Yeremiya 25:31 - BIBLIYA NTAGATIFU OMU MASHI

³¹ “Omulenge gwahika oku kafendefende k’igulu, bulya hali olubanja aha karhî ka Nyamuzinda bon’amashanja: Yejisa ngasi muntu lubanja; enkola-maligo, ngôrho aziyêreka, kanwa ka Nyakasane”.

Yeremiya 25:31 ပူးပေါင်းရင်းမြစ်များ

Izaya 33:3

Zikayumva babanda akakù, embaga zinakûle idârhi; erhi wankanayîmuka ntya, amashanja ganashandabane.

Izaya 34:2

Bulya Nyakasane akunirîre amashanja goshi, engabo z’abalwî zâbo zoshi azikalihîre. Ahizire okubamalîra boshi n’okubalongôlana ebwa ibâgiro.

Izaya 34:8

Nêci, lusiku lwa Nyakasane lw’okucîhôla, guli mwâka gwa kutwîra abashombanyi ba Siyoni olubanja.

Izaya 66:16

Nêci, omu muliro atwîra ngasi muntu olubanja, erhi anafumbasire engôrho yâge anayiyêrekîze ngasi muntu: abanigûsibwa na Nyakasane bali banji!

Yeremiya 2:35

Onadwîrhage waderha erhi: «ndi mwêru-kwêru omungo gwâge arhaciri nie bagurhûlakwo». Lâba oku lubanja lwâwe nditwa wedwîrhe waderha erhi «ntajiraga câhal!»

Yeremiya 23:19

Lâbi empûsi ya Nyakasane omutula gwâge gwamâcînîka, cikundula wa mpûsi, gwo enayishire amarhwe g’enkola-maligo;

Yeremiya 45:5

Nâwe odwîrhage wahûna mpu bakuhè byâwe-byâwe. Orhahûne, bulyâla, sinza: buhanya nalêrhera ngasi mubiri, Nyakasane okudesire. Na nâwe, omunyago nkuhîre, bunali obuzîne bwâwe, ngasi aha wakanaja».

Ezekiyeli 30:3

Bulya lulya lusiku luyîruka, luyîruka lulya lusiku lwa Nyakasane, lwâbà lusiku luyunjwîre bitù, mango g’amashanja.

Ezekiyeli 38:22

“Nâyishimuhana n’endwâla y’ecihûsi n’okubulajika kw’omukò, nâmuniekeza enkuba y’ecihonzi, ey’olubula, nârhuma engulumira z’omuliro n’eza ecibiriti kuli ye n’oku bigamba byâge n’oku myandu y’embaga ziri boshi naye”.

Hozeya 12:2

Efrayimu àyigusire empûsi, n’empûsi y’ebushoshôkero bw’izûba yo akulikîre; àyushwîre obunywesi n’obulyâlya: banywânîne bona Asîriya, badwîrhe bârhûla Mîsiri amavurha.

Hozeya 4:1

Muyumve akanwa ka Nyamuzinda, bene Israheli, bulya Nyamuzinda ali lubanja haguma n’abantu b’ecihugo. Omu cihugo, murhaciri mwîkubagirwa, ntà buzigire, ntà kucimanya na kukenga Nyamuzinda.

Yoweli 3:2

“Mw’ezo nsiku, ciru n’abajà n’abajà-kazi, nâbadubulirakwo Mûka gwâni”.

Mikeyo 6:2

Ewe mwe mirhezi muyumve olubanja lwa Nyakasane, ninyu mwe biriba bizibuzibu by’igulu, bulya Nyakasane ali lubanja bo n’olubaga lwâge, akwâmire Israheli.