Yeremiya 21:9 - BIBLIYA NTAGATIFU OMU MASHI

⁹ Owakabêra mw’ogu murhundu âfà n’engôrho, n’ishali n’ecihûsi. Ci owakarhengamwo akaja emwa Abakaldeyi, bo bamurhezire, âlama, abêrana omûka gwâge nka munyago.

Yeremiya 21:9 ပူးပေါင်းရင်းမြစ်များ

Yeremiya 14:12

Ciru bakacîshalisa, ntayumvîrhize omusengero gwâbo, ciru bakarhûla embâgwa n’enterekêro, ntakabiyêmêra. Bulyâla nnonzize okubahungumula n’engôrho, n’ishali n’ecahira.»

Yeremiya 21:7

Enyuma ly’aho, kanwa ka Nyamubâho, nâhana Sedekyahu, mwâmi w’e Yu­da, ye n’abambali, olubaga na balya boshi bâfume ecihûsi, engôrho n’ecizombo, nâbahisa omu nfune za Nabukondonozori, mwâmi w’e Babiloni, omu nfune z’abashombanyi bâbo, n’omu nfune za balya barhabalongeza kalamo, burhababâlira ndi, burhafà bwonjo, buzira lukogo».

Yeremiya 24:10

“Nabalikiramwo engôrho, ecizombo n’ecihûsi, balinde bahêrerekera mw’er’ishwa nabahâga bo na b’îshe”».

Yeremiya 27:11

“Cikwône ishanja lyarhege omucîmba gw’omwâmi w’e Babiloni ecikanyi likanamushiga, nalihà okurhamûkira omu ishwa lyâlyo, kanwa ka Nyakasane, lyâlihinga linaliyûbake”.

Yeremiya 27:12

“Naye Sedekyahu mwâmi w’e Yûda namushambâlira okwo kwonanênè; namubwîra: nti murhege omuzigo gw’omwâmi w’e Babiloni ebikanyi binyu, mumukolere, ye n’olubaga lwâge, mwâlama”.

Yeremiya 27:13

“(Carhuma walonza w’oyo n’olubaga, okufà n’engôrho, n’ecizombo n’ecahira, kulyâla Nyakasane ayôbohagya n’ebyo olubaga lurhashiziri omwâmi w’e Babiloni?)”

Yeremiya 38:2

«Ntya kwo Nyakasane adesire: ngasi yêshi wakabêramwo olu lugo afîramwo n’engôrho, ecizombo erhi n’ecahira. Cikwône ngasi wakahuluka acîyêgûla abà­ntu b’e Sîriya alama, okulama gwo gwâge munyago, kulama analama.

Yeremiya 38:3

Ntya kwo Nyakasane adesire: oburhabêsha, olu lugo lwamâgwa omu nfune z’omu­rhwe gw’abalwî ba mwâmi w’e Babiloni, ye wânalunyâge!»

Yeremiya 39:18

“cikwône nakugeza obafume, engôrho erhâkuhumekwo, obuzîne bugumaguma gwo gwabà munyago gwâwe, bulya wacinyîkubagîre, kanwa ka Nyakasane”».

Yeremiya 45:5

Nâwe odwîrhage wahûna mpu bakuhè byâwe-byâwe. Orhahûne, bulyâla, sinza: buhanya nalêrhera ngasi mubiri, Nyakasane okudesire. Na nâwe, omunyago nkuhîre, bunali obuzîne bwâwe, ngasi aha wakanaja».

Ezekiyeli 5:12

Cihimbi ciguma ca kasharhu c’abantu bâwe bafà n’ecihûsi, ishali lyâbamalirira ekarhî kâwe, ecindi cihimbi ca kasharhu engôrho yâci­malirira eburhambi bwâwe n’ecindi cihimbi ca kasharhu cicisigîre nâcishandabaganya balibirhe erhi n’engôrho ebali omu nyuma.