Yeremiya 29:25 - BIBLIYA NTAGATIFU OMU MASHI

²⁵ «Ntya kwo adesire Nyakasane w’Emirhwe, Nyamuzinda w’Israheli: kulya kubà wa­rhumire amaruba oku buhashe bwâwe wêne, wagarhumira olubaga luli e Yeruzalemu lwoshi, n’omudâhwa Sefaniya, mwene Maseya, n’abadâhwa bo­shi.

Yeremiya 29:25 ပူးပေါင်းရင်းမြစ်များ

2 Bâm 19:14

Yezekiyahu erhi ayusirhôla amaruba ga zirya ntumwa, anacigasoma; okuhandi Yezekiyahu anacisôkera ebwa ka-Nyamuzinda, abungûlira galya maruba embere za Nyamubâho.

2 Bâm 19:9

Cikonene erhi anayumvirhâge omwanzi guyêrekîre Tirhaka, mwâmi w’e Etiyopiya; banaci­ mubwîra mpu: «Alà oku ayishire ali kulwîsa». Anacirhuma kandi ezindi ntumwa emunda Yezekiyahu ali, erhi:

2 Nganîro 32:17

Kandi omu kujà ajâcira Nyamubâho, Nyamuzinda w’Israheli, n’omu kujaderha ebinwa bigalugalu kuli Nyamubâho, ayandika aga maruba gadesire ntyâla: «Nka kulyâla banyamuzinda b’amashanja gali omu bihugo, barhahashaga okuyôkola olubaga lwâbo omu kuboko kwâni, kwo na kuguma, nyamuzinda wa Yezekiyahu arhahashe okuyôkola olubaga lwâge omu kuboko kwâni.»

Nehemiya 6:17

Muli ago mango baguma b’omu Buyahudi, bayûshûla okuyandikira Tobiya, naye Tobiya akaz’ibagalulira amashuzo.

Nehemiya 6:19

Bakazâg’iyôrha baderha ebijiro byâge binjà n’engeso zâge nyinjà embere zâni banabul’igend’imubwîra oku naderhaga. Tobiya akaz’intumira amaruba g’okunyôbohya.

Nehemiya 6:5

Oku lwa karhanu, Sanbalati anacintumira omwambali kuli okwo erhi adwîrhe n’amaruba mabungûle.

Yeremiya 29:1

Alaga ebinwa n’amaruba omulêbi Yeremiyahu arhumaga kurhenga e Yeruzalemu, agarhumira abazinda b’omu barhanzi bahêkagwa mpira, abadâhwa, abalêbi n’olubaga lwoshi Nabukondonozori ahêkaga mpira e Babiloni kurhenga e Yeruzalemu.

Yeremiya 29:29

Omudâhwa Sefaniya ali asômîrwe n’aga maruba erhi n’omulêbi Yeremiyahu anahali.

Yeremiya 37:3

Mwâmi, Sedekyahu arhuma Yukali, mugala wa Shêlemiya, bo n’omudâhwa Sefaniya, mugula wa Maseya, emunda omulêbi Yeremiyahu ali mpu bamubwîre, erhi: «Mâshi yâga, orhusengerere emunda Nyakasane Nyamuzinda wîrhu ali».

Yeremiya 52:24

Oyo murhambo mukulu w’enganda ashwêka omudâhwa mukulu Seraya, bo n’omukulikire Sefaniya haguma n’abadâhwa basharhu balanzi b’omuhango gw’aka-Nyamuzinda.

Ebijiro 9:2

amuhûna amaruba g’okujà omu sinagogi z’e Damasi, mpu akabona abâli mw’eyo Njira, akabà balume, akabà bakazi, abalêrhe bashwêke e Yeruzalemu.