Yeremiya 29:22 - BIBLIYA NTAGATIFU OMU MASHI

²² “Barhengakwo omugani gw’okuhehêrera gukazikolêsibwa na balya bo­ hi bahêsirwe mpira, kurhengera Yûda kujà e Babiloni mpu: Nyakasane akujire aka Sidikiyahu na Ahabu, bo bayôcibagwa n’omwâmi w’e Babiloni”.

Yeremiya 29:22 ပူးပေါင်းရင်းမြစ်များ

Murhondêro 48:20

Olwo lusiku abagisha ntya: «Mwoyo mwe Bene Israheli bakaz’igisha omu kuderha izîno linyu, mpu: “Nyamuzinda akujire aka Efrayimu na Menashè”». Abà Efrayimu ye aheba embere za Menashè.

Ennanga 102:8

Nacibêrire nie Karhahunga, nie Nyamulakà, kula akanyunyi kasigala kône-kône oku nyumpa.

Izaya 65:15

Mwâsiga izîno linyu liyôrhe ndahiro y'abîshogwa bâni, bâkaz'iderha, mpu: «Nyakasane Nyamubâho akakurhingamira!» Ci abarhumisi bâge âkabaderha omu lindi izîno.

Daniyeli 3:21

Oku bundi, abôla bantu haguma n’ebishûli byâbo n’orhubutura rhwâbo n’ensirha zâbo n’eyindi myambalo yâbo banacibaziriringa banabà­kwêba omu ndugurhira y’omuliro.

Daniyeli 3:6

Ngasi yeshi orhakumbiri bûbi n’okulahira okuyiharâmya ayishikwêbwa ho na halya omu ndugurhira y’omuliro.»

1 Bakorinti 16:22

Orhazigira Nyakasane, akahera! «Maran atha!» Nyakasane ayisha!

RUTI 4:11

Olubaga lwàli halya muhango kuguma n’abagula bàhali baderha, mpu: «Rhuli bahamîrizi! Nyamubâho agishe oyo mukazi wajà omu mwâwe, abè aka Rasheli n’aka Lea, bo babirhi bayûbakaga omulala gw’Israheli! Ogalire omu Efrata, onajè irenge omu Betelehemu!