Yeremiya 24:10 - BIBLIYA NTAGATIFU OMU MASHI

¹⁰ “Nabalikiramwo engôrho, ecizombo n’ecihûsi, balinde bahêrerekera mw’er’ishwa nabahâga bo na b’îshe”».

Yeremiya 24:10 ပူးပေါင်းရင်းမြစ်များ

1 Bâm 14:15

Nyamubâho ashembula Israheli, nka kula olusheke luhugunyibwa n’amîshi kwo Nyakasane amanyula Israheli muli ecîra cihugo cinjà ahâga b’îshe, nâbashandabanyiza olundi lunda lw’olwîshi bulya bajizire enshanga zishologosa Nyakasane.

Izaya 51:19

Alaga mahanya abiri gacihondire kuli we: ndi wakulakira? Okuhagulwa n’okushâbirwa, ishali n’engôrho: ndi wakurhûliriza?

Yeremiya 14:12

Ciru bakacîshalisa, ntayumvîrhize omusengero gwâbo, ciru bakarhûla embâgwa n’enterekêro, ntakabiyêmêra. Bulyâla nnonzize okubahungumula n’engôrho, n’ishali n’ecahira.»

Yeremiya 15:2

Bakakudôsa mpu ngahi rhujage? Onababwîre erhi: kwo adesire ntya Nyakasane: Ow’okuhêkwa n’ecihûsi, ahêkwa naco, Ow’okuhêkwa n’engôrho, ahêkwe nayo Ow’okuhêkwa n’obuligo, ahêkwe nabwo Ow’okuhêkwa bujà, abuhêkwe.

Yeremiya 16:4

Bafà olufù lubî, barhâlakirwe barhânabishwe, bâbà binazo by’idaho. Ngôrho yâbalambika, n’ecizombo. n’emirhumba yâbo yâshube bushêge bw’ebinyunyi by’emalunga, n’ebiryanyi by’erubala.

Yeremiya 19:7

Yûda na Yeruzalemu nabagukumula­ mwo ihano lyoshi, erhi ahâla harhuma. Nabarhibula n’engôrho omu masù g’abashombanyi bâbo, na kuboko kwa balya barhabalongeza kalamo kwabarhibula, emirhumba yâbo nayihà ebinyunyi by’emalunga n’ebiryanyi bya hano nshi.

Yeremiya 21:9

Owakabêra mw’ogu murhundu âfà n’engôrho, n’ishali n’ecihûsi. Ci owakarhengamwo akaja emwa Abakaldeyi, bo bamurhezire, âlama, abêrana omûka gwâge nka munyago.

Yeremiya 27:8

“Ishanja nîsi erhi obwâmi bwabula bushiga Nabukondonozori, mwâmi w’e Babiloni, obwabula burhega omucîmba gwa mwâmi w’e Babiloni ecikanyi, eryôla ishanja, engôrho n’ecizombo n’ecahira nâlirhangulamwo, kanwa ka Nyakasane, kuhika mmuhebelyo omu nfune”.

Yeremiya 29:17

“Kwo adesire ntya Nyakasane w’Emirhwe: mpu lâbi oku nâbalikiramwo engôrho, ecizombo n’ecahira, nâbahindula bashube nka ma­lehe gabozire, galya gasherîre ciru garhankacirîbwa”.

Yeremiya 29:18

“Nâbayishakwo lumino­mîno n’engôrho, n’ecizombo n’ecahira; nabajira babè ha côbà oku mâmi g’igulu, ba cibonya-nshonyi, cikango, masheka oku mashanja goshi g’emunda nâbahabulira”.

Yeremiya 32:24

Bene Babiloni bano bakola bayisha bârhunyagaco; aha engôrho yâbo yamâgera hakulikire ishali n’agandi maligo ga ngasi lubero, Yeruzalemu akola ali omu maboko ga bene Kaldeya. Ebi wàderhaga bino byabîrage, nâwe wêne onali wakubona.

Yeremiya 32:25

Mâshi, k’arhali wêne wàmbwîraga erhi: «Gula elyo ishwa, oliganjire enfranka aha balume, n’obwo omurhundu gwîrhu gwagwîre omu maboko ga bene Kaldeya!»

Yeremiya 34:17

“Co cirhumire Nyamuzinda aderha, erhi: Bulya murharhumikiraga erhi mbahûna nti ngasi muguma âkûle mwene wâbo omu bujà, nkolaga nâcîhindulirla mwe. Nâmukululira ebyôji, ecizombo n’ecihûsi. Nkola nâmuhindula bishahu by’abandi bâmi b’en’igulu”.

Yeremiya 42:17

N’abahizire mpu bajà e Mîsiri boshi, mpu yo bajibêra, yo banafira n’engôrho n’ecizombo n’ecihûsi, ntà muntu ciru n’omuguma wayîshifulumuka obuhanya-nabarhumira.

Yeremiya 42:22

Mumanyâge obwo oku mwâfà n’engôrho, n’ecizombo, n’ecahira, eyo munda mucifinjire okujà mpu yo mwajibêra.

Yeremiya 5:12

Bahakanyire Nyamuzinda, baderha mpu «kali ntâye». Mpu ntâko rhwâbà., rhurhâjemwo ngôrho rhurhânajekwo cizombo.

Yeremiya 9:15

Nnambashandâze omu karhî k’amashanja barhishi, mashanja bashakulûza bâbo barhamanyaga nârhuma n’engôrho yabakwâma, kuhika mbalambike boshi.

Yeremiya 9:16

Ee wee! Muhamagale abalasi baj’eno. Mulêrhe abalenga bayishe.

Ezekiyeli 33:27

Alaga oku wayishibabwîra, erhi: «Ntyâla kwo adesire Nyakasane Nyamubâho erhi: Ndahîre obuzîne bwâni! Abacisigire ebigûkà, ngôrho yâbayîrha, abâli omu mashwa nâjira ensimba zibalye, abâli omu nyumpa nzibuzibu nîsi erhi abâli omu nyâla cihûsi câbayîrha.

Ezekiyeli 6:11

Ntyâla kwo adesire Nyakasane Nyamubâho: Mushûrhe omu mahi, mushûrhe n’okugulu okw’idaho munaderhe mpu: Yajeeewe! Oku mabî goshi gàjiragwa n’omulala gw’Israheli, lêro ndi okolaga wâfà n’engôrho, n’ecizombo n’ecihûsi.

Ezekiyeli 7:15

Engôrho eri embuga, ecihûsi n’ecizombo nabyo biri omu ndalâlà. Erhi ankabà hali oli omu ishwa, oyôla ananigwe n’engôrho, na ngasi yêshi oli omu lugo, ecizombo n’ecihûsi byânamumalîra.

Lushika 28:21

Nyamubâho akushwêkerako ecihûsi cikuherêrekeze muli eci cihugo okola wajà mpu ociyanke cibè câwe.

Mafulûlo 6:8

Nanacibona eciterusi c’akakumbi; owali ocitamîrekwo izîno lyâge ya Lufù, n’Okuzimu erhi kumukunjusirekwo. Babahà obuhashe kuli cihimbi ciguma ca kani c’igulu, mpu bayîrhe n’engôrho, n’ishali, n’ecihûsi, banayîrhe omu kukolêsa ebiryanyi by’en’igulu.