Yeremiya 33:20 - BIBLIYA NTAGATIFU OMU MASHI

²⁰ Kwo Nyakasane adesire ntya: Amango hânabè owahindula irhegeko nahîre obudufu n’omûshi nti bikazikulikirana oku nanabibwîraga,

Yeremiya 33:20 ပူးပေါင်းရင်းမြစ်များ

Murhondêro 1:17

Nnâmahanga abimanika omu cirêre c’emalunga mpu bikamolekera igulu,

Murhondêro 8:22

Oku igulu licihaba, okumîra/kurhwêra n’okusârûla, emboho n’idûrhu, ecanda n’empondo, obudufu n’omûshi, birhakacihusa kubaho».

Ennanga 148:6

Abizibuhize emyâka erhaganjwa, àgwîsire irhegeko lirhakahindulwa.

Ennanga 89:34

ci oburhonyi bwâni ntâmunyagebwo, n’endagâno yâni ntayitwemwo.

Ennanga 89:37

iburha lyâge lyâyôrha lihabà ensiku n’amango, n’entebe yâge yayôrha eri omu masù gâni ak’izûba,

Izaya 66:22

Nêci, nk’oku amalunga mahyâhya n’igulu lihyâhya nâlema byâyôrha bibâho embere zâni, kwo adesire Nyakasane, ntyo kwo obûko bwinyu n’izîno linyu byâyôrha bibâho.

Yeremiya 33:19

Kandi ebinwa bya Nyakasane byarhindakwo Yeremiyahu erhi:

Ben Levi 26:44

Cikwône arhali hoshi aho: amango babà bakola bali omu cihugo c’abashombanyi bâbo, ntabakabulire lwoshi, barhananshologose mpu kuhika mbaherêrekeze, mpu kurhume nayîrha eciragâne najiraga nabo, bulya nie Nyakasane, Nyamuzinda wâbo.