Yeremiya 25:15 - BIBLIYA NTAGATIFU OMU MASHI

¹⁵ Nyakasane, Nyamuzinda w’Israheli kw’ambwîzire ntya: Erhi kayanke omu nfune zâni, aka kabehe k’idivayi ly’omutula, onakanywêse amashanja goshi nakurhuma emunda gali,

Yeremiya 25:15 ပူးပေါင်းရင်းမြစ်များ

Ayubu 21:20

Amasù gâge yêne gabone oku ahanyagala, anywe yênene oku bukunizi bwa Nyakasane!

Ennanga 11:6

Mûshi emihera ayirhogeze amakala g’engulumira n’ecibiriti, n’empûsi y’omuliro ebè co cigabi c’omu kabehe kâbo.

Ennanga 60:3

Nyamuzinda kulikirira oku warhulikirîre wanarhuvunira amatumu, kuluba oku warhulubîre, orhugalukirage mâshi mâshi.

Ennanga 75:8

Nyamuzinda ye mutwî w’emmanja: anayandagaze muguma, alengeze n’owundi.

Ennanga 75:9

Bulya Nyakasane akola afumbasire akabêhe, kayunjwîre irivayi lyabira, linali lya cigushè. Amâbahungulira kuli ko: enkola-maligo zibà okw’igulu, ene zanywa zishongôze.

Izaya 14:26

Ogwo gwo muhigo nahigîre igulu lyoshi, okwo kwo kuboko nalambulîre oku mashanja goshi.

Izaya 34:2

Bulya Nyakasane akunirîre amashanja goshi, engabo z’abalwî zâbo zoshi azikalihîre. Ahizire okubamalîra boshi n’okubalongôlana ebwa ibâgiro.

Izaya 51:17

Zilka, zûka, yimanga, wâni Yeruzalemu, we wanyweraga omu maboko ga Nyakasane akahe k’obukunizi bwâge, we wanywaga wanashongôza akabehe k’okudandabaganya!

Izaya 51:22

Kwo adesire ntyâla, Nyakasane Nyamubâho, Nyamuzinda wâwe, ofungira olubaga lwâge: Alà oku nkola narhenza akabehe k’okudandabaganya omu nfune zâwe, akabehe k’obukunizi bwâni; orhakacikanywakwo bundi,

Izaya 51:23

Nakahira omu nfune z’abanzi bâwe, balya bakâg’ikubwîra, mpu: Gwishira oku idaho, rhukugerekwo! Na ntyo wakaz’iherhamya omugongo gwâwe nka njira y’oku idaho, nka mulimbwa bakaz’igeramwo.

Yeremiya 1:5

Embere nkuleme omu nda ya nyoko, erhi nkuyîshi, embere orhenge omu nda erhi namakwîshoga, nakujira nti obè mulêbi w’amashanja.

Yeremiya 36:2

«Oyanke ecizingo c’ecitabu onayandikekwo birya binwa nakubwîraga biyêrekîre Yeruzalemu byoshi, ebiyêrekîre Yûda, n’amashanja goshi, kurhenga olusiku narhangiraga okukushambâza oku ngoma ya Yoshiyahu, kuhika ene.

Yeremiya 43:11

Ayisha anajonjage ecihugo ca Mîsiri: ow’okuhêkwa n’ecihûsi, ahêkwe naco, ow’okuhêkwa bujà, ahêkwe bujà, ow’okuhêkwa n’engôrho, ahêkwe n’engôrho.

Yeremiya 45:5

Nâwe odwîrhage wahûna mpu bakuhè byâwe-byâwe. Orhahûne, bulyâla, sinza: buhanya nalêrhera ngasi mubiri, Nyakasane okudesire. Na nâwe, omunyago nkuhîre, bunali obuzîne bwâwe, ngasi aha wakanaja».

Yeremiya 46:1

Akanwa ka Nyakasane kayêrekîre amashanja karhindakwo omulêbi Yeremiyahu.

Yeremiya 48:26

Lalusi-ye (mumulaluse), bulya àlicîhindulîre Nyakasane: Mowabu acîvuluvunze omu bishaliza byâge anahinduke naye masheka g’abagera.

Yeremiya 49:12

Ntya kwo Nyakasane adesire: «Yumvi bwinjà: abà ntalirheganyize okunywa akabehe, bâkanywa. Nâwe, erhi ntâko nâbà, ntabè iga! Ntanzi la! Ako kabehe, wâkanywa bwinjà bwinjà!

Yeremiya 51:7

Babiloni ali kabehe ka masholo oku kuboko kwa Nyakasane. Amashanja gakaziginywa oku idivayi lyâge, co carhumire gasiraha.

Ezekiyeli 23:32

Ntya kwo adesire Nyakasane Nyamubâho, erhi: Wanywa akabehe ka mukulu wâwe, kabehe kagali na kalîrî, Wâbà wa kushesa n’okurhangâza erhi bunji bw’ebirimwo birhuma.

Ezekiyeli 23:33

Wâyunjula ndalwè n’amaganya, Kali kabehe ka kulaka n’okulakûla, akôla kabehe ka mukulu wâwe Samâriya.

Ezekiyeli 29:12

“Ecihugo ca Mîsiri nâcijira cibè cihugo cahagwîrwe omu karhî k’ebindi bihugo byâhagwîrwe; engo zâge zâbà ngo zihagwîrwe omu karhî k’ezindi ngo zahagwîrwe, kuhika myâka makumi anni. Abanya-Mîsiri nâbashandabanya ekarhî k’amashanja”.

Ezekiyeli 36:5

okwôla kwarhuma, ntyo kw’adesire Nyakasane Nyamubâho: omu bukali bw’obushîbirizi bwâni mwo nderhîre ebîra binwa oku mashanja na kuli Edomu yêshi, bo bàderhaga mpu bamâcîhà akâbo kashambala, co cihugo câni, boshi omurhima gwâbo gwashagaluka barhaderhaga mpu barhînya okumalîramwo abantu n’okucihagula.

Abudiya 1:16

Nêci nka kulya wanywêrîre oku ntondo yâni ntagatîfu, amashanja goshi gânywa buzira kurhamûka: bânywa banayîgurhe, banayôrha nk’oku barhasagiyôrha bundi!

Habakuki 2:16

Mwenene mucîbonesa ezo nshonyi ci lirhabà irenge: Ninyu munywâge munacîyêrekane bashugunu! Nyakasane ammusêza mushongôze aka­bene k’obukunizi bwâge. Irenge linyu lyahinduka nshonyi zinyu.

Mafulûlo 14:10

oyo anywa oku idivayi ly’obukunizi bwa Nyamuzinda, lirya lihungulîrwe omu ka­bêhè k’omutula gwâge buzira ngushè; omuliro n’ecibiriti byâmulîkiza amagala omu masù ga Bamalahika batagatîfu n’omu masù g’Omwâna-buzi.

Mafulûlo 14:19

Nyamalahika anacilikira omugushu gwâge omu igulu, arhema emizâbîbu y’omu igulu, aheba amalehe gâyo omu mukenzi munênênè gw’obukunizi bwa Nyamuzinda.