Amoriti, mwene wâbo Esikoli na Aneri, bàli bîra b’Abramu.

Murhondêro 40:15

Bulya kushamula banshamulaga omu cihugo c’Abayahudi, ciru n’eno munda nayo, ntâco najizire cankarhuma nashwekwa».

Lubungo 2:6

Anacicifunula, abona omwâna: ali mwâna-rhabana odwîrhe alaka. Obwonjo bwamugwârha, anaciderha, erhi: «Mwâna wa Bayahudi oyu».

Lubungo 3:18

Bayishiyumva izù lyâwe, oyishigenda obwo, mwe n’abagula ba bene-Israheli, ojè emunda mwâmi w’e Mîsiri ali, mumubwîre, mpu: «Nyakasane, Nyamuzinda w’Abayahudi, anarhubonekire. Bunôla orhulekage, rhugende lugendo lwa nsiku isharhu omu irungu, rhujihêra Nyakasane, Nyamuzinda wîrhu.

Yeremiya 25:14

(Kulya kubà nago gahêkwa bujà n’amashanja mazibu, n’abâmi badârhi, nagahemba nk’oku ebijiro byâbo binali, na nk’oku omukolo gw’enfune zâbo gunali).

Yeremiya 27:7

“Amashanja goshi gâmukolera, ye n’omugala n’omwinjikulu, kuhika nago amango gayandikîrwe ecihugo câge gahike, lyo amashanja mazibu-zibu n’amâmi makomokomo bamuya­ndagaza”.

Yeremiya 30:8

“Olwo lusiku -kwo Nyakasane Nyamuzinda w’Emirhwe adesire- nashangula omuzigo guzidohire oku igosi na ntwe emibanga yâwe. Lêro obwo orhakaciba mujà w’ab’ihanga”.

Yeremiya 34:10

Abaluzi n’oluba­ga bâli aha eyo ndagâno yafundikagwa, boshi bàlikûla ngasi muguma abajà bâge, abalume n’abakazi; boshi bayêmêra, ntâye wasigîre omu bujà.

1 Bakorinti 6:8

Ci mwêhe mubâge mwe mujira okurhashingânîni, mubâge mwe munyaga abinyu, n’obwo bali bene winyu!

2 Bakorinti 11:22

Bali Bayahudi, nâni ndi wundi! Bali b’oku nkomoka y’Abrahamu; ci nâni!

Lushika 15:12

Erhi mwene winyu muhebraniya, mulume erhi mukazi akacîguza emunda oli, nêci anakukolera myâka nda, n’oku mwakagwa kali nda, wanamuleka agende nk’oku omurhima gunamuhîre.

Bafilipi 3:5

Nakembûlagwa olusiku lwa kali munâni, ndi wa mulala gw’Israheli, w’omu bûko bwa Benyamini, ndi Muhabraniya okomoka oku Bahabraniya; oku biyêrekîre Amarhegeko, ndi Mufarizeyi;

1 Samweli 14:11

Oku banali babirhi bacîyêreka lulya lugerêro lw’Abafilistini, nabo Abafilistini erhi bababona baderha mpu: «Langiri Abayahudi bahuluka omu mîna bali bacîfulisire».

1 Samweli 4:6

Izù ly’orhôla rhuhababo lyayumvîkana emwa Abafilistini, banaciderha mpu: «Lêro lubî lwa rhuhababo rhuci orho rhwamazûka omu lugerêro lwa bene Israheli?» Banaciyumva oku Omucîmba gw’Amalaganyo ga Nyamubâho ogwo gwamâhika omu lugerêro lwâbo.

1 Samweli 4:9

Muhire omurhima omu nda Bafilistini we, musimike akîrumè, rhurhagibà bajà ba bene Israheli, nka kulya bali bajà binyu. Mubè balume.»