Yeremiya 31:32 - BIBLIYA NTAGATIFU OMU MASHI

³² Erhaciri nk’elya ndagâno nafundikaga na bashakulûza bâbo, amango nabarhenzagya omu cihugo c’e Mîsiri. Eyo ndagâno bône bayifundûla, n’obwo nie nanali Nnawâbo, kwo Nyakasane adesire.

Yeremiya 31:32 ပူးပေါင်းရင်းမြစ်များ

1 Bâm 8:9

Muli ogwôla mucîmba gw’amalaganyo mwâli zirya nambi z’amarhegeko, Mûsa wazihiragamwo galya mango banali aha Horebu, zo nambi z’amalaganyo Nnâmahanga alagânanaga boshi na bene Israheli amango barhengaga e Mîsiri.

Ennanga 73:23

Niehe nâyôrha mbà haguma nâwe, wanyansire wangwârhira oku kuboko.

Ennanga 78:37

N’omurhima gwâbo gurhali gushingânîne mpu guyêrekere emund’ali, n’akanwa bàfundikiraga haguma naye barhakasêzagya.

Lubungo 19:5

Lêro, mukâyumva izù lyâni n’okushimba endagâno yâni, mwâbà mwîmo gwâni omu mashanja goshi, bulya igulu lyoshi liri lyâni;

Lubungo 32:8

“Barhalegamire okurhenga omu njira nabayerekaga, batuzire enshusho y’akanina bafukamire embere zâyo banaderha”, mpu: “Israheli alà Nyamuzinda wâwe, owakurhenzagya omu cihugo c’e Mîsiri.”»

Lwimbo 8:5

Mwa ndi ola wayinamuka arhenga omu irungu ayegemîre Omuzigirwa wâge? Ho nakutuliraga aha murhi gw’epomi, halya nyoko ayankiraga izîmi lyâwe honênè, halyâla ayankiraga izîmi omuzîre wakuburhaga.

Izaya 24:5

Igulu lyahemwîrwe n’amagulu g’abalibâmwo, bulya bavunyire amarhegeko, barhajiraga ebishingânîne, banavuna endagâno y’ensiku n’amango.

Izaya 41:13

Bulya niono, Nyakasane Nyamuzinda wâwe, nkugwârhîre oku kuboko kulyo, nankubwîzire, nti: «Orhayôbohaga, nie nakurhabâla!»

Izaya 54:5

Bulya owakulemaga ye balo, izîno lyâge ye Nyakasane w’Emirhwe, n’Omucunguzi wâwe ye Mutagatîfu w’Israheli, oderhwa Nyamuzinda w’igulu lyoshi.

Yeremiya 11:3

“Obabwîre erhi: Yekudesire Nyakasane Nyamuzinda w’Israheli erhi: akahera omuntu orhumva ebinwa by’eyi ndagâno”,

Yeremiya 11:4

“binwa narhegekaga basho olusiku mbakûla omu cibeye, omu cihugo c’e Mîsiri”». Nababwîra nti «muyumve izù lyâni; munajire ngasi kwoshi nâkamurhegeka lyo mubà lubaga lwâni, nâni mbè Nyamuzinda winyu.

Yeremiya 2:2

«Ogende, oyakûlize ebi binwa omu kurhwiri kwa Yeruzalemu. Ntya kwo Nyakasane adesire: Namâkengêra oku wantonyagya erhi ociri murhò, oku wanzigiraga amango nakâgikusheba, wakazinshimba omu irungu, omu ishwa lirhajâmwo mburho.

Yeremiya 22:9

Bashuze mpu: «kulya kubà balesire endagâno ya Nyakasane, Nyamuzinda wâbo, baharâmya bandi banyamuzinda b’obwîhambi bâna­bakolera».

Yeremiya 3:14

Mugaluke mwe bâna bagoma, Nyakasane okudesire, bulya niene nie Nnâhamwinyu, nayishimurhôla muguma arhenge muli lugo lulebe, babirhi barhenge mulala muguma, nyishimuhisa e Sioni.

Yeremiya 31:1

Mw’ago mango-kwo Nyakasane adesire -Nâbà Nyamuzinda w’emilala yoshi y’Israheli. Nabo babè lubaga lwâni.

Yeremiya 34:13

erhi: Kwo Nyakasane Nyamuzinda w’Israheli adesire ntya: Nabonaga nayanka omuhigo rhweshi na basho erhi mbakûla omu bujà e Mîsiri, erhi nyûsibayôkola omu marhabi. Nababwîra nti:

Yeremiya 34:14

«Hano kugera myâka nda, ngasi muguma muli mwe, ânashwêkûle ngasi mwene wâbo Muhebraniya bamugulizagya ciru barharhegaga amarhwîri.

Ezekiyeli 16:8

Okubundi nanacigera hôfi na nâwe, nakubona. Gali gakola mango gâwe, mango ga kushebwa. Nakulambulirakwo lubuga lw’ecishûli câni, nabwîkira obushugunu bwâwe. Nacigasha n’endahiro, najira endagâno haguma na nâwe, kwo adesire Nyakasane Nyamubâho, -wanaciba wâni.

