Yeremiya 34:3 - BIBLIYA NTAGATIFU OMU MASHI

³ “Nâwe orhafume bulyâla bakugwârha mpira bakugwâse omu ikumi ly’eminwe yâge. Okazilâba mwâmi w’e Babiloni omu masù naye akazikuderhêza mâsi-mâsi. Buzinda bakujâne e Babiloni”.

Yeremiya 34:3 ပူးပေါင်းရင်းမြစ်များ

Yeremiya 21:7

Enyuma ly’aho, kanwa ka Nyamubâho, nâhana Sedekyahu, mwâmi w’e Yu­da, ye n’abambali, olubaga na balya boshi bâfume ecihûsi, engôrho n’ecizombo, nâbahisa omu nfune za Nabukondonozori, mwâmi w’e Babiloni, omu nfune z’abashombanyi bâbo, n’omu nfune za balya barhabalongeza kalamo, burhababâlira ndi, burhafà bwonjo, buzira lukogo».

Yeremiya 27:22

“byahêkwa e Babiloni, (binabêreyo kuhika olusiku nâbirhandûla), kanwa ka Nyakasane. Ago mango, lyo nâbiyînamula nnambigalule muli eci cihugo.”»

Yeremiya 32:28

“Co cirhumire, ndesire oku nahà bene Kaldeya olu lugo lwinyu, nluhire omu maboko ga Nabukondonozori, mwâmi w’e Babiloni;”

Yeremiya 32:3

Ho Sedekyahu, mwâmi w’e Yûda ali amushwêkîre mpu bwenge amakaziyigîriza; anacimudôsa erhi: «Cici cirhumire odwîrhe wabwîra abantu mpu kwo Nyakasane adesire erhi: ogu murhundu gwinyu nkola nagugabira mwâmi w’e Babiloni, abè ye guyimamwo.

Yeremiya 32:4

Ciru na Sedekyahu, mwâmi w’e Yûda arhashugunuke bene Kalideya, ahimwa banamugwârhe mpira bamuhêke agendisamba emalanga ga mwâmi w’e Babiloni ye nene, bakazilolana omu masù, amushuze n’ebi amudôsa byoshi.

Yeremiya 34:21

“Sedekyahu mwâmi wa Yûda naye, n’abaluzi boshi, nabo nâbahana omu maboko g’abalenzi, omu maboko g’ababakulikire, n’omu maboko g’abasirika ba mwâmi w’e Babiloni n’obwo anali amârhangiyêgûla engabo zâge”.

Yeremiya 34:4

“Cikwône, waliha Sedekyahu mwâmi w’e Yûda, yumvîrhiza oku Nnâmahanga arhumire! Orhege amarhwîri ebikuyêrekire Nyakasane adesire bakubwîra, erhi: Orhafè côji”;

Yeremiya 37:17

Mwâmi Sedekyahu anacirhuma mpu bajimulola. Mwâmi amudekeza omu mwâge bufundafunda, erhi: «Ka hali akanwa ka Nyakasane?» Yeremiyahu ashuza, erhi: «nêci ho kali». Anashubiderha, erhi: «Bamâkuheba omu nfune z’omwâmi w’e Babiloni».

Yeremiya 38:18

Ci erhi wakanabà orhahulusiri okaciheka emwa abarhambo ba mwâmi w’e Babiloni olu lugo erhi lwamanagwa omu nfune za abantu b’e Sîriya, bo bânaludûlika muliro, nâwe wêne orhafulumuke omu nfune zâbo».

Yeremiya 38:23

“Nêci, bakâwe n’abâna bâwe bâhêkwa emwa Abasîriya nâwe wêne orhafulumuke omu nfune zâbo, ci wayôrha oli mushwêke, omu nfune za mwâmi w’e Babiloni. Olugo nalo, kuhya lwanahya”».

Ezekiyeli 12:13

“Nâmurhenza, agwârhwe omu kasira kâni; nâmuhêka e Babiloni, omu cihugo c’Abanya-Kaldeya. Ci konene arhacibone, ciru yo anafîra”.

Ezekiyeli 17:15

Ci kônene oyôla muluzi amugomera, arhuma obugo e Mîsiri mpu bagend’imuhunira enfarasi n’engabo nyinji z’okulwa. Ka ahasha? Ka ahima oyôla wajiraga kwa bene okwôla? Ka avune endagâno yâge abulihasha!

Ezekiyeli 17:16

Ndahîre obuzîne bwâni, kwo adesire Nyakasane Nyamubâho, ndahîre oku: ali mulya cihugo c’olya mwâmi wamuhiraga oku ntebe, olya ajiriraga endahiro agalinayivuna, emwa oyôla mwâmi, omu karhî ka Babiloni anafîra.

Ezekiyeli 21:25

gumanyîse engôrho, enjira y’e Rabati emwa Abanya-Amoni n’ey’e Yûda na ey’olugo luzibuzibu, y’e Yeruzalemu.