Yeremiya 31:37 - BIBLIYA NTAGATIFU OMU MASHI

³⁷ Ntya kwo Nyakasane adesire: Erhi bakahasha okugera obulî n’obugali bw’empingu kurhenga enyanya, n’ankabakambwîra obulenga igulu libà liyûbakîrwekwo, lyoki, nakabayêmêrera nâkabulira olubaga lw’Israheli oku maligo goshi lwajijire.

Yeremiya 31:37 ပူးပေါင်းရင်းမြစ်များ

Ayubu 38:18

K’okola orhanyize oku bugali bw’igulu, mbwîra erhi oliyîshi lyoshi?

Ennanga 89:2

Olukogo lwa Nyakasane, nâluyimba ensiku n’amango, oburhabêsha bwâge, niene n’akanwa kâni, nabumanyîsa abinjikulu n’abinjikulûza.

Migani 30:4

Ndi okola osôkîre emalunga anabuligaluka? Ndi okola ofumbasire empûsi omu nfune zâge? Ndi okola obohire amîshi omu cirondo câge? Ndi watwâga embibi z’igulu zoshi? K’oyishi izîno lyâge? K’oyishi izîno ly’omugala?

Izaya 40:12

Ndi okola ogerîre amîshi g’enyanja omu bulà bw’enfune yâge, akanagera amakoro g’amalunga n’eminwe yâge? Ndi okola ogerîre akatulo kw’obudaka omu mulengo? Ndi okola odesire mpu agere obuzirho bw’entondo erhi obw’orhurhondo?

Izaya 54:9

Kwo nâberwa kulya byabâga omu nsiku za Nûhu, erhi ncîgasha nti amîshi ga Nûhu garhacifaga gamirîre igulu bundi: kwo nshubir’icîgasha nti ntakacikukûnirira bundi ntakanacikuhigira amabî.

Izaya 65:9

Olubaga lwa Yakôbo naluhà iburha, na muli Yûda nakulamwo owayîma omu ntondo zâni: abîshogwa bâni bazihâbwa n’abarhumisi bâni bazibêrakwo.

Yeremiya 30:11

“Ndi haguma nâwe nti nkucize, kwo Nyakasane adesire, hano mmalîra amashanja goshi nali kushandabanyizemwo, wêhe wêne ntaherêre­ keze. Cikwône nâkuhana nk’oku bishingânîne. Ntankakujirira nka kuno oli mwêru-kwêru, ciru akabà!”

Yeremiya 33:22

Nka kula emirhwe y’empingu erhankaganjwa, n’omushenyi gw’enyanja gurhankaganjwa, kwo nayûshûla iburha lya mwambali wâni Daudi, n’okuluza abadâhwa bakazinterekêra.

Yeremiya 46:28

“W’oyo murhumisi wâni Yakôbo, orhayôbohaga, Kanwa ka Nyakasane, bulya ndi haguma nâwe. Nkola nakabya galya mashanja goshi nakushandâzagyamwo, ci wêhe ntakuherêrekeze, cikwône nakuhana omu kushimba olushika, orhakalekwa buzira buhane”».