Yeremiya 33:18 - BIBLIYA NTAGATIFU OMU MASHI

¹⁸ Na ntà mango hâbulike abadâhwa bene Levi bakazintûla enterekêro n’okukazitumbûla enshangi n’okuhêra karhahusa buca buyîra.

Yeremiya 33:18 ပူးပေါင်းရင်းမြစ်များ

Ezra 3:5

Enyuma ly’aho banacirherekêra enterekêro ya ngasi lusiku, bahirako enterekêro za Sabato n’ez’okubaluka kw’omwêzi n’eza ngasi nsiku nkulu zinayêrekîre Nyakasane na abalonzize bakaz’ihêra enterekêro banalonzize.

Izaya 56:7

“nâbahêka oku ntondo yâni ntagatîfu nnâbasîmikize omu nyumpa yâni y’okushenga. Embâgwa zâbo n’enterekêro zâbo zâyankirirwa bwinjà aha luhêrero lwâni, bulya enyumpa yâni yakaz’iderhwa nyumpa amashanja goshi gakâshengeramwo”.

Izaya 61:6

Ci mwêhe mwaderhwa badâhwa ba Nyakasane, mwayîrikwa erya barhumisi ba Nyamuzinda wîrhu. Mwâkaz’ikalya oku buhirhi bw’amashanja, n’irenge lyâbo mwe mwâliyîmamwo.

Yeremiya 33:19

Kandi ebinwa bya Nyakasane byarhindakwo Yeremiyahu erhi:

Yeremiya 33:22

Nka kula emirhwe y’empingu erhankaganjwa, n’omushenyi gw’enyanja gurhankaganjwa, kwo nayûshûla iburha lya mwambali wâni Daudi, n’okuluza abadâhwa bakazinterekêra.

Yeremiya 35:19

yekudesire Nyakasane w’Emirhwe, Nyamuzinda w’Israheli, omu mwa Yônadabu mwene Rekabu, ntà mango mwâbulikane omwâna wâge wayîmanga embere zâni.

Ezekiyeli 44:15

Abadâhwa b'Abaleviti, balya bene Sadoki balanganga amarhegeko g’omu cirhînyiro câni, galya mango bene Israheli baciyegûlaga kuli nie, abôla bwo bakaz’inyêgêra omu kunkolera, bwo banakazija embere zâni bayishirhererekêra enterekêro y’amashushi n’ey’omukò, kwo adesire Nyakasane Nyamubâho.

Ezekiyeli 45:5

Ecihimbi ca makano bihumbi makumi abirhi na birhanu oku bulî na bihumbi ikumi oku bugali, câbà ca Baleviti, abâkaz’ikola omu nyumpa bahira hwo olugo bâkaz’iyûbakamwo.

Mibalè 3:5

Nyakasane ashambâza Mûsa, amubwîra, erhi:

Barom 1:21

kulya kubà bàmanyire Nnâmahanga barhanamukuzagya nka Nnâmahanga, barhanamuvugaga omunkwa; ci bôhe bàhabukira omu nkengêro za busha, n’omurhima gwâbo guhûsire gwayunjula mwizimya.

Barom 15:16

y’okubà mujà-bugo wa Yezu Kristu omu bapagani na mudâhwa w’Emyanzi y’Akalembe ya Nnâmahanga, nti lyo enterekêro y’abapagani ehinduka ntagatîfu muli Mûka Mwimâna, enasîmîse Nnâmahanga.

Lushika 18:1

Abadâhwa baleviti, omulala gwa Levi gwoshi gurhahâbwè mwanya erhi kashambala haguma na Israheli, bakazirya ebiryo birherekîrwe Nyakasane, n’oku mwanya gwâge.

Lushika 24:8

Oku by’olushomyo, ocîhangâne oshimbe bwinjà onakulikire enyigîrizo z’abadâhwa Bene Levi, buzira kuzigera eburhambi. Oshimbe onakulikire ebi nabarhegesire.

Yozwe 3:3

Bajà bahâna eri irhegeko oku lubaga, mpu: «Hano mubona omucîmba gw’amalaganyo ga Nyakasane, Nyamuzinda winyu, gwamabarhulwa n’abadâhwa bene Levi, ninyu mwanayimuka aha muli mugushimbe.

1 Petro 2:5

Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.

1 Petro 2:9

Ci mwêhe muli ishanja lîshogwa, muli badâhwa b’ebwâmi, muli mulala Mutagatîfu, muli lubaga lurhôle Nyamuzinda acungulaga mpu mukâyimba ebirhangâzo by’olya wammukûlaga omu mwizimya, ammuhama­gala mpu mujè omu bulangashane bwâge bw’okusômeza;

Mafulûlo 1:6

arhuyîmika anarhujira badâhwa b’Îshe Nyamuzinda! Kuli ye irenge n’oburhegesi emyâka n’emyâka! Amen.

Mafulûlo 5:10

wanarhujira bwâmi bwa Nyamuzinda wîrhu na badâhwa bâge, n’igulu rhwe rhwaliyîmemwo».