Yeremiya 23:24 - BIBLIYA NTAGATIFU OMU MASHI

²⁴ K’omuntu akacîfulika ahantu habishe mbule bwamubona? Kanwa ka Nyakasane. Ka ntabumbiri empingu n’igulu niono? Kanwa ka Nyakasane.

Yeremiya 23:24 ပူးပေါင်းရင်းမြစ်များ

Murhondêro 16:13

Hagari ayîrika Nyamubâho wamubonekeraga eri izîno: erhi: «we El Royi», kwo kuderha «We Nyamuzinda Obona», bulya gwârhi yêne, «Ka ye nshubir’ibona aha olya odwîrhe ambona?»

1 Bâm 8:27

“Cikwônene ka kwo binali Nyamuzinda ho anabà hanôla igulu? Ci lolà okw’igulu lirhankabona aha lya muhira: kurhigi byankabà lyôhe mw’eno nyumpa namâyûbaka!”

2 Nganîro 2:6

Ontumirage bunôla omuntu mulenga w’okuhashikola amasholo n’amarhale, omulinga n’ecûma, emishangi y’akaduku, ey’akalinga, ey’omukara n’omulenga w’okujira ebitâke, ayîshe akazikola n’abantu balenga bali hôfi na nâni e Yûda n’e Yeruzalemu, balya banarheganyibagwa na larha Daudi.

2 Nganîro 6:18

Ci kwônene ka kwo binali, Nyamubâho anayûbaka haguma n’omuntu hanôla igulu? Lolà oku empingu, n’empingu y’amalunga birhankahasha okukuyûbarhira wêshi: lêro lyôhe, kurhigi kuli eyîra nyumpa nayûbakaga!

Ayubu 34:21

Amasù gâge garhahwa garhasingiriza enjira z’omuntu, n’okulolêreza amakano gâge.

Ayubu 34:22

Ntà mwizimya nîsi erhi lwikûngu, nyankola-maligo ankahash’icîfulikamwo.

Ennanga 10:11

Aderhe omu murhima gwâge, erhi: «Nyamuzinda ayibagire! Ahengwîre obusù bwâge, arhanacidwirhi abona!»

Ennanga 139:7

Ngahi nakaja nderhe nti nkola ndi kulî n’omûka gwâwe? Ngahi nakayâkira amasù gâwe?

Ennanga 139:8

Nsôkîre emalunga, yo ôbà!, ngwîshîre ekuzimu-bwînini, we Nnayo.

Ennanga 148:13

Bakuze izîno lya Nyamuzinda, bulya izîno lyâge lyône liri likulu, irenge lyâge liri enyanya ly’igulu n’amalunga.

Ennanga 90:8

Ebyâha bîrhu wabiyansire wabihira omu masù gâwe, ebibî rhwâjiraga bwifulikwè wabihebire omu bumoleke bw’obusù bwâwe.

Migani 15:3

Ngasi hoshi amasù ga Nyakasane gali, gali ebulâbi bw’abinja n’ababî.

Izaya 29:15

Buhanya bwâbo abacibundika mpu bafulike Nyakasane emihigo yâbo, abajirira ebijiro byâbo omu mwizimya, baderhe, mpu: «Ndi odwîrhe warhubona? Ndi orhumanyire?»

Izaya 57:15

Nêci, kwo adesire ntyâla Ow’Enyanya emalunga, oyôrha abâho ensiku n’amango; izîno lyâge liri litagatîfu: «Nie mbà enyanya omu ndâro ntagatîfu; ci mbêra haguma n’omuntu ocîyunjuzize n’ow’omurhima mwirhôhye, lyo mpira obuzîne omu myûka y’abîrhôhye, lyo nnampira obuzîne omu mirhima y’abaciyunjuzize».

Izaya 66:1

Ntyâla kwo Nyakasane adesire: Empingu yo ntebe yâni y’obwâmi, n’igulu co citumbi mpirakwo amagulu. Nyumpa nci mwankanyûbakira na ngahi hankabà buluhûkiro bwâni?

Yeremiya 16:17

Bulyâla amasù gâni gadwîrhe gabona enjira zâbo: zirhali nfulike, n’obugoma bwâbo burhankacîfulika omu masù gâni.

Yeremiya 32:19

We nn’oburhimanya omu mihigo midârhi we n’obulenga boshi, onakazisingiriza abantu ly’oyishimanyihemba ngasi muguma nk’oku ebijiro n’engeso zâge binali!

Yeremiya 49:10

Nie nâbasiga bwâmwa ntyo, bene Ezau, nie nâbafulûla aha bacîfulisire. Ntaho bacigwêrhe bacîbundika. Kwo kuherêrekera koshi okwo kw’obwo bûko. Bacibâho, abalungu bâbo, ntâbyo byâsigala.

Ezekiyeli 8:12

Anacimbwîra, erhi: «Kw’obwînage wâni mwene omuntu ebi abagula b’Israheli bajirira omu mwizimya, ngasi muguma omu hiyumpa hyâge hishîge irangi? Banakaziderha mpu: Nyamubâho arharhubona, mpu Nyamubâho arhenzire omu cihugo».

Ezekiyeli 9:9

Anacimbwîra erhi: «Obubî bw’omulala gw’Israheli n’ogwa Yûda buli bunji okurhalusire, ecihugo cayunjulîre mukò, olugo ludwîrhe lwalerengana, bulya badwîrhe baderha, mpu: Nyamubâho àrhenzire omu cihugo, Nyamubâho arhankabona.

Daniyeli 2:22

Ye ofulûla amahwe n’ebifulike ye nakubona eby’omu mwizimya ye na nn’obumoleke

Befezi 1:23

gwo mubiri gwâge, lyo n’ishwinjiro ly’olya oyunjuzize byoshi byoshi muli ngasi kantu.

Bahabraniya 4:13

Na ntà ciremwa ciru n’eciguma cirhabonwa na Nyamuzinda: byoshi byoshi bilangashîne binafulwîrwe omu masù g’Oyo wârhubûlanye kw’ebi rhwa­jizire.