Yeremiya 25:10 - BIBLIYA NTAGATIFU OMU MASHI

¹⁰ Emwâbo nahulisayo izù ly’obusîme n’omwîshingo, izù ly’omuhyamulume n’ery’omuhya, olubî lw’olwanjikwa n’obumoleke bw’itara.

Yeremiya 25:10 ပူးပေါင်းရင်းမြစ်များ

Esteri 3:13

Amaruba ganacilerengana omu ngasi murhundu gwa mwâmi goshi mpu bahungumule, banigûze, bayîrhe Abayahudi boshi; babè bâna, babè bakulu, babè bakazi, mpu baniguzihwe omu lusiku luguma omu nsiku ikumi n’isharhu z’omwêzi gwa kal’ikumi na kabirhi gwo guderhwa mwêzi gwa Adari, mpu banahagule ebintu byâbo byoshi. 13 (a) Yumvagya ebyâli muli agôla maruba: Omwâmi mukulu Asuerusi ayandikire abarhegesi ba bihugo igana na makumi abirhi na nda g’omu bwâmi bwâge kurhenga e Buhindi kuhika e Etiyopiya n’oku bandi barhambo b’emirhundu n’ababakulikire, agâla maruba gadesire ntyâla: 13 (b) Ciru akabà ntegesire amashanja mwandu, na ciru akabà ntegesire igulu lyoshi ntakalonza okurhegeka n’obuhashe bw’okurhindibuza abantu ci nti nyôrhe ngasi mango muntu wa murhima gwa bugula, muntu mutûdu, bambali bâni bakaz’iyôrha bali omu kalamo karhalimwo kadugundu na ntyôla obwâmi boshi bukwânîne bubè n’omurhûla buyôrhe burhûlwire kuhika oku lubibi lulyo olwa kuli bwenêne, ngasi muntu akaz’igendamwo buzira côbà abè n’omurhûla bulya bwo bubà bugale bwa ngasi muntu. 13 (c) Erhi ncidôsa abahanûzi bâni kurhi okwôla kwankahashikana, Hamani, ye mugula mukulu bwenêne na mwîrhonzi, muntu mwene murhahabiri oku bushibirizi ajira omu kurhumikira kwâge, yeri wa kabirhi omu bwâmi, 13 (d) amanyîsize oku hali olubaga lugwêrhe obulonza bubî lunali omu gandi mashanja goshi ga hano igulu mpu barhayumvanya n’agôla gandi mashanja ebwa kubà bajira gâbo gâbo marhegeko banakagayaguza amarhegeko g’abandi bâmi na ntyôla barhaziga ebihugo rhurhegeka byagendeka bwinjà. 13 (e) Erhi mbona oku omu gandi mashanja goshi olwôla lubaga luguma lônene lukayôrha luciyungwîre oku bandi bantu n’oku omu kubà n’agâbo marhegeko banalonze okusêza abantu mpu bashimbe amarhegeko n’engeso zâbo, erhi rhubona oku okwôla kunarhume omurhûla gurhacibonekana omu bantu erhi bo bàrhuma. 13 (f) Rhubahunyire nti abôla boshi banadesirwe omu maruba ga Hamani, ye murhambo w’ebyâni; ye na larha wa kabirhi, boshi oku banali: kuguma n’abà kazi, n’abâna bâbo boshi banigûzibwe n’engôrho y’abashombanyi bâbo buzira bwonjo erhi kubabalira lebè; banigûzibwe oku lusiku lwa kal’ikumi na kani lw’omwêzi gwa Adari. 13 (g) Na ntyôla ngasi boshi, bunôla kandi erhi mîra, balya banali bagwêrhe omurhima mubî olufù lw’akavulindi lubayandagaliza omu kuzimu; kandi omu nsiku zayîsha emikolo yîrhu yanabà n’omurhûla enakengwe omu cihugo cîrhu coshi.

Esteri 7:4

Bulya rhwaguzîbwe nie n’olubaga lwâni, mpu barhumalîre, barhunigûze, rhuherêrekere rhweshi. Ciru acibâge rhwaguzibagwa mpu barhuhêke bujà, mpu rhuj’ibà bantu ba kukola konene, nali nacîhulikira konene; ci kwônene omushombanyi ntà mango agalula omuhona mwâmi ayish’ibona muli okwôla».

Esteri 8:11

Muli agôla maruba mwâmi ali ayêmêrîre Abayahudi okucîlunda haguma lyo bafungira obuzîne bwâbo, kuguma n’obuhashe bw’okuyîrha, okumalîra, ciru n’obw’okunigûza abashombanyi bâbo, abâna bâbo na bakâbo, balya banashûbûzinye omu mashanja, omu mirhundu n’okuhagula ebirugu byâbo.

Izaya 47:2

Rhôla nkagasi ibiri, oshwe enshâno; bwîkûla obusù bwâwe, ofunye ebishumiro by’omwambalo gwâwe, obwîkûle ebibero, oyikire enyîshi.

Yeremiya 16:9

Bulyâla kw’adesire ntya Nyakasane w’Emirhwe, Nyamuzinda w’Israheli: Lâba, nârhenza aha omu nsiku zinyu erhi mwânabona orhubûli rhw’omwîshingo, enyimbo z’omulamba wâsheba, n’ez’omunyere wâshebwa.

Yeremiya 48:33

Amasîma n’omwîshingo byahwîre omu nkoma n’omu cihugo c’e Mowabu. Naganyize irivayi omu rhubindi, omukenzi arhacikanda, izù ly’omwîshingo lirhaciyumvîkana.

Yeremiya 7:34

Omu bishagala bya Yûda n’omu mihanda ya Yeruzalemu nahulisamwo izù ly’omwîshingo n’ely’obusîme; izù ly’omuhya n’ery’omuhya-mulume, bulyâla ecihugo cahinduka mwerûlè.

Ndûlù 5:15

Ntà bushagaluke bucirhuli emurhima, okusâmira engoma kwîrhu kwahindusire mishîbo.

Ezekiyeli 26:13

Nkola nâhulisa enyimbo zâwe, zifanande na ntâye waciyumve omulya gw’ebitari byâwe.

Hozeya 2:11

Co cirhumire, nkola nâshubiyanka engano yâni omu mango gâyo, n’amamvu gâni mahyâhya amango gâgo, nâmunyaga emishangi n’emipira yâni abwîsiremwo obushugunu bwâge.