Yeremiya 34:13 - BIBLIYA NTAGATIFU OMU MASHI

¹³ erhi: Kwo Nyakasane Nyamuzinda w’Israheli adesire ntya: Nabonaga nayanka omuhigo rhweshi na basho erhi mbakûla omu bujà e Mîsiri, erhi nyûsibayôkola omu marhabi. Nababwîra nti:

Yeremiya 34:13 ပူးပေါင်းရင်းမြစ်များ

Lubungo 13:14

“N’irhondo mugala wâwe akakudôsa, erhi: Kwo kurhi okwo?, onamubwîre, erhi: kuboko kuzibu Nyakasane àrhurhenzagyamwo e Mîsiri, omu nyumpa y’obujà”.

Lubungo 13:3

Mûsa anacibwîra olubaga, erhi: «Mukâkengêra lulya lusiku mwarhengaga e Mîsiri, omu nyumpa y’obujà, bulya kuboko kuzibuzibu Nyakasane àmmukûlagamwo eyo munda. Murhakâg’irya omugati gulimwo olwango.

Lubungo 20:2

Nie Nyakasane, Nyamuzinda wâwe, owakurhenzagya omu cihugo c’e Mîsiri, omu nyumpa y’obujà:

Lubungo 24:3

Mûsa anaciyisha, ashambâlira olubaga ebyo binwa bya Nyakasane byoshi n’amarhegeko gâge goshi. Olubaga lwoshi lwanacishuza n’izù liguma, mpu: «Ebinwa Nyakasane anadesire byoshi, rhwabishimba.»

Yeremiya 11:4

“binwa narhegekaga basho olusiku mbakûla omu cibeye, omu cihugo c’e Mîsiri”». Nababwîra nti «muyumve izù lyâni; munajire ngasi kwoshi nâkamurhegeka lyo mubà lubaga lwâni, nâni mbè Nyamuzinda winyu.

Yeremiya 11:7

“Bulyâla narhonzire basho erhi mbakûla e Mîsiri, na kuhika buno nadesire buzira kurhama nti: muyumve izù lyâni.”.

Yeremiya 31:32

Erhaciri nk’elya ndagâno nafundikaga na bashakulûza bâbo, amango nabarhenzagya omu cihugo c’e Mîsiri. Eyo ndagâno bône bayifundûla, n’obwo nie nanali Nnawâbo, kwo Nyakasane adesire.

Yeremiya 34:12

Co ca­rhumire Nyamuzinda arhuma omulêbi Yeremiyahu,

Yeremiya 7:22

Bulya oku biyêrekîre enterekêro n’ebimasha, ntâko nabwîzire na ntâko narhegesire basho erhi mbakûla omu cihugo ca Mîsiri.

Lushika 13:10

“Nêci, okwânîne omuyîrhe, we wamulîkira okuboko kurhanzi kw’okumuyîrha, na kandi okuboko kw’olubaga lwoshi kuholêreze”.

Lushika 15:15

Okaz’ikengêra oku wali mujà e Misirina Nyamubâho, Nyamuzinda wâwe akucungula. Co cirhumire nkuhà eryôla irhegeko ene.

Lushika 16:12

Okazikengera oku wali mujà e Mîsiri: olange onakulikire aga marhegeko.

Lushika 24:18

Kengêra oku wali bujà omu cihugo c’e Mîsiri n’oku Nyamubâho, Nyamuzinda wâwe akucungulaga: co cirhumire nkurhegeka nti eryol’irhegeko olishimbe.

Lushika 29:1

Mûsa ahamagala Israheli yêshi amubwîra, erhi: Mwabwîne ebi Nyamuzinda akolîre ecihugo c’e Mîsiri omu masù ginyu, ebi akolîre Faraoni mwâmi w’e Mîsiri, abambali n’ecihugo câge coshi:

Lushika 5:27

Woyo, ojeyo oyumve ngasi oku Nyamubâho, Nyamuzinda wîrhu akaderha, obuliyisha orhubwîre ngasi oku Nyamubâho, Nyamuzinda wîrhu akubwîzire; rhwayumvîrhizakwo rhunakujire.

Lushika 5:6

«Nie Nyamubâho, Nyamuzinda wâwe, nie nakurhenzagya omu cihugo c’e Mîsiri, omu nyumpa wali mujà.

Lushika 6:12

orhahîra okayibagira Nyamubâho wakukûlaga omu cihugo c’e Mîsiri, omu nyumpa wàlimwo mujà.

Lushika 7:8

ci kurhonya Nyamubâho amurhonya, n’okulonza okusêza omulagi alaganyagya basho. Kwo kwarhumire Nyamubâho, Nyamuzinda wâwe akulîkûza n’okuboko kwâge kuzibu, akurhenza omu nyumpa y’obujà n’omu nfune za Faraoni mwâmi w’e Mîsiri.

Lushika 8:14

omanye omuhimbo gwakanakuja emurhima. Ago mango omanye wakayibagira Nyamubâho, Nyamuzinda wâwe wakurhenzagya omu cihugo c’e Mîsiri, omu nyumpa y’obujà.

Yozwe 24:17

“Bulya, Nyakasane, Nyamuzinda wîrhu, ye warhurhenzagya rhwêne na balarha, omu cihugo c’e Mîsiri, omu nyumpa y’obujà; ye wanajaga ajira birya birhangâzo byoshi erhi rhwanabona, kandi yêne anajarhulanga mwa galya majira gîrhu goshi mwa lu­lya lugendo lulî rhwanajiraga omu njira erhi rhuyisha, na kandi yêne wajàga arhulanga muli galya mashanja rhwajaga rhwageramwo”.

Bacîranuzi 6:8

kwarhuma Nyakasane arhumira bene Israheli omulêbi. Anacibabwîra, erhi: «Oku Nyamubâho adesire kw’oku: Nie Nyakasane Nyamuzinda w’Israheli, niene namukûlaga e Mîsiri, namukûla omu nyumpa y’obujà.