Yeremiya 31:2 - BIBLIYA NTAGATIFU OMU MASHI

² Ntya kwo Nyakasane adesire: Omu irungu, nayêrekîne olukogo lwâni erhi olubaga lufuma engôrho. Lêro Israheli akola âlama n’omurhûla.

Yeremiya 31:2 ပူးပေါင်းရင်းမြစ်များ

Ennanga 78:52

Oku àyishaga atunda olubaga lwâge nka bibuzi, abageza omu mpinga nka busô bwa bibuzi.

Ennanga 95:11

Nacigasha muli obwo burhè, nti: «Barhâlabarhe omu iluhûkiro lyâni.»

Lubungo 1:16

«Nka mwabusa abakazi b’Abayahudi, mukâlola bwinjà, aciri oku ncingo, mwâna muci obusirwe. Akabà mwâna-rhabana, munamuyîrhe; akabà mwâna-nyere, munamuleke alame.»

Lubungo 1:22

Faraoni mwâmi w’e Mîsiri kwo kurhegeka abantu bâge boshi, erhi: «Ngasi mwâna-rhabana waburhwe, munamulohe erwîshi, ci ngasi mwâna-nyere munaleke alame».

Lubungo 12:37

Bene-Israheli bàgenda kurhenga e Ramusesi kuhika e Sukoti, hôfi bihumbi magana gali ndarhu bya bagenzi b’amagulu, balume buzira kuganja abâna.

Lubungo 2:23

Erhi nsiku nyinji zigera, omwâmi w’e Mîsiri afà. Mwo bulya bujà bwâbo, bene-Israheli balakira Nyamuzinda, babanda endûlù, na kurhenga omu bujà bwâbo, endûlù yâbo yasôkera emwa Nyamuzinda.

Lubungo 33:14

Nyakasane amubwîra, erhi: «Akabà orhayishiri wêne niene nayisha ngendikuha amarhamûko».

Lubungo 5:21

Bababwîra, mpu: «Lêro Nyakasane yêne alolage analutwe: Faraoni mwâmi w’e Mîsiri na bambali bâge barhacikalonza barhulolekwo erhi mwe murhuma; yabirage ngôrho mwabafumbisire mpu barhunige.»

Yeremiya 2:2

«Ogende, oyakûlize ebi binwa omu kurhwiri kwa Yeruzalemu. Ntya kwo Nyakasane adesire: Namâkengêra oku wantonyagya erhi ociri murhò, oku wanzigiraga amango nakâgikusheba, wakazinshimba omu irungu, omu ishwa lirhajâmwo mburho.

Ezekiyeli 20:35

Nâmuhêka omu irungu ly’amashanja, mmutwîremwo olubanja, busù oku busù.

Hozeya 11:4

Nakàbarhogoza, nakàbashishiriza n’obuzigire; kuli bo kwo naliyôsire nka kula omulezi w’akabonjo akazikanûnugurha omu irhama, na­ kaziyûnamîra emunda ali namuhà ebi àlya.

Mibalè 10:33

Amango barhengaga oku ntondo ya Nyamubâho, bajira nsiku isharhu, bagenda, na muli olwôla lugendo lw’ensiku isharhu, omucîmba gw’amalaganyo ga Nyamubâho gwajà gwabashokolera, gwajà gwabalongeza aha barhamukira.

Mibalè 14:20

Nyamubâho anacishuza, erhi: «Nababaliraga nk’okwôla onasengire;

Mateyo 11:28

«Yishagi emwâni mweshi, mwe mudwîrhe mwababala munazidohîrwe, nâni nammurhûliriza.

Lushika 1:30

Nyamubâho, Nyamuzinda winyu ye kazimushokolera ye wanamulwîra kandi nka kulya mwabonaga amulwîra e Mîsiri.

Lushika 1:33

N’obwo ye wali omushokolîre omu njira, kuderha mpu amulongeze aha mwahanda, budufu akazimushokolera nka muliro lyo mubona aha mwagera, na mûshi akazimushokolera nka citù.

Lushika 12:9

kulya kubà murhacihika aha baluhukiro n’oku kashambala Nyamubâho, Nyamuzinda wâwe akuhîre.

Lushika 2:7

Bulya Nyamubâho, Nyamuzinda wâwe, akugishire omu mikolo yâwe yoshi; ashimbûlira olugendo lwâwe muli olya nnakagali w’irungu. Lâba oku ekola myâka makumi anni enôla erhi na Nyamubâho, Nyamuzinda wâwe anali haguma nâwe: ntà kantu wabuzire».

Lushika 8:16

Ye wakuyikulizagya omu irungu n’amâna, biryo basho barhayishi, kuderha mpu akujire mwîrhohye, mpu arhangikurhangula abulikujirira ebinja wâsima.

Yozwe 1:13

«Mukengêre birya Mûsa, omurhumisi wa Nyakasane amurhegekaga galya mango ababwîraga erhi: Nyakasane Nyamuzinda winyu, abahire okuluhûka, anabahîre eci cihugo.