Yeremiya 31:23 - BIBLIYA NTAGATIFU OMU MASHI

²³ Alagi ebi Nyakasane w’emirhwe, Nyamuzinda w’Israheli adesire: «Hano ngalula bene Yûda omu cihugo câbo, bâshubikaderha ebi binwa: Mâshi Nyamuzinda akugishe, ntondo ntagatîfu ya Siyoni, karhwa bwâmi k’obucunguzi!»

Yeremiya 31:23 ပူးပေါင်းရင်းမြစ်များ

Ennanga 128:5

Nyakasane akugishe kurheng’e Siyoni, ensiku zoshi z’obuzîne bwâwe.

Ennanga 129:8

N’abâgera barhâderhe, mpu: «Nyakasane amugishe», mpu: «Rhumugishire okw’izîno lya Nyakasane.»

Ennanga 134:3

Nyakasane akugishe kurhenga e Siyoni, ye wajiraga empingu n’igulu.

Ennanga 28:9

Ocizagye olubaga lwâwe onagishe omwîmo gwâwe, bayâbulè onakaz’iyôrha obashokolera ensiku n’amango.

Izaya 1:21

Kurhigi cahindusire nka mukazi wa cishungu, cirya cishagala cemêzi? Càli ciyunjwîre burhimanya, muli co mwo obushinganyanya bwahandaga, lêro buno cikola ca bîsi ba bantu!

Izaya 1:26

Abacîranuzi bâwe nâshub’ibahindula nk’oku banayôrhaga burhanzi, n’abahanûzi bâwe nka kulya bali mîra. Enyuma z’aho bâkakuderha «Cishagala ca bushinganyanya», «lugo lwa bemêzi».

Izaya 11:9

Ntà bubî na ntà buligo bwacikolwe oku ntondo yâni ntagatîfu yoshi, bulya ecihugo cayunjula bumanye bwa Nyakasane, nka kula omuhengere gw’enyanja guyunjulira mîshi.

Izaya 32:16

Obucîranuzi bwayîsh’iyîma omw’irungu n’obushinganyanya bwayûbaka omu ishwa ly’emilehe.

Izaya 33:5

Nyakasane alengerîre, bulya endâro yâge yo ebà emalunga; ayunjuza Siyoni obucîranuzi n’obushinganyanya.

Izaya 60:21

Omu lubaga lwâwe murhakacibonekana aharhali bashinganyanya, bayîma omu cihugo ensiku n’amango, yo mimera y’omu ishwa lyâni, gwo na mukolo gw’amaboko gâni, mpu lyo bayêrekana irenge lyâni.

Yeremiya 29:14

“Nâleka munshange, kanwa ka Nyakasane. Empira zinyu nâziga­lula, nnâmubuganyazo kurhenga omu mashanja goshi na kurhenga n’emunda namuhabulîre yoshi, kanwa ka Nyakasane. Nâmugalula ahâla mwâli erhi mu­shandabana”».

Yeremiya 30:18

“Ntya kwo Nyakasane adesire: Loli oku nagalula empira omu mahêma ga Yakôbo n’emyûbako yâge nâyifîra bwonjo. Ecishagala ca­ shubiyûbakwa omu ciriba câco n’enyumpa nyinjinjà halya yanali burhanzi”.

Yeremiya 32:44

“Bâshubikazihimûla amashwa, bâkazikomêreza ebyemêzo by’okugula, bâhirekwo n’akashè, balonze n’ababihirakwo ecunkumwe omu cishagala ca Benyamini n’omu bindi bishagala binayêgîre Yeruzalemu, n’omu bishagala bya Yûda na muli birhondo bya Nêgebu. Bulya Nyakasane adesire erhi, nkola nashubigalula balyâla bene Israheli balibamajirwa bajà”».

Yeremiya 50:7

“Abashombanyi barhangîriza babibuganaga, bakazibifomera burharhindira, banacidesa erhi: Ntà kubî rhwajizire, abà bantu babihire Nyamuzinda wâbo, ye wali bucire bwâbo bw’okuli na bulangâlire bwa bashakulûza bâbo”.

Abudiya 1:17

Ci kwône oku ntondo ya Siyoni kwayishibà abàfumire, hayishibà hanlu hatagatîfu, n’enyumpa ya Yakôbo yâyishinyaga abàyinyazire!

Mikeyo 4:1

Amango gayiruka omu nsiku za buzinda, mwâcibone entondo y’akà-Nyamuzinda eri enyanya ly’ezindi elîhe kulusha ezindi ntondo zoshi. Lyo amashanja goshi gâshagamukira emunda eri,

Zakariya 8:3

“Co cirhumire ndesire nti nshubir’igaluka e Yeruzalemu, kandi nâbêra e Siyoni. Yeruzalemu âkaz’iderhwa mpu: Cishagala c’obushinganyanya, naye Siyoni, era ntondo yâni, êkaz’iderhwa Ntondo ntagatîfu”.

RUTI 2:4

N’oku Bwozi acishubûka, arhenga e Elimeleki, abwîra abasârûzi, erhi: «Nyakasane abè haguma ninyu!» Nabo bashuza, mpu: «Nyamubâho akugishe!»