Yeremiya 22:26 - BIBLIYA NTAGATIFU OMU MASHI

²⁶ Nankukwêbe omu cindi cihugo, w’oyo mwe na nyoko okuburha arhali mwo mwaburhagwa cikwône mwo mwafira.

Yeremiya 22:26 ပူးပေါင်းရင်းမြစ်များ

2 Bâm 24:15

Ahêka ntyo Yoyakini, mululîze e Babiloni boshi na nina, kuguma na bakà mwâmi eshangi zâge, abarhambo b’omu cihugo.

2 Bâm 24:8

Yoyakini ali agwêrhe myâka ikumi na munâni ali muburhe erhi ayîma obwâmi, anaciyîma myêzi isharhu aha Yeruzalemu. Nina izîno lyâge ye wali Nehushata mwâli wa Elinatana, w’e Yeruzalemu.

2 Bâm 25:27

Omu mwâka gwa makumi asharhu na nda gwa okululizibwa kwa Yoyakini mwâmi w’e Yûda, omu mwêzi gwa ikumi na kabirhi, omu nsiku makumi abirhi na nda z’omwêzi, Evil-Merodaki mwâmi w’e Babiloni omwâka ayîmaga mwo, ayînamula irhwe lya Yoyakini, amukûla omu mpamikwa.

2 Bâm 25:29

Amuhogoza erya myambalo y’abashwêkwa, Yoyakini akâlîra oku cîbo câge boshi naye, amango anacihali goshi.

2 Bâm 25:30

Omu kulama mwâmi akazimuha ngasi ebi analagîrîrekwo omu kalamo kâge koshi.

Izaya 22:17

“Alà oku Nyakasane akola akudundaganya, akukwêbe kulî, wâni sho! anakurhulube bwinjinjà”,

Yeremiya 10:18

Bulya kwo adesire ntya Nyakasane. Lolà oku lêro kulibirha n’abalibirhakwo, bajè kulî, ababamwo eci cihugo nabaheba omu malibuko lyo banshanga

Yeremiya 13:18

Obwîre mwâmi n’omwâmikazi: Tamali oku idaho bulya ecimanè cirya c’irenge carhibusire oku irhwe linyu.

Yeremiya 16:13

Nkolaga nâmuhulusa muli eci cihugo, mujè omu cihugo murhishi, ôli mwe, ôli basho: eyo munda mwajikolera abandi ba nyamuzinda b’obwîhambi, mûshi na budufu, bulyâla ntâmufîre bwonjo.

Yeremiya 22:27

Eci cihugo balonzize okushubiramwo naco, barhakacishubiramwo.

Yeremiya 28:4

“Kwo na kwo, Yekonyahu mwene Yehoyakimu, mwâmi w’e Yûda, ye bo na abalulizibagwa kurhenga e Yûda mpu bajè e Babiloni, nâjira bagaluke aha, kanwa ka Nyakasane, bulyâla nkola nashangula omucîmba gwa mâmi w’e Babiloni”».

Yeremiya 29:2

Mwâmi Yekonyahu ali amârhenga e Yeruzale­mu ye bo n’omwâmi-kazi n’ebibwindi, n’abasahizi b’e Yûda n’e Yeruzalemu, n’abatuzi n’ababinji.

Yeremiya 44:14

Muli ogu musigala gwa Yûda gwayishigibêra omu cihugo ca Mîsiri, barhâfulumuke­ mwo ciru n’omuguma, mpu ashubire omu cihugo ca Yûda, n’obwo badwîrhe bacîfinja okuyishubira n’okuyibêra».