Yeremiya 3:6 - BIBLIYA NTAGATIFU OMU MASHI

⁶ Oku ngoma ya Yoshiyahu, Nyamubâho ambwîra erhi ka wabwîne ebi olya mugoma Israheli akozire? Ajire oku ngasi ntondo elengerîre na hali ngasi murhi mubishi, abàragirayo.

Yeremiya 3:6 ပူးပေါင်းရင်းမြစ်များ

1 Bâm 14:23

Nabo bayûbaka empêro omu birhwa, bagwîka amabuye n’orhugombe oku ngasi hirhondo n’idako lya ngasi murhi mubishi.

2 Nganîro 34:1

Yoshiyahu ali akola agwêrhe myâka munâni erhi abà mwâmi, ayîma myâka makumi asharhu na muguma ali mwâmi aha Yeruzalemu.

Ennanga 106:39

Nabo bône bahemuka n’ebi bakazâg’ikola, bacîshûbula n’ebijiro byâbo.

Izaya 57:3

Ci mwêhe muyegere hano, aba bâna b’omukazi mukurungu, er’iburha lya citwamba n’ecishungu!

Izaya 57:7

Oku ntondo nnene enalihûsire kwo wajir’itwa encingo yâwe! N’eyôla munda yo okaz’isôkera okwôla waj’irherekêra!

Yeremiya 1:2

Akanwa ka Nyakasane kamurhindakwo oku ngoma ya Yoshiyahu, mwene Amoni, mwâmi w’e Yûda, omu mwâka gwa kali ikumi na kasharhu gw’obwâmi,

Yeremiya 11:10

Bashubirire amaligo ga b’îshe, balahiraga mpu barhayumva ebinwa byâni: b’abôla bakulikîre banyamuzinda b’obwîhambi mpu babè bo bakolera. Enyumpa y’Israheli n’enyumpa ya Yûda bavunyire omu binwa by’endagâno rhwalagânanaga rhwe na b’îshe.

Yeremiya 17:2

bulyâla bagala bâbo banacikengere empêrero zâbo n’emirinzi yâbo aha burhambi bw’emirhi mibishi oku ntondo ndîrî.

Yeremiya 3:8

Abwîne n’oku nahulusa Israheli w’omugoma, erhi malala gâge garhuma, nanamufumbasa amaruba g’okuyêrekana oku namuhulusize, N’omulumuna Yûda w’ecirala, arhanarhînyaga, aka akanya naye ajicîshûbula.

Yeremiya 31:22

“Kuhika mangaci lyo ohiga ebishingânîne, oyu mwânanyere w’ecigamba? Bulya Nyakasane ânaleme ebihyâhya omu igulu: Omukazi yekola wakazilonza omulune”».

Yeremiya 5:11

Yandenganyize oku balenganya enyumpa ya Israheli n’eyumpa ya Yûda, Yekudesire Nyamubâho.

Yeremiya 7:24

Cikwône, aye, bàrhumvirhizagya barhanarhegaga okurhwiri, bôhe bakulikira oluhengu lw’omurhima gwâbo mubî, bampà ebirhugo ahâli h’okunyêrekera.

Ezekiyeli 16:31

Erhi wayûbakaga omusinga aha mashango ga ngasi njira, amango wajàga wayûbaka empêro ngasi hantu, orhali ciru nka mukazi muhemusi owajà walonza oluhembo.

Ezekiyeli 16:35

Ewani! mukazi muhemusi, yumvagya akanwa ka Nyamubâho.

Ezekiyeli 20:28

Kurhanarhumaga obwôla ntabahisa muli cirya cihugo nalagânaga n’endahiro oku nâbahà co. Babwîne­ mwo orhurhondo rhwa ngasi lubero rhulengerîre, emirhi ya ngasi lubero eyu­njwîre byâsi, banagend’irhererekêrerayo, banahânirayo entûlo zâbo z’oku­nshologosa, banadêkereza ho obukù bwâbo bw’okurhûliriza banabulagiraho enterekêro yâbo y’embulaga.

Ezekiyeli 23:11

Mulumuna wâge Oholiba ye wali muhamîrizi, ci naye iralà lyâge n’obuhemusi bwâge byàlushîsa, byasârhaza kulusha ebya mukulu wâge.

Ezekiyeli 23:4

Alaga amazîno gâbo: Ohola lwo lubere, Oholiba ye mulumuna wâge. Banacibà bâni bakaziburha abânarhabana n’abânanyere. Amazîno gâbo gadesire oku Samâriya ye Ohola, Yeruzalemu ye Oholiba.

Hozeya 11:7

Olubaga lwâni lwalwala obugoma; badwîrhe bashenga Baali, ci kwône arhabazùse.

Hozeya 4:13

Oku busôngerwe bw’entondo kwo barherekêrera, oku rhurhondo kwo bayôkera entûlo zâbo, idako ly’emirhi y’emishebeye, emitudu, n’enterebinta, mpu ho hali ecîhôho. Co cirhumire, akabà bâli binyu ziri mbaraga, akabà bâlikazi binyu bali bagonyi,

Bacîranuzi 2:17

Na ciru barhayumvagya abo bacîranuzi bâbo, bulya kurharhumaga barhakazicîhêka emwa banyamuzinda b’embuga n’okukazibaharâmya. Barhenga duba duba muli erya njira bîshe wâbo bali bashimbire omu kukulikira amarhegeko ga Nyakasane; bôhe barhacijiraga akâbo.