Yeremiya 31:3 - BIBLIYA NTAGATIFU OMU MASHI

³ Akagiderha, erhi: «Nyakasane ayishiricîyêrekana kuli nie erhali hôfi». Lêro nâni namubwîra, nti: «Nkurhonya kurhenga ensiku zoshi, co cirhumire nyôrha ncîkwîshwekîrekwo bwenêne».

Yeremiya 31:3 ပူးပေါင်းရင်းမြစ်များ

1 Bâm 10:9

“Ayâgirwe Nyamubâho Nyamuzinda wâwe, ye wasîmaga okukubwârhaza oku ntebe y’Israheli mpu ly’akuzibwa. Kurhonya ayôrhaga arhonya Israheli, kwo kwarhumire akuyîmika mwâmi mpu orhegeke omu bwîrhonzi n’omu bushinganyanya”».

Ennanga 103:17

Obuzigire bwa Nyamuzinda oku bamuyôboha bôhe buli bw’ensiku n’amango, n’oburhondekezi bwâge oku bâna b’abâna bâbo.

Ennanga 25:6

Yâgirwa, kengêra obwonjo oyôrha ôbà; kengêra olukogo lwâwe lwa kurhenga mîra.

Lwimbo 1:4

«Onkeme nkushimbe, rhukanye! Mwâmi ampesire omu mwâge; We wâbà busîme na bushagaluke bwîrhu. Okusîmwa nâwe kwarhulalusa kulusha idivayi; Bayazize abakusîma».

Izaya 43:4

Kulya kubà orhali munyi omu masù gâni, oli wa citwîro cihamu, ntanahimwa kukurhonya, nahanyire abantu ahâli hâwe nanakuhingâna agandi mashanja.

Izaya 45:17

Israheli ayôkolwa na Nyakasane, ayôkolwa oku nsiku n’amango. Murhakacifa mwabwîne nshonyi murhakanacifa mwaturutumbire.

Izaya 49:14

Siyoni akâg’iderha, erhi: «Nyakasane andikirîre, Nnâhamwîrhu anyibagîre!»

Hozeya 11:1

Amango Israheli àciri kabonjo, namuzigira, nahamagala mugala wâni kurhenga e Mîsiri.

Hozeya 11:4

Nakàbarhogoza, nakàbashishiriza n’obuzigire; kuli bo kwo naliyôsire nka kula omulezi w’akabonjo akazikanûnugurha omu irhama, na­ kaziyûnamîra emunda ali namuhà ebi àlya.

Malakiya 1:2

Nyakasane abwîra olubaga lwâge erhi: «Ntahimwa kumuzigira». Nabo, bamudôsa, mpu: «Obuzigire bwâwe kurhi bubonekînemwo?» Nyakasane àshuza, erhi: «K’arhali Ezau ye mukulu wa Yakôbo? Ci kwône Yakôbo ye nazigîre,

Barom 8:30

n’abarheganyize, àbahamagîre; n’abahamagîre, abajizire bêru-kwêru, n’abajizire bêru-kwêru, abahîre obukuze.

Barom 9:13

nk’oku biyandisirwe mpu: Narhonyize Yakôbo, nashomba Ezau. Nyamuzinda anahash’ijira nk’oku alonzize

Lushika 10:15

Nyamubâho ànabulibà basho bône àcîshwêkerakwo erhi kubarhonya kurhuma, na kandi enyuma zâbo, linali iburha lyâbo, aligi mw’oyo, lyône àcîshozire omu mashanja goshi.

Lushika 33:26

Ntâye oli aka Nyamuzinda wa Yeshuruni, ye olya ojà wagera e malunga mpu akurhabâle ntyo, n’obuhashe bwâge alambagire oku bitù.

Lushika 33:3

We zigira bashakulûza, abatagatîfu boshi omu maboko gâwe banali, bali bafukamire aha magulu gâwe. Erhi bakûla omulindi erhi we badwîrhe

Lushika 4:37

Kubà ali azigîre basho, n’okubà acîshozire iburha lyâbo enyuma zâbo, kwarhumire akurhenza e Mîsiri anakuyêrekana okubâho kwâge n’obuhashe bwâge.

2 Timoteyo 1:9

ye warhucungulaga, arhuhamagala anacirhwîshoga mpu rhubè batagatîfu, arhali oku lugero lw’ebijiro bîrhu, ci oku lugero lw’obulonza bwâge yêne n’engalo yâge. Eyo nshôkano rhwashobôlaga kurhenga emyâka n’emyâka muli Kristu Yezu,

Yakôbo 1:18

Yêne walonzagya okurhuburha omu luderho lwâge lw’okuli, mpu rhubè rhwe murhondêrero gw’ebiremwa byâge.

1 Petro 1:3

Ayâgirwe Nyamuzinda, îshe wa Nnawîrhu Yezu Kristu! Omu lukogo lwâge lunji, àrhubusire buhyâhya, arhuhà obulangâlire bulêrha obuzîne, erhi afûla Yezu Kristu omu bafîre,

1 Yowane 4:19

Rhwêhe rhuzigirane, kulya kubà ye warhangag’i­rhuzigira.