Yeremiya 32:20 - BIBLIYA NTAGATIFU OMU MASHI

²⁰ We wajiraga ebisômerîne, wayêrekana n’ebirhangâzo e Mîsiri, na kuhika ene omu Israheli, n’ahandi hoshi. Kuhika ene ntâye orhakuyîshi, na ntâye orhakurhînya.

Yeremiya 32:20 ပူးပေါင်းရင်းမြစ်များ

2 Samweli 7:23

Ndi oli nka olubaga lwâwe, ndi oli nka Israheli yâgirwa, ishanja liguma toro eri alijirîremwo eby’okurhangâza, bunguke bw’igulu burhuma. Wakungusha embere z’olwo lubaga warhenzagya e Mîsiri, amashanja na banyamuzinda bâbo bw’obwîhambi.

1 Nganîro 17:21

“Kwo na kwo ntà lundi lubaga bano igulu luli nk’olubaga lw’Israheli. Wayishire walulikûza, lwône lwône, omu bujà bw’e Mîsiri, mpu olujire lubaga lwâwe. Wacîjisize irenge n’ebijiro binene by’okujugumya washandabanyamwo amashanja embere z’olubaga lwâwe”.

Nehemiya 9:10

Wajizire ebimanyîso n’ebirhangâzo embere za Faraoni mwâmi w’e Mîsiri, abambali n’olubanga lw’ecihugo câge coshi, bulya wali’imanyire oku wal’ijizire obwinjà embere z’ababusi bîrhu, n’izîno lyâwe lyanacija irenge nk’oku binali oku lw’ene.

Nehemiya 9:11

Wahahanywîre enyanja embere zâbo, banaciyikira eyo nyanja n’amagulu burhajoma. Ci wadubindika balya bashombanyi bali babashimbire omu nyanja nka kula banadubindika ibuye emudubwi.

Ennanga 135:9

Arhuma ebisômerîne n’ebimanyîso emund’oli bulya wa Mîsiri, abirhumira Faraoni mwâmi w’e Mîsiri n’abambali boshi.

Lubungo 10:2

lyo oyîsh’ikuganîrira mugala wâwe na mwinjikulu wâwe na kurhi nalibuzagya Abanya-Mîsiri na kurhi najiraga ebirhangâzo byâni emwâbo. Ntyo mwanamanya oku niene nie Nyakasane.»

Lubungo 3:20

“Nkolaga nalambûla okuboko kwâni, nshûrhe Mîsiri n’ebirhangâzo najira muli ye. Enyuma ly’okwo anamulika mugende”».

Lubungo 7:3

“Ci kwône nadundaguza omurhima gwa Faraoni mwâmi w’e Mîsiri. Naluza ebimanyîso n’ebirhangâzo omu cihugo c’e Mîsiri”.

Lubungo 9:16

Ci alaga ecàrhumire nakuleka: nti nkuyêreke obuhashe bwâni lyo bamanyîsa izîno lyâni omu igulu lyoshi.

Izaya 63:12

Ye olya wajag’alusa okulyo kwa Mûsa n’okuboko kwâge kw’irenge, olya wagabanyagya amîshi embere zâbo, mpu lyo izîno lyâge likuzibwa ensiku n’amango.

Izaya 63:14

ci bacîyôrhera nka bishwêkwa byàyandagalira omu lubanda. Omûka gwa Nyakasane gwabahêka ah’iluhûkiro. Ntyo kwo walongoline olubaga lwâwe, mpu lyo izîno lyâwe lij’irenge.

Yeremiya 13:11

Bulyâla, nka kula omukaba gusera oku nsiko z’omuntu, kwo nali ncisêgerize oku nyumpa ya Israheli yoshi, enyumpa ya Yûda yoshi, Kanwa ka Nyakasane, nti zibè lubaga lwâni, irenge lyâni, lukengwa na bulimbi bwâni. Cikwône barhanyumvagya.

Daniyeli 6:28

Acungula, anaciza, anajîre ebirhangâzo n’ebisômerîne oku nkuba n’en’i­gulu, ye walikuzagya Daniyeli oku ntale.

Daniyeli 9:15

Na bunôla, yâgirwa Nyakasane Nyamuzinda wîrhu we warhenzagya olubaga lwâwe e Mîsiri n’okuboko kw’obuhashe bunji, we wanarhumaga wêne okaz’iderhwa nk’oku binali ene, yâgirwa rhwakujirire amabî rhwanakugomera.

Ebijiro 7:36

Ye wabarhenzagya muli eci cihugo omu kujira ebisômerîne n’ebirhangâzo e Mîsiri n’omu Nyanja Ndukula, n’omu irungu myâka makumi anni.

Lushika 11:3

ebimanyîso n’ebindi akozire omu Mîsiri, ebi akolîre Faraoni mwâmi w’e Mîsiri w’e Mîsiri n’ecihugo câge coshi,

Lushika 4:34

Ka hali owundi nyamuzinda okola ôyishire alilonza ishanja omu karhî k’erindi ajira eby’okurhangula, ebimanyîso, ebisômerîne anatula entambala n’enfune nzihun’okuboko kula­mbûle ajira eby’okuyôbohya nka kulya Nyamubâho Nyamuzinda winyu àmujiriraga e Mîsiri, erhi mwanasinza?

Lushika 6:22

Nyamubâho ajirira omu masù gîrhu ebimanyîso n’ebirhangâzo binene by’okuyôbohya, akolera Mîsiri, Faraoni mwâmi w’e Mîsiri n’enyumpa yâge yoshi!»

Lushika 7:19

galya marhangulo manene amasù gâwe gaciboneraga, birya bimanyîso n’ebirhangâzo, kulya kuboko kulambûle Nyamubâho Nyamuzinda wâwe akuhulusagyamwo; ntyo kwo Nyamubâho, Nyamuzinda wâwe akolera ago mashanja oyôbohire.