Ezekiyeli 20:37

Nâmugendesa n’obuhiri, nyishe mmudwîrhemwo bantu basungunu.

Ezekiyeli 23:4

Alaga amazîno gâbo: Ohola lwo lubere, Oholiba ye mulumuna wâge. Banacibà bâni bakaziburha abânarhabana n’abânanyere. Amazîno gâbo gadesire oku Samâriya ye Ohola, Yeruzalemu ye Oholiba.

Hozeya 11:1

Amango Israheli àciri kabonjo, namuzigira, nahamagala mugala wâni kurhenga e Mîsiri.

Hozeya 2:2

Abâna ba Yûda n’ab’Israheli balungana, bâbà na mwâmi muguma, bânagandâza kurhaluka olubibi lw’ecihugo câbo bulya lwâbà luhamu olusiku lwa Yizreeli.

Hozeya 3:1

Nyamuzinda ashubimbwîra, erhi: «Genda kandi, ozigire omukazi ozigirwa n’ibà n’obwo eri mbaraga, nka kula niono Nyakasane nzigira bene Israheli n’obwo bàshizire abandibandi banyamuzinda, basîma n’ebitumbura by’emizâbîbu birherekêrwa abazimu ».

Ben Levi 26:15

n’erhi omurhima gwinyu gwankashologorhwa n’engeso zâni, kurhume mubula kwashimba amarhegeko gâni, mugal’ivuna endagâno yâni,

Marko 8:23

Anacigwârhira gulya muhûrha oku kuboko, aguhêka eburha­mbî bw’olugo, agutwîra amarhî oku masù, agulambûlirakwo amaboko, agudôsa, erhi: «Ka muli eci obwîne?»

Yowane 3:29

“Ogwêrhe omuhya erhi muhya-mulume; ci omwîra w’omuhya-mulume, omuyimangira n’okumuyumva, anasîme akayumva izù ly’omu­ hya-mulume”. “Ogwo gwo mwishingo gwâni, na buno gukola guli mwimâna”.

Ebijiro 23:19

Omukulu w’abasirika amugwârhira oku kuboko, acîyêgûla, amudôsa, erhi: «Bici walonza okumbwîra?»

2 Bakorinti 11:2

Bulyâla okuyâgala munyâgîre kuli kuyâgalwa kwa Nyamuzinda. Kulya kubà nammuhîre mulume muguma yênene, nka mwâna w’obunyere orhashubig’ihumwakwo w’okuyêreka Kristu.

Lushika 1:31

Omu irungu wêne wacîbwinîre kurhi Nyamubâho, Nyamuzinda wâwe àjaga akuhêka nka kula omulume anahêka omugala, akulanga ngasi aha wanageraga hoshi, mwalinda muhika hanôla».

Lushika 29:1

Mûsa ahamagala Israheli yêshi amubwîra, erhi: Mwabwîne ebi Nyamuzinda akolîre ecihugo c’e Mîsiri omu masù ginyu, ebi akolîre Faraoni mwâmi w’e Mîsiri, abambali n’ecihugo câge coshi:

Lushika 29:21

Iburha lyaburhwa, erya abâna binyu bâyisha enyuma zinyu, ciru n’ecigolo carhenga omu cihugo c’ihanga amango babona amahanya gahonera eci cihugo n’endwâla Nyamuzinda alîkire kuli eci cihugo, kwo banaderha mpu:

Lushika 29:24

“Ago mango banaderha” mpu: “Kunali kulya kubà balekerire endagâno ya Nyamubâho, Nyamuzinda wa bîshe, eryâla afundikaga bo nabo erhi abarhenza omu cihugo c’e Mîsiri”;

Lushika 31:16

Nyamuzinda abwîra Mûsa, erhi: «Lolà oku okola wajigwîshira mwe na basho. Olu lubaga lukola lwajihinduka mbaraga omu kushimba banyamuzinda b’embuga, b’eci cihugo mwajijamwo. Lukolaga lwandekêrera luvune eciragâne nalagânaga rhwe nabo.

Lushika 31:20

“Niono nkola namuhisa mwa cirya cihugo nalaganyagya b’îshe, cirya cihululamwo amarhà n’obûci; yêhe hano abà amalya, amâyigurha amanatwêra, akolaga âyêrekera abandi banyamuzinda, abaharâmya oku niehe angayaga n’okuvuna eciragâne câni”.

Lushika 5:2

Nyamubâho, Nyamuzinda wîrhu àfundisire endagâno yâge haguma nîrhu oku Horebu.

Lushika 5:3

Arhali bo na balarha Nyamubâho afundikaga eyo ndagâno, ci haguma nîrhu rhwe rhucizîne, oku rhunali aha olw’ene rhweshi.

Bahabraniya 8:9

Eyo ndagâno erhâbe nk’erya nalagânanaga na bashakulûza bâbo, bulya nabagwârhiraga oku kuboko nti mbakûle omu cihugo c’e Mîsiri. Kulya kubà bàrhasêraga oku ndagâno yâni, nâni ntàcibashîbiriraga, kwo Nyakasane adesire.