Yeremiya 25:22 - BIBLIYA NTAGATIFU OMU MASHI

²² abâmi b’e Tiri boshi, abâmi b’e Sidoni boshi, n’abâmi b’ecirhwa ciri olundi lunda lw’enyanja,

Yeremiya 25:22 ပူးပေါင်းရင်းမြစ်များ

Izaya 23:1

Obulebi buyêrekîre Tiri. Mwe mârho g’e Tarsisi muhubulize mwayâma, bulya olwâkiro lwinyu lwashâbirwe: ntà nyumpa cisigîre! Erhi barhenga e Kitimi lyo bàyumvîrhe ogwôla mwanzi.

Izaya 23:15

Okuhandi obwo Tiri âyôrha ayibagirwe myâka makumi gali nda, mango gali nka kalamo k’omwâmi. Enyuma y’eyôla myâka makumi gali nda Tiri âhinduka lwimbo lw’omukazi w’ecishungu:

Izaya 23:4

Enshonyi zikubumbe, wâni Sidoni, lugerêro lw’oku nyanja! Bulya enyanja yamâderha, mpu: «Ntafumbaga izîmi. ntaburhaga, ntanaleraga bâna-rhabana erhi bâna-nyere!»

Yeremiya 27:3

Okuhandi obiyanke obirhumire omwâmi w’e Edomu, omwâmi w’e Mowabu, n’omwâmi w’Abamoniti, omwâmi w’e Tiri n’omwâmi w’e Sidoni, omu maboko g’entumwa zâbo ziyishire e Yeruzalemu, oku bwâmi bwa Sedekyahu mwâmi w’e Buyuda.

Yeremiya 31:10

Mwe bihugo by’e mahanga, yumvi akanwa ka Nyakasane! Munakayâlize oku birhwa biri kulî; mukaziderha erhi: «Nyakasane alirhanziri shandâza Israheli, lêro amâshubimukumakuma erhi àmushîbirira nka kula lungere ashîbirira ebibuzi byâge.

Yeremiya 47:4

bulya olusiku luminya lwahisire lw’okuherêrekeza Abafilistini boshi, gakola mango Tiri na Sidoni bâbona omu barhabâzi bâbo bazinda, ntà muguma, ciru n’omuguma barhayandazizi burhaba. Nêci, Nyakasane ahungumwîre Abafilistini boshi, musigala g’oku cirhwa c’e Kafutori.

Ezekiyeli 27:27

Obugale bwâwe, eby’oburhimbûzi byâwe, omuhako gwâwe, abûbasi bwâwe, abarhunzi bâwe, abalwî bâwe ojawahêka, n’omwandu gw’e­ngabo eri omu ndalâlà yâwe boshi balohoma omu karhî k’enyanja olusiku wâzika.

Ezekiyeli 28:1

Akanwa ka Nyamubâho kanacintindakwo muli ebîra binwa, erhi:

Ezekiyeli 28:20

Akanwa ka Nyamubâho kanacintindakwo muli ebîra binwa, erhi:

Ezekiyeli 28:21

«Mwene omuntu, oyêrekere olunda lwa Sidoni, onaderhe kuli ye ebîra binwa by’obulêbi.

Ezekiyeli 29:18

«Wâni, mwene omuntu, Nabukondonozori, mwâmi w’e Babiloni amârhôla omuhigo mwinjà gw’okurhababâlira Tiri. Amarhwe goshi gamâyûnulwa, ebirhugo byamâtunyulwa byoshi, ci ntà bunguke arhenzizemwo ôli kuli ye, ôli oku ngabo yâge, muli ogwôla muhigo ali arhôzire gw’okurhabâlira Tiri».

Ezekiyeli 32:30

“Eyôla munda eri abaluzi lw’olunda lw’emwênè, bali yo boshi haguma na abanya-Sidoni boshi; bàyandagire kuguma n’abanigagwa, n’obwo barhâhima­gwa kujira ecôbà, lêro buno enshonyi z’oburhwâli bàlibagwêrhe zikola zibabumbire! Zicihengekage ezôla ntakembûlwa, haguma n’abayîrhagwa n’engôrho, banahêke enshonyi zâbo emwa balya bayandagalîre ekuzimu!”

Ezekiyeli 39:6

“Nâkurhumira omuliro gwârhenga emwa Magogi n’emwa abantu bacîyûbakîre n’omurhûla omu bizimba, ntyo banamanya oku nie na ndi Nyamubâho”.