Yeremiya 33:6 - BIBLIYA NTAGATIFU OMU MASHI

⁶ Lolaga oku nkola nashububabà lukogo, nâbahà obufumu n’okubabuka, nâsêza n’amalaganyo gâni g’omurhûla, n’obudahemuka rhweshi nabo.

Yeremiya 33:6 ပူးပေါင်းရင်းမြစ်များ

Ennanga 147:3

Anabuke abagogomîrwe omu murhima, anabuke ebibande byâbo.

Ennanga 37:11

Abatûdu bo balya igulu balirya banayumve omurhûla munji-munji.

Ennanga 67:2

Nyakasane Nyamuzinda arhubabalire anarhugishe, arhumolekere n’obusù burhulwîre.

Ennanga 72:7

Obushinganyanya bwâyêra omu nsiku zâge, n’omurhûla guluge, kuhika omwêzi guzike.

Lubungo 34:6

Nyakasane anacigera embere zâge, ajà ayâkûza, erhi: «Nyakasane, Nyamubâho, Nyamuzinda w’obwonjo, ntabâcihûngo, ntakunira-duba, oyunjula bwinjà n’obwîkubagirwa,

Muhanûzi 3:3

Habà amango g’okuyîrha, n’amango g’okufumya; amango g’okushâba, n’amango g’okuyûbaka.

Izaya 2:4

Abà mucîranuzi w’amashanja, anabè mutwî w’emmanja w’amashanja manji. Engôrho zâbo bâzitulemwo enfuka, n’amatumu gâbo bâgatulamwo emigushu. Ntà ishanja lyânacimôlere elyâbo engôrho, na ntâbo bâcicîyigîrize oku­lwa amatumu.

Izaya 30:26

Obulângale bw’omwêzi bwahinduka nka bulângale bw’izûba, n’obulângale bw’izûba buyûshûke kali nda, nka bulângale bwa nsiku nda, olusiku Nyakasane anarhube ebihulu by’olubaga lwâge anayumye enzigo z’ebibande byâlwo.

Izaya 39:8

Hizkiyahu ashuza Yeshayahu, erhi: «Kali kinjà akola kanwa ka Nyakasane ombwizire!» Bulya akazâg’iderha omu murhima gwâge, erhi: «Kuziga oku ncibâmwo omûka, hâbà omurhûla n’akalembe!»

Izaya 54:13

Bagala bâwe boshi babà baganda ba Nyakasane, n’omurhûla gw’abâna bâwe gwabà murhûla munene.

Izaya 55:7

Omubî aleke okwâge, na nyankola-maligo akabulire enkengêro zâge, agaluke emwa Nyakasane, naye amubabalira, agaluke emwa Nyamuzinda wîrhu, bulya abà wa bwonjo bunji.

Izaya 57:18

Nabwîne enjira zâge, ci namufumya, nâmulongolana nnâmuyunjuze burhulirize, ye n’abâge bali omu mishîbo.

Izaya 57:19

Nâbahà okukaz’iderha omu kanwa kâbo, mpu: «Buholo! buholo oku bali kuli n’oku bali hôfi, kwo adesire Nyakasane! Nêci, nâbafumya!»

Izaya 58:8

Ntyo wânalangashana nka buce bwa sêzi, ebibande byâwe byanafuma dubaduba, obushinganyanya bwâwe bwanakaz’ikushokolera, n’irenge lya Nyakasane lyanakaz’ikukulikira.

Izaya 66:12

Bulyâla ntyâla kwo Nyakasane adesire, erhi: Alà oku namuyêrekeza omurhûla nka kula olwîshi luhulula, namuyêrekeza irenge ly’amashanja nka mugezi guyunjulîre. Mwayonkesibwa, muhêkwe emugongo munajûhirizibwe oku madwî.

Yeremiya 17:14

Onfumye, Nyakasane lyo nfuma, oncize lyo ncira, bulya wêne we ncîtakîra

Yeremiya 29:11

“Bulya nâni niene mmanyire enkengêro ngwêrhe kuli mwe, kanwa ka Nyakasane, nkengêro za murhûla ci zirhali za buhanya, za kumushobôza oku­hwa rnudwîrhe mwacîfinja kw’ebi”.

Yeremiya 3:22

Galuki mwe bâna b’ebirala, nnonzize okufumya obugoma bwinyu! Rhw’ono rhuyishire emunda oli, bulya we Nyakasane Nyamuzinda wîrhu,

Hozeya 6:1

Yishi rhugaluke emwa Nyamuzinda, Ye warhujaganulaga ye wânarhufumya; Ye wârhushûrhaga, ye wânarhuba ebibande bîrhu.

Hozeya 7:1

Oku ndwîrhe nti nafumya Israheli, amabî ga Efrayimu, gamaciyêrekana, n’obwengûza bwa Samâriya; bunywesi bwône bwône, ebishambo bidwîrhe byabera enyumpa, n’embuga elumîre bishungu.

Mikeyo 4:3

Ayishiyîma ekarhî ka mashanja manji, ânatwîre amashanja madârhi e­mmanja. Engôrho zâbo bâzitulamwo enfuka, n’amatumu gâbo bâjira­mwo emigushu. Ntà lubaga lwâcilengereze olundi engôrho, barhakaciciyigîriza okulwa amatumu.

Mikeyo 7:20

Oyêreke Yakôbo obudahemuka bwâwe, n’Abrahamu omubêre lukogo lulya wacîgashiraga balarha kurhenga mîra.

Malakiya 4:2

Ci kuli mwe, murhînya izîno lyâni, izûba ly’obushinganyanya lyâbasha, limmulerhere obucire. Mwâyishijà mwâhama n’omwîshingo nka manina ga mitwirà.

Yowane 10:10

Ecishambo cikîsha, erhi kuzimba ciri n’okuyîrha n’okusherêza. Niehe ecandwîrhe, nti ebibuzi bibone akalamo, akalamo kanene.

Befezi 6:23

Nyamuzinda Îshe na Nyakasane Yezu Kristu bashobôze bene wîrhu omurhûla, obuzigire n’obuyêmêre.

Lushika 32:39

Mulolage oku niono, niono ndi ye, n’oku ntà wundi oli Nyamuzinda haguma nâni. Niene nie nyîrha nie nanciza, amango namashûrha, niene nanfumya, (na ntâye wakakûla owundi omu nfune zâni).

1 Petro 1:3

Ayâgirwe Nyamuzinda, îshe wa Nnawîrhu Yezu Kristu! Omu lukogo lwâge lunji, àrhubusire buhyâhya, arhuhà obulangâlire bulêrha obuzîne, erhi afûla Yezu Kristu omu bafîre,