Yeremiya 23:25 - BIBLIYA NTAGATIFU OMU MASHI

²⁵ Nayumvîrhe kurhi baderha abalêbi balêba eby’obunywesi oku izîno lyâni: Mpu «nshuba nalôrha, nshuba nalôrha!»

Yeremiya 23:25 ပူးပေါင်းရင်းမြစ်များ

Murhondêro 37:5

Lêro Yozefu alôrha ecilôrho, aciganîrira bakulu bâge, nabo bamushomba lêro kulusha.

Murhondêro 37:9

Ashub’ilôrha ecindi cilôrho, naco aciganîrira bakulu bâge. Ababwîra, erhi: «Kandi nalôsire ntya: Izûba, omwêzi na nyenyêzi ikumi na nguma byakazâg’ifukama embere zâni».

Ennanga 139:2

Ntamîre, nyimanzire, orhahabiri, enkengêro zâni oku ziciri kulî, erhi okola ozimanyire;

Ennanga 139:4

Akanwa kanabè kacindi emurhima karhacihika oku lulimi, erhi na mîra wakamanyaga koshi.

Yeremiya 13:27

Ya! Obugonyi bwâwe n’amasheka gâwe wâni! n’amalala wahimbire wâni! Oku ntondo n’omu mashwa, nabwîne amaligo gâwe. Wamâhera wâni Yeruzalemu, bulyâla orhacêsibwi. Kuhika mangaci kwône?

Yeremiya 14:14

Oku bundi Nyakasane àmbwîra, erhi: «bunywesi obwôla abo balêbi badwîrhe baderha oku izîno lyâni; ntabarhumaga na ntâco nabarhegesire, ciru ntababwîraga akanwa. Badwîrhe bamubwîra mpu babonekîrwe n’obwo kubêsha, mpu bamulêbera n’obwo bya busha, bilôrho byâbo bône».

Yeremiya 16:17

Bulyâla amasù gâni gadwîrhe gabona enjira zâbo: zirhali nfulike, n’obugoma bwâbo burhankacîfulika omu masù gâni.

Yeremiya 23:28

Omulêbi ogwêrhe ecilôrho, aganîre! Owayumvîrhe akanwa kâni, aderhe bwinjà akanwa kâni. Bici omusîsi gugânwa n’ihemba? Kanwa ka Nyakasane.

Yeremiya 23:32

Lâba oku bo ntumuzize balya balêba ebilôrho by’oburhebanyi, kanwa ka Nyakasane, babiganire banahabûle olubaga lwâni n’okucîkunga kwa­ bo n’okubêsha haguma, Niono ntabarhumire, ntabarhegesire, ntâco ba­ kolera olubaga lwâni, kanwa ka Nyakasane, Basherêzize omuzigo gwa Nnâmahanga

Yeremiya 27:10

“Bunali bunywesi bakazimulêbera: kuderha mpu bamurhenza omu ishwa linyu nâni mmuhuluse muhere”.

Yeremiya 27:15

“Bulyâla abo ntabarhumaga, kanwa ka Nyakasane, bunywesi badwîrhe bamulêbera, omu izîno lyâni, mpu lyo ngaya mmushandabanye muherêrekere, mw’oyo n’abalêbi badwîrhe bamulêbera”.

Yeremiya 29:23

“Kwo kuderha oku bakozire ebirhajirwa omu Israheli, bahusha na bakà omulungu, baderha n’ebinwa by’obunywesi omu izîno lyâni, ntanabarhumiri­ kwo. Mmanyire niene nnampamîrîze, kanwa ka Nyakasane”».

Yeremiya 29:8

“Bulyâla kwo adesire ntya Nyakasane w’Emirhwe, Nyamuzinda w’Israheli: murhahabulagwa n’abalêbi bali ekarhî kinyu nîsi abashonga binyu: murhayumvagya ebilôrho mudwîrhe mwalôrha”.

Yeremiya 8:6

Najîre aho nabayumvîrhiza: barhadwîrhi baderha nk’oku bikwânîne. Barhalimwo owagaya obubî bwâge akaderha erhi «lêro bici bino nakozire»? Boshi oku bahabusire kwo banahâsire, nka nfarasi yajilwa.

Ndûlù 2:14

Abalêbi bâwe barhakulêberaga ebirhali bya bunywesi, babula kukuvuhûlira obubî bwâwe, mpu bakugalulire akalamo k’iragi. Emyanzi yâbo kuli we bwwanali bunywesi bwône bwône n’obuhalanjisi.

Ezekiyeli 22:28

Abalêbi bâge bafulisire e­byôla bibî omu bulêbi bwâbo bw’obunywesi n’omu bulaguzi bwâbo lw’obunywesi. Banaderhe mpu: «Ntyâla kwo adesire Nyakasane Nyamubâho», n’obwo Nyamubâho arhadesire akantu.

Zakariya 13:3

Na ngasi yêshi wâciderhe mpu alêba, îshe na nnina bamuburha bo bâmubwîre, mpu: Okwânîne okufà, bulya odwîrhe wacîkebwa mpu oku izîno lya Nnâmahanga odesire, n’obwo kuli ku­nywerha. N’ababusi bâge bâyish’imutumirha obwo hano akola adwîrhe alêba.

Mibalè 12:6

Anacibabwîra, erhi: «Yumvi bwinjà ebinwa byâni: “Akabà hali mulêbi wa Nyamubâho mugwêrhe, omu bilôrho mwo ncîmanyisa emwâge, omu bilôrho mmuderhegeza”.

Mateyo 1:20

Amango akâg’igerêreza ntyo, Malahika wa Nyakasane amuyagâna amubwîra, erhi: «Yozefu, mwene Daudi, bici oyôbohire okubêra na mukâwe Mariya? Eri izîmi ali, liri lya buzibu bwa Mûka Mutagatîfu.

Luka 12:3

Kuziga ebi mwaderhîre omu mwizimya, byoshi byayish’iderhwa izûba lyabasha, n’ecimwajaga mahwe omu kurhwiri muli omu nyumpa, cayish’iyakuzibwa oku mmâna.

1 Bakorinti 4:5

Kuziga murhatwaga olubanja lwa bene dubaduba. Muleke Nyakasane ayishe, ye wash’imoleka ebifulike omu mwizimya, anabishûle emihigo eri omu murhima. Okubundi ngasi muguma ayish’ihâbwa na Nyamuzinda obukuze bumukwânîne.

Bahabraniya 4:13

Na ntà ciremwa ciru n’eciguma cirhabonwa na Nyamuzinda: byoshi byoshi bilangashîne binafulwîrwe omu masù g’Oyo wârhubûlanye kw’ebi rhwa­jizire.

Mafulûlo 2:23

N’abâna bâge boshi nâbayirha, bafè; ntyo Ekleziya zoshi zimanye oku nie Nyamuzinda oyishi ebiri omu nsiko n’omu mirhima; nanayish’ilyûla ngasi muguma muli mwe nk’oku ebijiro byâge binakwânîne.