Yeremiya 22:13 - BIBLIYA NTAGATIFU OMU MASHI

¹³ Ali muhanya oyûbaka enyumpa yâge buzira bushinganyanya, n’ebyumpa by’enyanya buzira kuyâza, omuntu okolêsa owâbo busha, buzira kumuhà oluhembo.

Yeremiya 22:13 ပူးပေါင်းရင်းမြစ်များ

2 Nganîro 36:4

Ayîmika mwâmi omu Yûda n’omu Yeruzalemu, Eliyakimu, mwene wâbo Yehowakazi, ahindula izîno lyâge amuhà elya Yehoyakimu. Neko agwârha mwene wâbo Yehowakazi anacimuhêka e Mîsiri.

2 Nganîro 36:5

Yehoyakimu agwêrhe myâka makumi abirhi n’irhanu amango abâga mwâmi, ayîma myâka ikumi na muguma ali mwâmi aha Yeruzalemu. Ajira ebiri bigalugalu omu masù ga Nyamubâho, Nyamuzinda wâge.

Ayubu 31:39

Akabà nalîremwo omwâka gw’omuntu buzira kutumûla akabà nayîsire bene obudaka bwâbo?

Izaya 5:8

Buhanya bwâbo abakâja bayûshûla enyumpa oku yindi banajà bananika ishwa olu lindi! Buzinda erhi barhôzire hoshi hoshi, erhi bône bakola bali omu cihugo.

Yeremiya 17:11

Enkwâle enalalire amaji erharhêraga. Yo nguma n’omuntu ogala n’ebizimbano anabisige omu karhî k’ensiku zâge, anazinde erhi abonekana oku ali muhwinja. Okucîkubagira aka-Nyamuzinda ka Nyakasane

Yeremiya 22:18

Ebyo birhumire, ntya kwo Nyakasane adesire. Yehoyakimu, mwene Yoshiyahu, mwâmi w’e Yûda. Arhalakirwe, mpu: «Alà mwâna wîrhu wee! mpu alà mwâli wîrhu wee! Nanga arhalakirwe mpu: Yajewe, Nnâhamwîrhu wee! Mpu yajewe, Nyamwagirwa wee!

Ben Levi 19:13

Orhahîra okarhindibuza omulungu, orhahîra wamunyaga ehyâge: oluhembo lw’omulimya lurhayôrhaga omu mwâwe kuhika olusiku lwakulikira.

Mikeyo 3:10

mwe mudwîrhe mwayûbaka Siyoni n’omukò, na Yeruzalemu oku mabî!

Habakuki 2:12

Buhanya bwinyu! Mwe muyûbakira okuyôloloka kw’ebishagala oku mu­ko haguma n’okurhindagira abandi.

Malakiya 3:5

Nyakasane w’Emirhwe adesire, erhi: «Nêci, nâyisha ekarhî kinyu nd’itwa olubanja. Nâbiduha ndiyâgîriza abakurungu, abagonyi, abalahira ebîra, abarhakamasa abakozi bâbo, abalibuza abakana n’enfûzi erhi okulenganya ebigolo, ngasi ba­lya barhanyôboha boshi».

Lushika 15:13

Nêci onamuleke agende ci orhamulikaga maboko mûmu.

Yakôbo 5:4

Ka murhabwîni oku oluhembo mwayimaga abakozi basârûlaga amashwa ginyu ludwîrhe lwabanda endûlù n’oku emirenge y’abo basârûzi yahisire omu marhwiri ga Nyakasane Nyamuzinda w’emirhwe?