Yeremiya 33:13 - BIBLIYA NTAGATIFU OMU MASHI

¹³ Ashubiderha erhi: omu bishagala by’omu ntondo, n’omu bihugo by’olunda lw’idako, n’e Nêgebu kuhika emwa bene Benyamini, n’eburhambi bwa Yeruzalemu n’omu bishagala bya Yûda, ebibuzi bikola byâshubira omu masô g’ababiyabwîre.

Yeremiya 33:13 ပူးပေါင်းရင်းမြစ်များ

Yeremiya 17:26

“Bakazirhenga omu bishagala by’emwa Yûda n’entambi z’e Yeruzalemu, entambi z’emwa Benyamini n’ebwa cihugo ciri embanda, n’eciri oku ntondo n’oku Nêgebu, bakayîsha badwîrhe embâgwa, enterekêro, entûlo n’enshangi mpu barhûle enterekêro y’okuvuga omunkwa omu ka-Nyamuzinda”.

Yeremiya 31:12

“Bayîshiyîsha, n’orhuhababo rhw’enshagali oku ntondo ye Siyoni, n’okulibirhira caligumiza ebw’ebi Nyakasane abashobôzize: e­ngano, idivayi lyacikandagwa, n’amavurha, ebibuzi n’enkafu; bayîshiyôrha nk’ishwa ly’omu luziba, barhakacishalika bundi”.

Yeremiya 32:15

“Bulya Nyamubâho, Nyamuzinda w’Israheli adesire, erhi: ensiku zâciyisha bashubi­ kazigula enyumpa n’amashwa n’enkoma z’emizâbîbu muli eci cihugo.”»

Yeremiya 32:44

“Bâshubikazihimûla amashwa, bâkazikomêreza ebyemêzo by’okugula, bâhirekwo n’akashè, balonze n’ababihirakwo ecunkumwe omu cishagala ca Benyamini n’omu bindi bishagala binayêgîre Yeruzalemu, n’omu bishagala bya Yûda na muli birhondo bya Nêgebu. Bulya Nyakasane adesire erhi, nkola nashubigalula balyâla bene Israheli balibamajirwa bajà”».

Ezekiyeli 20:37

Nâmugendesa n’obuhiri, nyishe mmudwîrhemwo bantu basungunu.

Ben Levi 27:32

Oku biyêrekîre entûlo z’ebishwêkwa binene erhi binyinyi, ngasi hyoshi hihugwa n’akarhi k’omungere, ecigabi ca kali ikumi cakaz’irherekêrwa Nyamuzinda.

Abudiya 1:20

Abakage b’omu busô bw’abâna b’Israheli, bânayanke ecihugo ca Kanâni kuhika e Sarepta, n’abakage b’e Yeruzalemu bali e Sefaradi banayanke emirhundu y’e Negêbu.

Luka 15:4

«Ndi muli mwe ojira bibuzi byâge igana, ciguma cikahera, orhaleka birya bindi makumi gali mwenda na mwenda omu bulambo, akakulikira cirya cihezire kuhika acibone?