Yeremiya 31:11 - BIBLIYA NTAGATIFU OMU MASHI

¹¹ “Bulya Nyakasane ayôkwîre Yakôbo, àmufumya kw’abamulushire miîsi”.

Yeremiya 31:11 ပူးပေါင်းရင်းမြစ်များ

Ennanga 142:6

We nyâkûzize, Yâgirwa; We nabwîra, wêne lwâkiro lwâni, Weri gwâni mwanya mw’er’igulu ly’abazîne.

Lubungo 15:16

Ecôbà n’omisisi byàbarhogera; oku buhashe bw’okuboko kwâwe bàguguma, bàrhungwa, kuhika olubaga lwâwe lugere, Yâgirwa, kuhika lugere olubaga wêne wayôkolaga.

Izaya 44:23

Muband’empundu, mwe malunga, bulya Nyakasane akozire akirumè! Mukome kagasha, mwe nyenga z’ekuzimu! Mubande orhubûli, mwe ntondo, ninyu mwe mizirhu n’emirhi emmubâmwo! Bulya Nyakasane ayôkwîre Yakôbo, ayêrekîne irenge lyâge omu Israheli.

Izaya 48:20

Rhengi omu Babiloni, muyâke Abanya-Kaldeya! Mubande orhubûli rhw’omwîshingo, muyâlîze munamanyîse ogu mwanzi; mugulumîze kuhika emunda igulu lihekera muderhe mpu: «Nyakasane ayôkwîre Omurhumisi wâge Yakôbo!»

Izaya 49:24

K’entwâli bakayirhôla omunyago gwâyo? K’omushwêkwa ankacîkûla omu maboko g’owamuhiraga omu mpamikwa?

Izaya 49:25

Kwo adesire ntyâla Nyakasane: «Nêci, omushwêkwa w’entwâli amâkûlwa omu maboko, na ciri-misî arhôlwa omunyago gwâge. Niehe nkola nalwîsa abanzi bâwe, abâna bâwe niene nabalîkûza.

Izaya 51:11

Abalîkûzibagwa na Nyakasane bâyish’igaluka, bâyish’ijà omu Siyoni erhi banayisha babanda orhuhababo rhw’obushagaluke, n’obusîme bw’ensiku n’amango bwamoleka amalanga gâbo; obushagaluke n’omwîshingo byâbayunjula, amalibuko n’endûlù byâhirigirha.

Yeremiya 15:21

Nâkukûla omu nfune z’ababisha, nnankugule orhenge omu nfune za baciri-misî.

Yeremiya 50:33

Ntya kwo Nyakasane Nyamuzinda w’Israheli adesire: «Bene Israheli na bene Yûda bàlibuzîbwe. Ababalulizagya babagwâsire buzibu, balahîre okubalîka.

Yeremiya 50:34

“Niono, Mufungizi wâbo, ndi muzibu, nie Nyakasane w’Emirhwe. Nafumbarha niene olubanja lwâbo, lyo ndêrha omurhûla omu igulu, n’akashâbo omu bantu b’e Babiloni”».

Ndûlù 3:58

We wambulânire, Nyakasane waciza obuzîne bwâni.

Hozeya 13:14

Ka nâbarhenza ekuzimu? Ka nâbaciza oku lufù? Lufù we, ngahi cihûsi wâwe ali? Nn’ekuzimu we, ngahi ibala lyâwe liri? Olukogo Lu­mpwîre ebusù.

Zakariya 9:16

Nyakasane Nyamuzinda wâbo yêne wâbayôkola olwo lusiku; ayish’iyâbula olubaga lwâge n’igulu, bânashushe nka magerha marhunge ganali mashoneke.

Mateyo 12:29

“Kurhi omuntu ankajà omu nyumpa y’omulume ogwêrhe emisî anamunyage, nka arharhenzir’ishwêka oyo mulume w’emisî? Na buzinda anayish’imunyaga”.

Mateyo 20:28

Nk’oku Mwene-omuntu arhayishaga mpu akolerwe, ci akolere abandi, anahâne obuzîne bwâge mpu lyo acungula banji».

Mateyo 22:29

Yezu erhi acibashuza, ababwîra, erhi: «Muhabusire erhi kuhaba Amandiko n’obuhashe bwa Nyamuzinda kurhuma.

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.