Yeremiya 3:16 - BIBLIYA NTAGATIFU OMU MASHI

¹⁶ N’amango mwâbà mwayôlolisire mwanalehekera mw’eco cihugo, ago mango, Nyakasane akudesire, barhaciderhe mpu: «ngahi omuciîmba gw’amalaganyo ga Nyakasane guli». Barhâgugerêreze, barhâgukengêre, barhakanacibinja gundi.

Yeremiya 3:16 ပူးပေါင်းရင်းမြစ်များ

Izaya 60:22

Owali munyi lêro akola aj’ibà bihumbi n’owali munegeshe lêro akola aj’ibà ishanja lizibuzibu. Nie ono, Nyakasane, hano amango gahika, okwôla nakujira oku iri­ ndo liguma.

Izaya 61:4

Bâshub’iyûbaka ebyali bikola bigûkà, bashub’iyimanza enyumpa za bashakulûza bâbo zàli erhi zaho­ngosire; bâshub’iyûbaka engo zàli erhi zashabûsire n’enyumpa z’abantu b’amâburhwa ga mîra.

Izaya 65:17

Alà oku nkola nalema amalunga mahyâhya n’igulu lihyâhya; barhakacikengera ebyàgezire, barhakacibiyîbuka bundi.

Yeremiya 3:17

Ago mango, Yeruzalemu bakazimuderha «Ntebe ya Nyakasane», mwo amashanja goshi gabugânana, oku izîno lya Nyakasane; garhânacizige gahârhanwa n’omurhima gwâbo mubî.

Yeremiya 30:19

“Omwo mwarhenga emisengero y’okuvuga omunkwa n’izù ly’abashagalusire lyâshakanya. Nâmuluza, lêro murhakacinyîha. Nâmukengêsa, lêro murhakacigayaguzibwa”.

Yeremiya 31:27

Ensiku ziyîruka, kwo Nyakasane adesire, nayâliza abantu n’ebintu omu bûko bwa Israheli, n’ebwa Yûda nka kula banagalagaza emburho omu ndikè.

Yeremiya 31:8

Nâbashûbûza kurhenga omu cihugo c’enjira nyanya, n’ambahuluza kurhenga emahanga g’igulu. Bo balimwo emihûrha n’enkunagizi, abakazi bali nda, n’abazîre, boshi haguma, olubaga lwâni lugaluke oku lwanali.

Yeremiya 7:4

Murhashimbaga ebinwa by’obunywesi mpu «engombe ya Nyakasane eyo, engombe, engombe ya Nyakasane eyo, engombe ya Nyakasane eyo».

Ezekiyeli 15:5

Ciru n’amango lwaciri lugumagumà ntâco bankabinjiremwo; lêro amango lwamasingônoka na omuliro, ka bankacikûlamwo akantu?

Ezekiyeli 37:26

Nâjira endagâno y’omurhûla rhweshi nabo, yâbà ndagâno y’ensiku n’amango nâbadêkereza nambaluze, nampire endâro yâni ekarhî kâbo ensiku zoshi.

Amosi 9:9

«Bulya nkola nârhegeka, ndundaganye n’enyumpa y’Israheli ekarhî k’amashanja goshi nka kula banashebulira oku kayungulo n’ehibuye hitya hirharhogere oku idaho.

Sofoniya 3:11

«Olwo lusiku, we lubaga lwâni, orhakaciyumva nshonyi oku mabî gâwe goshi, oku byâha byâwe byoshi wanjirire; bulya bala boshi bayunjulira bucîbone, nâbakûla ekarhî kâwe, onaleke obwo okukâminira oku ntondo yâni ntagatîfu.

Mateyo 1:11

Yoziyasi anaciburha Yekoniya n’abalumuna, erhi bali omu bujà bw’e Babiloni.

Mateyo 3:9

“Murhacibwîraga mwene na mwene, mpu”: “Kali larha ye Abrahamu”; bulya Nyamuzinda, mugala-byoshi, anakûla abâna b’Abrahamu muli aga mabuye.