Yeremiya 31:15 - BIBLIYA NTAGATIFU OMU MASHI

¹⁵ Nyakasane ashubiriderha erhi: «Kurhenga e Rama, izù lyâyumvikana, mirenge ya burhè. Rasheli oyo walakira abâna bâge; arhalonza ciru arhûlirizibwe bulya abâna bâge bafîre.

Yeremiya 31:15 ပူးပေါင်းရင်းမြစ်များ

Murhondêro 35:19

Rasheli anacifà, abishwa oku njira y’e Efrata, ahaderhwa mpu ho Betelehemu.

Murhondêro 37:35

Bagala bâge na bâli bâge boshi bakaz’iyisha bal’imurhûliriza, ci kwône arhalonzagya okurhûlirizibwa, ederha, erhi: «Nayôrha ndi omu mishîbo kuhika nyandagalire ekuzimu, emunda mugala wâni ali».

Murhondêro 42:13

Bamushuza, mpu: «Bambali bâwe bali ikumi na babirhi, boshi balondana, boshi baburhwa n’îshe muguma, ayûbaka omu cihugo c’e Kanâni: Omuziba gwîrhu gwo gwasigire bo na larha, hali na muguma orhacihabà».

Murhondêro 42:36

Îshe Yakôbo abashuza, erhi: «Mwamanyusagya abâna mushâna! Yozefu arhacihaba, Simoni arhàcihali, na Benyamini oyûla mukolaga mpu murhôle! N’okwo kwoshi nie kurhindibuzîze».

Murhondêro 5:24

Bulya Enokh alilusîbwe na Nyamuzinda, arhaciberaga eno igulu. Nyamuzinda amuhêka.

Ayubu 7:21

K’orhankalembera okwo nakugayisize, k’orhankabwikira obwo bubî bwâni? Bulya kandi kasanzi kasungunu erhi nkola ngwîshîre omu katulo, wacinnonza obugane ntacihabà!

Ennanga 37:36

Erhi nshub’igera erhi erhacihali, nti nnonza, lêrhaga!

Ennanga 77:2

Nnâmahanga nayâkûza obu nakûbiriza ntya, ye ndwîrhe nayâkûza nti anyumve nâni.

Izaya 10:29

Bamâyikira omugezi, mpu: «Aha Geba ho rhwahanda!» Rama amageramw’omusisi; Gibeya, cishagala ca Saulu, amâkûl’idârhi.

Izaya 22:4

Co carhumaga nderha, nti: «Murhandolagakwo, muleke ndake ndakûle! Murhacîrhamagya mpu mwantûliriza kw’obu buhanya bwarhogîre mwâli w’olubaga lwâni».

Yeremiya 10:20

Ihêma lyâni balishâbire emigozi yâni yoshi bayitwîre. Abâna bangenzire boshi: ntâye ocihali. Harhaciri ciru omuntu w’okuyimânika ihêma.

Yeremiya 40:1

Akanwa Yeremiyahu abwîragwa na Nyakasane, amango Nebuzardani, murhambo w’abalâlîzi amuhulusagya mpu arhenge e Rama, eyo munda, ali amukûzire omu bandi, erhi ali mushwêkere omu karhî k’empira z’e Yeruzalemu zoshi n’eza Yûda zahekagwa e Babiloni.

Ndûlù 5:7

Ababusi bîrhu bakolaga ago mabî barhacibâho, ci kwône rhwe rhukolaga rhubarhwîre amaligo haguma n’amazibu g’obugoma bwâbo.

Ezekiyeli 2:10

Anacicibungûlira embere zâni: càli ciyandike olunda n’olundi; càli ciyandikekwo: «Ndûlù, njamu, mirenge!»

Yozwe 18:25

Gabaoni, Rama, Beeroti,

Bacîranuzi 4:5

Akazâgitwîra emmanja aha nkingi ederhwa ya Debora, ekarhî ka Rama na Beteli, omu ntondo y’Efrayimu, na bene Israheli bakazisôkera e­ mwâge, bagend’itwîra olubanja.

1 Samweli 7:17

Buzinda bwaho anashubira e Rama, ho enyumpa yâge yabaga, erhi n’aho anakagirhegekera Israheli, aliyûbasireho oluhêro lwa Nyamubâho.