Yeremiya 29:19 - BIBLIYA NTAGATIFU OMU MASHI

¹⁹ “Kwo kuderha oku barhayumvîrhizagya ebinwa byâni, kanwa ka Nyakasane, n’obwo nakazîribarhumira buzira kurhama, abambali bâni b’abalêbi, cikwône barhabayumvîrhizagya, kanwa ka Nyakasane”.

Yeremiya 29:19 ပူးပေါင်းရင်းမြစ်များ

Yeremiya 25:8

Co cirhumire aderha ntya Nyakasane Nyamuzinda w’Emirhwe: Kulya kubà murhayumvîrhizagya ebinwa byâni,

Yeremiya 26:5

“n’omu kurhegêra ebinwa bya bambali bâni b’abalêbi, ncidwîrhe nacirhamya okumurhumirabo n’obwo murhabayumva”,

Yeremiya 32:33

“Banyêrekeza omugongo banfulika obusù bwâbo, n’erhi mbahugûla, ntâye wantezire amarhwîri mpu ciru ayumve ebi ndwîrhe nabahanûla”.

Yeremiya 34:17

“Co cirhumire Nyamuzinda aderha, erhi: Bulya murharhumikiraga erhi mbahûna nti ngasi muguma âkûle mwene wâbo omu bujà, nkolaga nâcîhindulirla mwe. Nâmukululira ebyôji, ecizombo n’ecihûsi. Nkola nâmuhindula bishahu by’abandi bâmi b’en’igulu”.

Yeremiya 44:3

Amabî bàjizire g’okungayîsa go gàrhumire, kulya kugendigashâniza n’okukolera banyamuzinda b’obwîhambi b’emwa bene, balyâla bône barhayishi n’ôli mwe n’ôli basho.

Yeremiya 6:19

Oyumve igulu! Lâba oku ndwîrhîre olu lubaga obuhanya bugoma bwâbo bukudwîrhe, bulyâla ebinwa byâni barhabirheziri kurhwiri, n’irhegeko lyâni bàligayaguzize.

Yeremiya 7:13

Na bunôla, kulya kubà lwakozire ago maligo goshi, kanwa ka Nyakasane, kulya kubà murhayumvagya erhi nkazimubwîra bwaca bwayira, namuhamagala murhanashuzagya,

Bahabraniya 12:25

Mumanye mwankabula kwayumvirhiza izù ly’Oyo waderha. Bulya, akabà balya bàlahiraga okuyumva izù ly’oyu wabahanûlaga en’igulu bàrhafumaga obuhane, kuziga rhwêhe ntâkwo rhwankafuma, erhi rhwakagomera Oyo odwîrhe warhuhanûla kurhenga empingu.