Yeremiya 26:15 - BIBLIYA NTAGATIFU OMU MASHI

¹⁵ Cikwône mumanye bwinjà oku mukanyîrha, erhi na mukò mwêru kwêru mucîhebirekwo, mwaguheba kuli olu lugo n’oku bantu balubâmwo. Kulya kubà, buzira kubêsha, Nyakasane wantumaga emunda muli, mpu ebi binwa byoshi biderherwe omu marhwiri ginyu.

Yeremiya 26:15 ပူးပေါင်းရင်းမြစ်များ

Murhondêro 4:10

Amushuza, erhi: «Bici ebi wamajira? Izù ly’omukò gwa mulumuna wâwe lyamanyakûza kurhenga okw’idaho.

Murhondêro 42:22

Rubeni ababwîra, erhi: «Yâgi, ka ntamubwîraga nti murhahîraga mukajirira omwâna okubî? Murhananyumvagya, rhwono rhwadôsibwa omukò gwâge».

2 Bâm 24:4

ci na ecindi carhumire, guli gulya mukò gw’abêru kwêru abulagaga kuhika Yeruzalemu ayunjula mukò gw’abêru kwêru. Nyamubâho arhali alonzize okubabalira.

2 Nganîro 24:22

Yoash arhacikengeraga bulya buzigire Yehoyada ali amugwêrhekwo, ye oligi îshe wa nyamulêbi, anaciyîrha omugala. Oyu mulêbi erhi akola afà aderha erhi: «Nyamubâho yêne acîbonere alole kwo kurhi oku!»

Migani 6:16

Ebi Nyakasane ashomba biri ndarhu, n’ebi omurhima gwâge gurhabonakwo biri nda:

Migani 6:17

Amasù gw’omuntu ogayana, olulimi lw’omunywesi enfune zibulaga omukô gw’omuntu mwêru-kwêru;

Yeremiya 2:30

Nashûsire bagala binyu, barhanayankiriraga ihano: engôrho yinyu yamulya abalêbi, nka ntale yahaha.

Yeremiya 2:34

Ciru n’omu nfune zâwe muli omukò gw’abêru-kwêru: bantu orhagwâsire babasa olumvi! Bacikudôsa ogw’abôla boshi.

Yeremiya 22:17

Wêhe amasù n’omurhima gwâwe gahenekîre obunguke bwâwe bwône, n’okubulaga omukò gw’omwêru-kwêru, okulibuza abanyinyi n’okutula entarnbala.

Yeremiya 22:3

Kwo adesire ntya Nyakasane: «Mukà­zitwa emmanja munajire obushinganyanya; mukazilîkûza oyu bahorhezize, arhenge omu nfune z’omuminya; murhahîraga mukalibuza n’okurhindibuza ecigolo, enfûzi n’omukana, murhahîraga mukabulagira omukò gw’omwêru kwêru aha».

Yeremiya 26:12

Yeremiyahu anacishuza abarhwâli n’olubaga lwoshi erhi: Nyakasane ye wantumaga mpu ndêbere aka-Nyamuzinda, n’olu lugo, nnanderhe ebyo binwa munayumvîrhe byoshi.

Yeremiya 30:1

Akanwa ka Nyakasane karhindakwo Yeremiyahu,

Yeremiya 7:6

mukà­ ba murharhindibuzizi ecigolo, enfûzi n’omukana, mukabà murhabulagiri omukò mwêru-kwêru hano, na mukabà murhacihanyagazizi mpu mwashimba abà­ndi banyamuzinda,

Mibalè 35:33

Murhahîra mukahemula ecihugo mulimwo, bulya omukò gwo guhemula ecihugo, na ntà mpyûlo oku cihugo, oku mukò gwabulagagwa, okurhali kubulaga omukò gw’olya wagubulagaga.

Mateyo 26:25

Naye Yûda wamulenganyagya amudôsa, erhi: «Ka nie, Muyigîriza?» Naye Yezu anacimushuza, erhi: «Wakudesire».

Mateyo 26:4

Banacisingira Yezu ihano, mpu bamugwârhe n’obwenge banamuyîrhe.

Ebijiro 7:60

Okubundi anacifukama, ayâkûza n’izù linene, erhi: «Nyakasane, orhabahôlaga eci câha!» n’erhi ayûs’iderha ako kanwa, anacirhengamwo omûka.

Lushika 19:10

Na ntyo, omukò gw’omuntu mwêru-kwêru, gurhabulagagwa omu karhî k’ecihugo Nyamubâho Nyamuzinda wâwe ayishikushobôza mpu cibè câwe: nâwe wêne omukò gw’omuntu gurhakujekwo.

Mafulûlo 16:6

Bulya babulazire omukò gw’abimâna n’ogw’abalêbi, nâwe wa­bahîre omukò mpu bagunywe. Kwo bâli bakwânîne!»