Yeremiya 30:22 - BIBLIYA NTAGATIFU OMU MASHI

²² “Mwashubibà lubaga lwâni nâni nayîshiba Nyamuzinda winyu”.

Yeremiya 30:22 ပူးပေါင်းရင်းမြစ်များ

Lubungo 6:7

Nammuyankirira nka lubaga lwâni, nâni mbè Nyamuzinda winyu. Mwamanya oku nie Nyakasane, Nyamuzinda winyu, ommukûzire omu mikolo midârhi y’e Mîsiri.

Lwimbo 2:16

Muzigirwa wâni ali wâni, nâni ndi wâge. Mwo ayâbulire obusò bwâge omu karhî k’obwâso bwa lisi.

Yeremiya 11:4

“binwa narhegekaga basho olusiku mbakûla omu cibeye, omu cihugo c’e Mîsiri”». Nababwîra nti «muyumve izù lyâni; munajire ngasi kwoshi nâkamurhegeka lyo mubà lubaga lwâni, nâni mbè Nyamuzinda winyu.

Yeremiya 24:7

“Nâbahà omurhima gw’okumanya oku nie Nyakasane, bâbà lubaga lwâni, nâni nâbà Nyamuzinda wâbo, bulyâla banshubîrira n’omurhima gwâbo gwoshi”

Yeremiya 31:1

Mw’ago mango-kwo Nyakasane adesire -Nâbà Nyamuzinda w’emilala yoshi y’Israheli. Nabo babè lubaga lwâni.

Yeremiya 31:33

Lôlagi amalaganyo nâyishifundika na bene Israheli muli ago mango -Kwo Nyakasane adesire- Nâbahebamwo amarhegeko gâni, ngayandike omu mirhima yâbo. Nâbà Nyamuzinda wâbo, nabo lubaga lwâni.

Yeremiya 32:38

“Babè lubaga lwâni, bulya nie Nyamuzinda wâbo”.

Ezekiyeli 11:20

lyo bahashishimba amarhegeko gâni, banalange engeso zâni, banazishimbe. Ntyôla bâbà lubaga lwâni nâni mbè nie Nyamuzinda wâbo.

Ezekiyeli 36:28

Mwajiyûbaka ecihugo nahâga basho, mwajiba lubaga lwâni, nâni mbè nie Nyamuzinda winyu.

Ezekiyeli 37:27

Ecihando câni cabêra ekarhî kâbo, nâbà Nyamuzinda wâbo, nabo babè lubaga lwâni.

Hozeya 2:23

Mw’olwo lusiku, - kanwa ka Nyamuzinda, - nâshuza omu mpingu, nabo bashuze omu igulu.

Zakariya 13:9

“N’olwo lubero luguma lwâsigala, nâbarhalika oku muliro lyo mbanûbula kula omuliro gunûbula amasholo n’amarhale. Okubundi bâkaz’inyêrekeza omusengero gwâbo nâni mbayumvîrhize. Nâkaz’ibabwîra nti: Lubaga lwâni, banayêmêre, mpu: Nyakasane ye Nyamuzinda wîrhu.”»

Zakariya 8:8

Nabagalula mbakûle eyo munda, bayish’ibêra e Yeruzalemu. Babè lubà­ga lwâni nâni mbè Nyamuzinda wâbo. Nârhegeka ekarhî kâbo omu bushinganyanya n’omu bwimâna.»

Mateyo 22:32

Nie Nyamuzinda w’Abrahamu, Nyamuzinda w’Izaki na Nyamuzinda wa Yakôbo? Arhali Nyamuzinda wa mifù, ci wa bagumagumà!»

Bahabraniya 8:10

Alaga endagâno nalagâna n’enyumpa y’Israheli enyuma ly’ezo nsiku, kwo Nyakasane adesire: Nâhira amarhegeko gâni omu nkengêro zâbo, mbayandikego omu mirhima, nnambè Nyamuzinda wâbo, nabo babè bantu bâni.

Mafulûlo 21:3

Nayumva n’izù linene lyarhenga ebwa ntebe, lyaderha, erhi: «Alagi ecirâlo ca Nyamuzinda bo n’abantu: akolaga ahanda haguma nabo, babè lubaga lwâge, naye Nyamuzinda yêne abè haguma nabo».