Yeremiya 28:8 - BIBLIYA NTAGATIFU OMU MASHI

⁸ Abalêbi bàrhushokoleraga, w’oyo na nâni, kurhenga mîra bàdesire eby’obulêbi biyêrekîre bihugo binji na mâmi garhali manyi, byantambala n’amahanya n’ecahira:

Yeremiya 28:8 ပူးပေါင်းရင်းမြစ်များ

1 Bâm 17:1

Eliya w’e Tishibiti omu Galadi abwîra Ahabu erhi: «Nyakasane Nyamuzinda w’Israheli, oyu nkolera, ye ndahîre. Mw’eyi myâka yoshi, harhabà lumè, harhabè nkuba nka ntacikuderha.»

1 Bâm 22:17

Omulêbi anacishuza, erhi: «Namâbona bene Israheli boshi bashandabanyire oku ntondo nka bibuzi birhagwêrhi mungere; na Nyakasane amâderha erhi: Bala bantu barhagwêrhi nnawâbo; bagaluke n’omurhima ngasi muguma omu mwâge.»

1 Bâm 22:8

Omwâmi w’Israheli anacishuza Yozafati erhi: «Haciri omuntu rhwankahash’idôsa ebya Nyakasane; cikwônene ntahimwa kumushomba bulya arhalêba bintu binjà kuli nie, ci ngasi mango bibî byônene. Ye Mikayehu, mugala wa Yimula». Yozafati anaciderha erhi: «Mwâmi amanye arhaderhaga ntyôla.»

Izaya 13:1

Obulêbi buyêrekîre Babiloni Yeshayahu, mwene Amotsi abonaga.

Izaya 13:18

Emiherho yamalîra abâna bâbo b’emisole, barhayumva bwonjo oku mburho y’omu nda, barhafe abâna barhò lukogo.

Amosi 1:1

Ebinwa bya Amosi. muguma muli balungere b’e Tekowa, ebi àbwîne biyêrekîre Israheli oku ngoma ya Oziyasi w’e Yûda, n’oku ngoma ya Yerobwâmi, mugala wa Yowasi, mwâmi w’Israheli, myâka ibirhi embere amango igulu lyageragamwo omusisi.

Amosi 1:2

Anaciderha, erhi: «Nyamuzinda amakungulira e Siyoni, amâyumvîsa izîno lyâge kurhenga e Yeruzalemu, obulambo bw’abangere bukola omu mishîbo, obusongerwe bwa Karmeli bwamâyûma».

Yônà 3:1

Akanwa ka Nnâmahanga kanacirhindakwo Yônà obwa kabirhi, erhi: